جۇڭگو ئاخبارات تورىنىڭ 11-چىسلادىكى تېلىگراممىسى:چەتئەل ئاخبارات ۋاستىلىرىنىڭ خەۋىرىگە قارىغاندا،ئىراننىڭ مۇئاۋىن زۇڭتۇڭى ھاشىم 11-چىسلا دۆلەت تېلىۋىزىيە ئىستانسىسى ئارقىلىق سۆز قىلىپ،شۇ كۈنى يۈز بەرگەن ئىران ئالىملىرىغا قەستلەش  ۋەقەسىنىڭ ئىراننىڭ يادرو پىلانىنىڭ ئىلگىرلەشكە ئېرىشىشىگە تەسىر كۆرسىتەلمەيدىغانلىقىنى تەكىتلىگەن.

ئۇ:‹‹ئەنە ئۆزلىرىنى تىرورچىلارغا زەربە بېرىمىز دەۋالغان ئادەملەر بۈگۈن تىغ ئۇچىنى ئىران ئالىملىرىغا قاراتتى.ئەمما ئۇلار شۇنى بىلىشى كېرەككى،بۇ ئالىملار ئىراننى ئالغا سىلجىتىشتا ھەر قانداق ۋاقىتتىكىدىنمۇ  بەك ئىشەنچىسى مۇستەھكەم ››.

ئۇ يەنە 11-چىسلا يۈز بەرگەن ئىران ئالىملىرىنى قەستلەش ۋەقەسى چەتئەل ھۆكۈمەتلىرىنىڭ تىرورچىلارنى قوللايدىغانلىقىنىڭ ئىسپاتى دېدى.

11-چىسلا چۈشتىن بۇرۇن،ئىران پايتەختى تېھراننىڭ شىمالىي قىسمىدا ماشىنا بومبا ھۇجۇمى يۈز بەرگەن بولۇپ،ئىراننىڭ بىر نەپەر ئالىمى ئۆلۈپ،3نەپەر ئادەم يارىلانغان.

ئىران پارس ئاگېنتلىقىنىڭ خەۋىرىگە قارىغاندا،ئۆلگۈچىنىڭ ئىسمى مۇستاپا ئەھمەد لوسەن بولۇپ، بۇ يىل 32ياشقا كىرگەن، تېھراندىكى بىر تەبىئى پەنلەر سانائەت ئىنىستۇتىنىڭ پىروفىسسورى ،ئىلگىرى ئىران ناتالىز ئۇران قۇيۇلدۇرۇش زاۋۇتىدا ئىشلىگەن.

ئىران ئاخبارات ۋاستىلىرى بۇ ۋەقەنى تىرورلۇق قەستلەش ۋەقەسى دەپ بېكىتتى.