نامرات ئامېرىكىلىقلار گۆرلۈك ساتىدىغان ھالغا  چۈشۈپ قالدى
           ئامېرىكا لوس-ئانژېلس«كۈندىلىك خەۋەرلەر» گېزىتىدە  يېقىنقى ئېيتىلىشىچە، پۇل مۇئامىلە كرىزىسىنىڭ چوڭقۇرلىشىشى سەۋەبىدىن، ئامالسىز ئەھۋالدا قېلىپ، ئېلىكىدىكى گۆرلۈكلەرنى ئەرزان باھادا ھەدەپ سېتىۋاتقان ئامېرىكىلىقلار كۈندىن كۈنگە كۆپىيىۋاتقاچقا، ئامېرىكا گۆرلۈك ۋاستىچىلىكى ساھەسى مۇۋاپىق ۋاقىتقا توغرا كەلمىگەن «گۈللىنىش»نى كۈتۈۋالغان.
     خەۋەردە ئېيتىلىشىچە، بەزى ئامېرىكىلىقلار ئىقتىسادتا قېينىلىپ قالغاچقا،   گۆرلۈككە ئىشلىتىدىغان يەرلىرىنى ھەدەپ سېتىشقا باشلىغان. لوس-ئانژېلس رايونىدىكى مەلۇم گۆرلۈك ۋاسىتىچىلىكى شىركىتىنىڭ خىزمەتچىسى: يېقىندا ئىقتىساد كاساتلاشقاچقا، تىجارىتىمىز ئادەتتىكى ۋاقىتلاردىكىدىن 9-10ھەسسە كۆپەيدى. ئۆيى مۇسادىرە قىلىنىش خەۋپىگە دۇچ كەلگەن ئايال خېرىدارىمىز ئەسلىدە 6800دوللارغا يارايدىغان گۆرلۈكنى 500دوللارغا سېتىۋېتىشكە مەجبۇر بولدى،دېگەن.
        خەۋەردە ئېيتىلىشىچە، پۇلغا جىددىي ئېھتىياجلىق بولغاچقا، نۇرغۇن كىشى ئەجدادىدىن قالغان  جەمەت گۆرلۈكىگە ئىشلىتىدىغان يەرلەرنى بۆلۈپ سېتىشقا مەجبۇر بولغان. ئىسمىنى ئاشكارىلاشنى خالىمىغان بىرخانىم ئىنتايىن مەيۈسلەنگەن ھالدا: گۆرلۈككە ئىشلىتىدىغان يەرلەرنى سېتىۋەتتىم. ۋاپات بولغاندىن كېيىن جەمەتىمدىكى باشقا ئەزالار بىلەن بىرجايغا دەپنە قىلىنىش ئارزۇيۇم كۆپۈككە ئايلاندى،دېگەن. ئاتا-ئانىسى ۋە باشقا ئۇرۇق-تۇغقانلىرى كۆمۈلگەن گۆرلۈكنىڭ يېنىدىكى ئىككى گۆرلۈكنى سېتىۋېتىشنى قارار قىلغان جەنۇبىي كالىفورنىيىلىك كارول لىبېرمان  : مەن ھازىر پۇلغا جىددىي ئېھتىياجلىق بولغاچقا، مۇشۇنداق قىلىشقا مەجبۇر بولدۇم.  مەن ئۈچۈن گۆرلۈكنى سېتىش، جەمەت تارىخىنى داۋاملاشتۇرۇش بىلەن ھازىرقى ئائىلەمنىڭ تەقدىرى ئارىسىدا چىقىرىلغان ناھايىتى قېيىن قارار. مەنمۇ نۇرغۇن كىشىدەك ھازىر ھايات قىلىش تېخىمۇ مۇھىم، دېگەن خۇلاسىگە كەلدىم،دېگەن.
(«يەرشارى ۋاقىت گېزىتى»دىن)