ياغاچ ئات ۋىرۇسىنىڭ جايىنى ئېنىقلاش

yadikar

ياغاچ ئات ۋىرۇسىنىڭ يۇشۇرۇنغان جايىنى تەلتۆكۈس ئېنىقلاش

ياغاچ ئات بولسا بىر خىل يىراقتىن كونترول قىلىشنى ئاساس قىلغان ۋىرۇس پروگراممىسى ، بۇ پروگرامما ئىنتايىن كۈچلۈك يوشۇرنۇش ۋە زىيان يەتكۈزۈش ئىقتىدارى بار ، ئۇ ئىنسى جىنمۇ بىلمىگەن ئەھۋالدا سىزنى كونترول قلىدۇ ياكى كۈزىتىدۇ .  ئۇنداقتا قانداق قىلىپ <<ياغاچ ئات>> نىڭ يۇشۇرۇنغان جايىنى ئېنىقلايمىز ؟ بۇ بەلكىم ۋىرۇس پروگراممىسى بىلەن ئانچە تونۇشى بولمىغان ياكى كۆپ قېتىم ھۇجۇمغا ئۇچرىغان دوستلىرىمىز قىزىقىدىغان تىما بولسا كېرەك .

1 . پروگرامما ئىچكى قىسمىغا سىغدۇرۋېتىلگەن بولىدۇ  
ئەمەلىيەتتە <<ياغاچ ئات>>  مۇ بىرخىل مۇلازىمىتىر بىلەن ئىشلەتكۈچى ئارىسىدىكى پروگرامما ، ئۇ ئىشلەتكۈچىنىڭ ئۆزىنى ئۆچۈرۋېتىشىدىن ساقلىنىش ئۈچۈن پروگرامما ئىچكى قىسىمىغا يوشۇرنىۋالىدۇ ، ناۋادا ياغاچ ئات پروگراممىسى ئىجرا بولۇپ كەتسە ، مەلۇم پروگراممىغا باغلىنىپ قالىدۇ ، بىز ۋىرۇس پروگراممىسىنى تازلىۋەتكەن تەقدىردىمۇ ، شۇ ۋىرۇس پروگراممىسى باغلانغان پروگرامما ئىجرا بولغان ھامان بۇ ئۆلگۈر ياغاچ ئات يەنە تېرىلىدۇ .  ئەگەر تەلىيىمىز قېچىپ ۋىرۇس پروگراممىسى مەلۇم قوللىنىشچان پروگراممىغا باغلىنىۋالىدىغان بولسا ھەر قېتىم كومپيۇتېرنى قوزغاتقاندىلا ئىجرا بولىدۇ - دە بۇنىڭدىن قۇتۇلىشىمىز تەسكە توختايدۇ .  

2 . تەڭشەش ھۆججىتىگە يوشۇرۇنۋالغان بولىدۇ
  <<ياغاچ ئات>>  ھەقىقەتەنمۇ بەكلا ھىيلىگەر ، ئەگەر ئىشلەتكۈچىنىڭ قوللانغىنى گىرافىكلاشقان مەشخۇلات سېستىمىسى بولسا ، ئانچە مۇھىم بولمىغان تەڭشەش ھۆججىتلىرىگە پەقەتلا ئەھمىيەت بېرىلمەيدۇ ،  بۇ <<ياغاچ ئات>> قا ئەڭ ياخشى بولغا يوشۇرنۇش سورۇنى تەمىنلەيدۇ . ئۇنىڭ ئۈستىگە تەڭشەش ھۆججەتلىرىنىڭ ئالاھىدە ئىقتىدارلىرىدىن پايدىلىنىپ <<ياغاچ ئات>>  ئىجرا بولۇش ، قوزغلىش ۋە كۈزىتىش مەقسىتىگە ئاسانلا يېتەلەيدۇ .  لىكىن ئاسانلا پاش بولۇپ قالىدىغان بولغاچقا ھازىر بۇ خىل ئۇسۇلدا يوشۇرۇش كۆپ قوللىنىلمايدۇ . شۇڭا  Autoexec.bat ۋە Config.sys لارغا <<ياغاچ ئات>>  يۈكلەش كۆپ كۆرۈلمەيدۇ ، لىكىن نەزەردىن ساقىت قىلىشقىمۇ بولمايدۇ .  

