تۇيغۇن:كېچە چىللىغان مەرغول

تۇيغۇن · ۋاقتى: 2014-11-27 10:12:54


	كېچە چىللىغان مەرغول تۇيغۇن قاتلىنىپ كەلدى ئۇزاقتىن ئوت يۇتۇپ سەنسىز كېچە، قاقلىنىپ كەتتى پۇراقتىن گۈل يۈتۈپ سەنسىز كېچە. ئىمتىھان قىلغان ھىجىرغا ئەركىنى بەرگەن ئۆزۈڭ، نۇر ئۆچۈپ باشتىن يىقىلدىم تىغ ئۇتۇپ سەنسىز كېچە. رەڭ تىلەپ تۇرسا ئۇپۇقۇم سۈپسۈزۈك تاڭلار ئارا، ۋە لېكىن بوپقالدى مەيلىڭ سوغ قۇتۇپ سەنسىز كېچە. كۆيمىكىم ئالەمگە مەشھۇر، مىڭ ئوشاق ئىزھارىمەن، ھەر تەلەپ، ھەر بىر سۈپەتتە دەرد كۈتۈپ سەنسىز كېچە. كەلمىگەن كىم تاڭنىسىغا ئىشقىدىن مەنزىل ياساپ، مەنمۇ تەق بىر پەيتكە مىڭ جۇتتىن ئۆتۈپ سەنسىز كېچە. بەك گۈزەل چۈشلەرگە باغلاپ قويدى قاي چاغ جىلمىيىش؟ ھەر دەقىق قەستىڭگە بەنت تەبىر پۈتۈپ سەنسىز كېچە. سىغدىلىپ كەلگەن ھىجىرغا سىغمىدى تۇيغۇن بۇ رەت، مەرھابا،دەپ كۈتتى ئىزھار گۈل تۇتۇپ سەنسىز كېچە...

yadikar · ۋاقتى: 2014-11-27 10:53:07


	ئېسىل غەزەللەر دىللارنى سۆيۈندۈردى.قەلەم تۇلپارىڭىزغا نۇرلۇق مەنزىللەر يار بولغاي!

badamgul · ۋاقتى: 2014-11-28 00:57:47


	ئېسىل غەزەللەرنى يوللاۋاتىسىز.ھەقىقەتەن قابىلىيەتلىك ئىكەنسىز جۇمۇ

مىكروبلوگ[ يېڭى | 24 سائەت | 7 كۈن | 30 كۈن ]