سەردار بلوگى

ئىسلام ئەقىدىسىنىڭ ئالاھىدىلىكلىرى

يارقىن ئەقىدە



ئىسلام ئەقىدىسى كەڭ، چۈشىنىشلىك، ئېنىق ئەقىدە بولۇپ ئۇنىڭدا ھىچ قانداق چىگىشلىك، مۇجمەللىك، مۇرەككەپلىك يوق. بۇ ئەقىدىنىڭ ئاساسلىق مەزمۇنى: بۇ ئاجايىپ پۇختا سېستىمىلىق ئالەمنىڭ كەينىدە ئۇنى پۇختا ئورۇنلاشتۇرغان ۋە ئالەمدىكى ھەممە نەرسىگە ئۆلچەم بەلگىلىگەن بىر پەرۋەردىگار بار بولۇپ، ئۇنىڭ شىرىكى يوق، تەڭدىشى يوق، ئايالى يوق، بالىسى يوق. «ئۇلار (يەنى يەھۇدىلار، ناسارالار، مۇشرىكلار): اللھنىڭ بالىسى بار دەيدۇ، اللھ ئۇلارنىڭ (گۇمان قىلغان نەرسىسىدىن) پاكتۇر، ئۇنداق ئەمەس، ئاسمانلاردىكى ۋە زىمىندىكى نەرسىلەرنىڭ ھەممىسى اللھنىڭىدۇر، ھەممىسى ئۇنىڭغا بويسۇنغۇچىدۇر». (سۈرە بەقەر 116- ئايەت).
شۇنداقلا بۇ ئەقىدە ئىدىيىدىن ئۆتىدىغان ئەقىدە. چۈنكى ئەقىل ھەر دائىم كۆپ خىللىق ۋە رەڭگارەڭلىك ئارقىسىدىكى بىرلىك ۋە باغلىنىشنى ئىزدەيدۇ ۋە ھەممە نەرسىلەرنى بىر ئاساستا چۈشەنمەكچى بولىدۇ. شۇنىڭ ئۈچۈن ئىسلام ئەقىدىسىدە خىرىستىئان ۋە كاتولىك دىنلىرىدىكى «ئۈچ خۇدالىق» ۋە «ئىككى خۇدالىق» ئەقىدىلىرىدىكىدەك ئەھۋال مەۋجۇت ئەمەس. شۇنداقلا غەيرى دىندىكىلەردە تارىخى سۆزگە ئايلىنىپ كەتكەن «چۈشەنمەي تۇرۇپ ئىتىقاد قىل» دېگەن قائىدىگە تايىنىۋالىدىغان چۈشنىكسىزلىك ۋە مۈجمەللىكلەر يوق