3 . Win.ini غا يوشۇرۇش  
<<ياغاچ ئات>> ناۋادا كومپيۇتېرنى كۈزىتىش ياكى كونترول قىىش مەقسىتىگە يەتمەكچى بولىدىكەن ، چوقۇم ئىجرا بولىشى ھەمدە ئىشلەتكۈچى ۋىرۇس پروگراممىسىنى بايقاپ قالماسلىقى كېرەك . بۇنىڭ ئۈچۈن بىخەتەر جاي بولسا سېستىما ھۆججىتى Win.ini غا يوشۇرنۇش .  
Win.ini ھۆججىتىنى ئېچىپ قاراپ باقساق ئۇنىڭ [windows] بۆلىكىدە <<=load>> ياكى <<=run>> دېگەن بۇيرۇق بار ، ئادەتتە ＝ نىڭ كەينى بوش بولىدۇ ، ئەگەر ئارقىسىدا پروگرامما بولسا  ، مەسلەن ، run=c:\windows\file.exe load=c:\windows\file.exe بۇ چاقدا ئېتىيات قىلىش كېرەك ، بۇ يەردىكى file.exe بەلكىم ۋىرۇس پروگراممىسى بولۇشى مۇمكىن .

4 . يالغاندىن ئادەتتىكى ھۆججەتلەر ئارىسىغا قىسىلىۋېلىش
  بۇ خىل ئۇسۇل كىيىنرەك مەيدانغا كەلگەن بولسىمۇ لىكىن قوللىنىشى بىر قەدەر كۆپرەك ، مەشخۇلاتتا تازا پىشمىغانلار ياكى يېڭى ئۆگەنگەنلەر ئاسانلا مۇشۇ خىل ئۇسۇلدا زىيانكەشلىككە ئۇچىرايدۇ  .  ئۇسۇلى بولسا ئىجرائى پروگراممىلارنى يالغاندىن سۈرەت ھۆججىتى ياكى يېزىق ھۆججىتى قىياپىتىدە ياساپ ئۇنىڭ نامىنى  jpg.exe . *  شەكلىدە ساقلايدۇ ، ئەگەر سېستىمىنىڭ كۆڭۈلدىكى قىممىتى ھۆججەتلەرنى كىڭەيتىلگەن نامى كۆرۈنمەيدىغان قىلىپ تەڭشەلگەن بولسا بۇ ھۆججەت ئاسانلا سۈرەت ھۆججىتى دەپ خاتا قارىلىپ ئالدام خالتىغا چۈشىدۇ .  
  
  5 .  تىزىملاش جەدىۋېلىنىڭ ئىچكى قىسمىغا ئورۇنلاشتۇرۋېتىش  
  يۇقارقى ئۇسۇلدا گەرچە ئالداش ئاسان ، ئىشلىتىش قولاي بولسىمۇ لىكىن ، بىر قەدەر تەجىربىلىك كىشىلەرگە نىسبەتەن بۇنى بايقىۋېلىش ئاسان . تۆۋەندىكىسى بولسا تىزىملىك جەدىۋېلىگە يوشۇرۇش ئۇسۇلى ، تىزىملىك جەدىۋېلى بىر قەدەر مۇرەككەپ بولغانلىقتىن بۇنى بايقاشمۇ بىر قەدەر قىيىنغا توختايدۇ .  تىزىملىك جەدىۋېلىنى ئېچىپ قاراپ بېقىڭ ، تۆۋەندىكى ھۆججەتلەرنى ھەرگىز بوش قويۋېتىشكە بولمايدۇ .  
HKEY_LOCAL_MACHINE\Software\Microsoft\Windows\CurrentVersion ئاستىدىكى بارلىق  run دىن باشلانغان كونۇپكا قىممىتى .  
HKEY_CURRENT_USER\Software\Microsoft\Windows\CurrentVersion نىڭ ئاستىدىكى بارلىق   run دىن باشلانغان كونۇپكا قىممىتى .  
HKEY-USERS\.Default\Software\Microsoft\Windows\CurrentVersion نىڭ ئاستىدىكى بارلىق   run دىن باشلانغان كونۇپكا قىممىتى .  

