شائىر ئابدۇلئەھەت داۋۇت تۈركزاتنىڭ تەرجىمھالى

yadikar

شائىر ئابدۇلئەھەت داۋۇت تۈركزاتنىڭ قىسقىچە تەرجىمھالى

شائىر ئابدۇلئەھەت داۋۇت تۈركزات 1968-يىلى 4-ئاينىڭ 9-كۈنى گۇما ناھىيىسىنىڭ كۆكتېرەك يىزىسىدا مەرىپەتپەرۋەر دېھقان ئائىلىسىدە دۇنياغا كەلگەن.1978-يىلى 9-ئايدىن 1986-يىلى 7-ئايغىچە ئۆز يېزىسىدكى باشلانغۇچ ۋە تولۇقسىز ئوتتۇرا مەكتەپتە،1986-يىلى 9-ئايدىن 1989-يىلى 7-ئايغىچە خوتەن ۋىلايەتلىك دارىلمۇئەللىمىن مەكتىۋىنىڭ ئومۇمى پەن سىنىپىدائوقۇغان.1996-يىلى 5-ئايدىن 1999-يىلى 9-ئايغىچە شىنجاڭ ئۇنۋىرىستىتىنىڭ سىرتتىن ئوقۇش سىنىپىدا تىل-ئەدەبىيات كەسپى بويىچە ئوقۇپ مەخسۇس  كۇرۇس ئوقۇش تارىخىغا ئېگە بولغان.ئۇ 1989-يىلى دارىلمۇئەللىمىن مەكتىۋىنى پۈتتۈرگەندىن كېيىن 1995-يىلغىچە ئۆز يېزىسىدىكى باشلانغۇچ مەكتەپتە ئوقۇتقۇچىلىق خىزمىتنى ئىشلىگەن.1995-يىلى 5-ئايدىن 1997-يىلى 5-ئايغىچە كۆكتېرەك يېزىلىق پارتىكۇم،خەلق ھۆكىمىتىدە كاتىپلىق،1997-يىلى 5-ئايدىن 2000-يىلى 12-ئايغىچە گۇما ناھىيىلىك مائارىپ ئىدارىسىدە چوڭلار مائارىپ كادىرلىق ۋەزىپىلىرىنى ئۆتىگەن.2000-يىلى 12-ئايدىن ھازىرغا قەدەر يەنە ئۆز يېزىسىدىكى باشلانغۇچ مەكتەپتە ئىشلەۋاتىدۇ.شائىرنىڭ ئەدەبى ئىجادىيىتى خوتەن ۋىلايەتلىك دارىلمۇئەللىمىن مەكتىۋىدە ئوقۇۋاتقان مەزگىلىدە باشلانغان بولۇپ،تۇنجى ئەسىرى-«غايە يولىدا»ناملىق شىئېرى «خوتەن گېزىتى»نىڭ 1987-يىللىق 19-دىكابىر سانىدا ئىلان قىلىنغان.شۇندىن ئىتىبارەن ئۇ «جوڭگۇ مىللەتلىرى»،«تارىم»،«شىنجاڭ ياشلىرى»،«يېڭى قاشتېشى»،«شىنجاڭ گېزىتى»،«ئۈرۈمچى كەچلىك گېزىتى»،«خوتەن گېزىتى»قاتارلىق ئاپتۇنۇم رايۇنىمىز تەۋەسىدىكى ھەرقايسى گېزىت- ژورناللاردا 400 پارچىدىن ئارتۇق شىئېر،«زاپاس ئاشقازان سەپلەش ئىلانى»،«خېتىڭىز چىرايلىق بولغاندىكىن»قاتارلىق 20پارچىدىن ئارتۇق ھېكايە-فىليەتۇن،نەسىر ۋە ئوبزور ماقالىلىرىنى ئىلان قىلغان.1995-يىلى«غەزەللەر»ناملىق بىر گۇرۇپپا شىئېرى«يېڭى قاشتېشى»ژورنىلى تەرىپىدىن مۇنەۋۋەر ئەسەر «مۇنەۋۋەر ئەسەر» مۇكاپاتىغا ئېرىشكەن.«يۇرۇڭقاش شاتلىقى»،«شائىرلار نىمە دەيدۇ»ناملىق كوللىكتىپ توپلاملارغا شېئىرلىرى كىرگۈزۈلگەن.ئۇ يېقىندىن بىرى «شۇ كېچە»،«ئالداشنى ئۆگىتىدۇ ئالدىنىشلار»،«تۈركزات رۇبائىيلىرى»قاتارلىق ئۈچ پارچە توپلىمىنى نەشىرگە تەييارلىدى.شائىر ئىجادى ھاياتىدا «شەھلائىي»،«نەشتەرى»قاتارلىق ئەدەبى تەخەللۇسلارنى قوللانغان بولۇپ،يېقىنقى ئون يىل مابەينىدە«تۈركزات»دېگەن ئاتالغۇنى تەخەللۇس ھەم فامىلە(ئىچ ئات )قىلىپ ئىزچىل قوللىنىۋاتىدۇ.
شائىر ئابدۇلئەھەت داۋۇت تۈركزات ھازىر«گۇما دىيارى»مۇنبىرىنىڭ تەكلىپلىك يازغۇچىسى ھەم ئالى باشقۇرغۇچىسى. خوتەن ۋىلايەتلىك يازغۇچىلار جەمىيىتىنىڭ ھەم گۇما ناھىيىلىك يازغۇچىلار جەمىيىتىنىڭ ئەزاسى.

