ياشاڭ مۇھەممەتجان راشىدىن
ئارزۇگۈل ئوسمان (غۇلجىلىق)
قەلەم تۇتۇپ بىر ئۆمۈر راھەتلەرگە باقمىغان،
يازغانلىرى بەكمۇ كۆپ دەپتەرلەرگە پاتمىغان،
ھەقنى يازدى ،يالغاننى بىر مىسراغا قاتمىغان،
ئەل قەلبىدە كۆكلىگەن مۇھەممەتجان راشىدىن .
گاھى يازدى دېھقاننى،گاھى يازدى ئىشچاننى،
قالدۇرمىدى ھەتتاكى ئېتىزدىكى بىر داننى،
نەدىن تاپار بىلمىدىم بۇنداق سۈزۈك ئىلھامنى،
قەلەملىرى ھارمىغان مۇھەممەتجان راشىدىن .
يەتتە ياشتىن يەتمىشكە بارچە خەلق تونىغان،
شېئىرىنى ئوقىسا قەلپ شۇنچە يورىغان،
يات مىللەتمۇ قىزىقىپ بۇ كىم دەپ كۆپ سورىغان ،
شائىرلارنىڭ سەردارى مۇھەممەتجان راشىدىن .
ئۇچرىسىمۇ ناھەققە ھېچ ئارقىغا يانمىدى،
مەرتلىك بىلەن ياشىدى ،ھەقتىن پەقەت تانمىدى،
ئۇلاشسىمۇ سەكسەنگە شېئىرغا ھېچ قانمىدى،
شېئىرىيەتنىڭ شەيداسى مۇھەممەتجان راشىدىن .
شېئىرلىرى ناخشا بوپ يۈرەكلەرگە ئىز سالدى،
ئۇ يازغان شۇ <سەن يوق>(1)لار ئەل كۆزىدىن ياش ئالدى،
ناخشىچىلار ئېيتقاندا بارچە ئەللەر تاڭ قالدى،
تالاي ناخشا ياراتقان مۇھەممەتجان راشىدىن .
<ياشىسۇن>(2) دەپ ياخشىنى ،ئۆزى شۇنداق ياشىغاي،
ئەل قەلبىگە قەلەمدە سۈزۈك سۇلار باشلىغاي،
ئۇزۇن بولسۇن ئۆمرى ھەم يۈزگە قەدەم تاشلىغاي،
ياخشىلارنىڭ ياخشىسى مۇھەممەتجان راشىدىن .
ئىزاھات : (1)،(2).ئۇستاز شائىر مۇھەممەتجان راشىدىننىڭ نادىر شېئىرلىرىنىڭ تېمىسىنى كۆرسىتىدۇ.
ip كۈرۈش
ئىز قوغلاش
ۋاقتى: 2016-2-3 00:19:28
تىما چوققىلاش
چوققىلاش
ئىنكاسنى تاقاش
شاۋقۇن چىقىرىش
变色卡
دېۋان تالىشىش
显身卡
ۋاقتى: 2016-2-3 10:07:52