6 . System.ini نىڭ ئىچىگە يوشۇرنىدۇ  
  <<ياغاچ ئات>> نىڭ يوشۇرۇنمايدىغان يېرى يوق ، قەيەردە يوچۇق بولىدىكەن شۇ يەردىن ھۇجۇم قىلىدۇ ، Windows نىڭ قاچىلاش مۇندەرىجىسى ئاستىدىكى System.ini مۇ <<ياغاچ ئات>> يوشۇرنىدىغان جايلارنىڭ بىرى  . بۇ ھۆججەتنى ئېچىپ كۆرۈپ نۇرمال ھۆججەت بىلەن سېلىشتۇرۇپ بېقىڭ ، ئەگەر boot يېزىق بۆلىكىدە تۆۋەندىكىدەك مەزمۇن بولسا يەنى shell=Explorer.exe file.exe ئۇنداقتا تەلىيىڭىز قېچىپتۇ ، ئۇنىڭدىكى file.exe دەل ۋىرۇس پروگراممىسى !  بۇندىن باشقا System.ini نىڭ 386Enh يېزىق بۆلىكىدىكى  = driver گىمۇ دېققەت قىلىش كېرەك ، بۇنىڭغىمۇ پروگرامما يوشۇرۇنغان بولىشى مۇمكىن  ،  يەنە [mic]、[drivers]、[drivers32] قاتارلىق يېزىق بۆلىكىمۇ ۋىرۇس يوشۇرغىلى بولىدىغان سورۇنلاردۇر .  

7 . قوزغىلىش ھۆججىتىگە باغلانغان بولىدۇ  
يەنى  قوللىنىچان پروگراممىلارنىڭ قوزغىلىشىنى تەڭشەش ھۆججىتى ، كونترول قىلغۇچى تەرەپ يۇقارقى پروگرامما قوزغىتىش ئەۋزەللىكىدىن پايدىلىنىپ  ، ئالدىن تەييارلانغان ۋىرۇس پروگراممىسىنى قوزغىتىش بۇيرۇقىنى يۇقارقى پروگراممىنى قوزغىتىش بۇيرۇقى بىلەن ئوخشاش قىلىپ يوللاپ ئالماشتۇرۇش مەشخۇلاتى ئارقىلىق ئەسلى بۇيرۇققا ۋىرۇس قوزغىتىش بۇيرۇقىنى ئالماشتۇرىدۇ ، شۇنداق قىلىپ <<ياغاچ ئات>> نى تىرىلدۈرۈشنى ئەمەلگە ئاشۇرىدۇ .  

8 . ئۇلىنىشلارغا قوشۇپ قويىدۇ  
  <<ياغاچ ئات>> ياسىغۇچى تور بەتكە ۋىرۇس كودىنى قوشۇپ ئۇنىڭغا ئادەمنى جەلىپ قىلىدىغان ئۇلىنىشلارنى ئۇلايدۇ ، ئەگەر سىز بۇ ئۇلىنىشنى چەكسىڭىزلا ئۇنىڭ قىلتىقىغا چۈشىسىز ، بۇ تور دۇنياسىدىكى يۇقىملىنىش ئاسان ۋە ئەڭ كۆپ يوللارنىڭ بىرى ، شۇڭا ناتونۇش ئۇلىنىشلارنى قالايمىغان چەكمەسلىك كېرەك .
مەنبە: تورسودا مۇنبىرى

dohturbiz

سىناپ كۆرەيلى