shaidayi

     تۈركزات ئاكىمىزنىڭ تەرجىمھالى بىلەن مۇنبەر يۈزىدە تونۇشۇپ چىققىنىمدىن خوشالمەن!  ھاياتلىق باھارىڭىزنىڭ 45- پەسلىگە مۇبارەك بولسۇن ئاكا، ئىجادىيىتىڭىزگە ئوتۇق تىلەش بىلەن بىرگە ئەزىز تېنڭىزنىڭ سالامەت بولۇشىنى تىلەيمەن، ئىزدىنىشلىرىڭىز ئوتۇقلۇق  بولغاي  !!!!

arkan

جان-جىگەر دوستۇم ، يىقىن خوشنام ۋە كۆيۈملۈك بۇرادىرىم تۈركزادقا  ياراتقان ئاللاھ دىن ئائىلىسىگە  بەخىت ، تىنىگە سالامەتلىك، بۇندىن كىيىنكى  خىزمەتلىرىگە ئۇتۇق ۋە ىئجادىيەتلىرىگە بەرىكەت   تىلەيمەن. ئىنىم تۈرۈكزادنىڭ بۇندىن كىيىن ئەڭ يىڭى نادىر ئەسەرلەرنى  روياپقا چىقىرىشىغا تىلەكداشمەن!

begturk

دوستۇمنىڭ قەدىمىگە بەركەت،قەلىمىگە ئىزچىللىق ،سۈزۈك پەللىلەر يار بولغاي!ئىجات سەپىرىدە چىرايلىق تاڭلار بىلەن قۇچاقلاشقاي!

mamutomar

تىنىگە ساغلاملىق،ئېجادىيىتىگە ئىزچىللىق تىلەيمەن

زۇلپىيە

تۈرۈكزاتنىڭ  تەرجىمھالى  بىلەن  تۇنۇشۇپ  چىققىنىمدىن  تولىمۇ  خوشال  بولدۇم شائىرنىڭ  بۇنىڭدىن كېيىنكى  مۇساپىسىنىڭ ئۇتۇقلۇق  ئائىلىسىنىڭ بەختلىك  بۇلۇشىنى  تىلەش بىلەن  بىللە  ئىجادىيىتىگە  مۇۋەپىقىيەت  تىلەيمەن

پىنھانە

ئەسسالام تۇرۇكزات. تەرجىمھاللىرىنى مۇنبەردە كۆرۈپ سىلىنىڭ تۇغۇلغاندىن تاكى ئۆسۇپ يىتىلىش، ئوقۇش،خىزمەت ۋە ئىجادىيەت تارىخلىرىغا بولغان تونۇشۇم يەنە بىر بالداق يۇقۇرى كۆتىرىلدى. مەن سىلىدىن پەخىرلىنىمەن. ھەم سىلىىنڭ ئائىلىلىرىگە چەكسىز بەخىت، تۇرمۇشلىغا خاتىرجەملىك، ئىجادىيەتلىرىگە ئۇتۇق، تىلەيمەن.

خانتۈرك

قەلەم تۇلپارىڭىز ھارمىسۇن..بۇندىن كىيىنكى ئىجادىيتىڭىزگە  ئۇتۇق تىلەيمەن...

پەزىلەت

سالام ئابلەت  تىچلىكمۇ ؟كۇرۇشمىگىلى 3يىلدىن .ئاشتىغۇ دەيمەن،........مۇنبەرگە كىرىپ تۇنجى كۇرگىنىم سىز بۇلدىڭىز .شۇ سەۋەپتىنمىكىن پەقەت مۇنبىرىڭلادىن يات سىرمىدىم

arkan

ھازىر شىنجاڭ يازغۇچىلار جەمىيىتىنىڭ ئەزاسى دەپ قوشۇپ قويساق بولىدىغاندۇ؟