ئابلەت ئەخمەت؛ئۆزىگە چۆكتى،ئۆزىدىن چىقتى

ablatahmat

	ئۆزىگە چۆكتى، ئۆزىدىن چىقتى -شائىر قۇربان باراتقا مەرسىيە - ئەرگە خاس ئەركەكلىكنى جەۋلان قىلدۇرۇپ، ياراتتى بىر پارچە يىشىل دۇنيانى. ھاڭ-تاڭ قالدۇردى،ھەسرەتكە قويدى، كەچتى سانسىز قاراڭغۇ دەريانى. شۇنچە يىللار داۋراڭسىز ياشاپ، بىر چوققىدا يۇمدى كۆزىنى. ئۆزىنى تاغ دەپ يۈكسەك بىلگەنلەر، قايتا كۆرسۇن ئۇنىڭ ئىزىنى. ئۇنىڭ گۈلخانلىرىدا كۆيسەڭ ئەرزىيدۇ، ئۇنىڭ دولقۇنلىرىدا ئۈزسەڭ ئەرزىيدۇ، ئۈمىت،جاسارەت،ھۆرلۈك،گۈزەللىك... يالقۇنلىرىدا ئۆلسەڭ ئەرزىيدۇ. سەن خىيال قىلغۇچە ئۇ يېتىپ بولغان، سەن قەلەم ئالغۇچە ئۇ يېزىپ بولغان، سەن ئاياق كىيگۈچە تىخى ئۆيۈڭدە، ئۇ تالاي چۆللەرنى كېزىپ بولغان. ئۇنىڭ مىسرالىرىنى ۋاراقلا بىر-بىر، قىزغىنىش ئىلكىدە قىلىسەن ھەۋەس. «ئاسىيا ئاسمىنىدا چاقنىغان يۇلتۇز»- «يوقالماس پەلەستىن»... بۇ چوققىلارغا يىتىشمەس نەپەس. ئۇنىڭ دۇنياسىغا شۇڭغۇپ بولغۇچە، بۇ دۇنيادىن بولدى ئۇ غايىپ. ئۆزىگە چۆكتى، ئۆزىدىن چىقتى يىنىمىزدىلا ياشاپ ئاجايىپ.

begturk

	مەرسىيە ھەقىقى يۈرەكتى چىقىپتۇ،ئاداش! تەكلىپىم: ‹‹ ئۆزىگە چۆكتى، ئۆزىدىن چىقتى ›› دىگەن مىسرانى ‹‹ ئۆزىگە چۆكۈپ،ئۆزىدىن تاشتى›› دەپ ئالساقمىكىن.