يوللانغان ۋاقتى : 2007-12-30 19:42:34    كۆرۈلۈش سانى : 0  

سەۋەبى:   بۇ كېسەللىك، سۈيدۈك  چىقىرىش ئەزالىرىنىڭ تۇغما كەمتۈكلۈكى، دوۋساق مۇسكۇللىرىنىڭ زەخىملىنىشى، مېڭىدىكى ئۆسمە قاتارلىقلارنىڭ تەسىرى ۋە بەدەندىكى ھۆللۈكنىڭ ئېشىپ كېتىشى سەۋەبىدىن كېلىپ چىقىدۇ.   ئالامىتى:   سۈيدۈك كونترول قىلغىلى بولماي ئىختىيارسىز چىقىپ كېتىش ئالامىتى بىلەن ئىپادىلىنىدۇ.   1 - رېتسېپ   تەركىبى:   خولىنجان، كۈندۇر، پىلپىل، ئىپار، قەلەمپۇر، زەنجىۋىل تەڭ مىقداردا.   تەييارلاش ئۇسۇلى:   دورىلارنى يۇمشاق سوقۇپ، ئەلگەكتىن ئۆتكۈزۈپ تالقان تەييارلىنىدۇ.   ئىشلىتىش مىقدارى:   كۈنىگە ئىككى قېتىم، ھەر قېتىمدا مۇۋاپىق مىقداردا ئىستېمال قىلىنىدۇ.   2 -  رېتسېپ   تەركىبى:   قەلەمپۇر، ئاقىرقەرھا، زورەنبات، جويۇز، مەستىكى رۇمى، زەنجىۋىل، تۇخۇمى خەشخاش، خولىنجان 60 گرامدىن، قىزىلگۈل، ئانارگۈل، لاچىندانە ھىندى، بۇقا ئالىتى 30 گرامدىن،  ناۋات بىر ھەسسە، ھەسەل ئىككى ھەسسە.   تەييارلاش ئۇسۇلى:   دورىلارنى يۇمشاق سوقۇپ، ئەلگەكتىن ئۆتكۈزۈپ، ناۋاتنى قىيام قىلىپ، ھەسەل، ناۋات قىيامى ۋە باشقا دورىلارنى ئارىلاشتۇرۇپ 30 كۈن تۇرغۇزۇپ  مەجۈن تەييارلىنىدۇ.   ئىشلىتىش مىقدارى:   كۈنىگە ئىككى قېتىم، ھەر قېتىمدا مۇۋاپىق مىقداردا ئىستېمال قىلىنىدۇ.   3 - رېتسېپ   تەركىبى:   ئاقاقىيا، ئانارگۈلى توققۇز گرامدىن، ئاق سەندەل، قىزىل سەندەل ئالتە گرامدىن، ھەببۇلئاس سەككىز گرام، كۇندۇر ئۈچ گرام، قىزىل ماش، قەسبۇس زەرىرە، قىيمىقۇ ئۇرۇقى، سەمغى ئەرەبى، تاباشىر ئالتە گرامدىن.   تەييارلاش ئۇسۇلى:   دورىلارنى يۇمشاق سوقۇپ، مېۋە قىيامى بىلەن يۇغۇرۇپ خېمىر تەييارلىنىدۇ.   ئىشلىتىش مىقدارى:   كۈنىگە بىر قېتىم، ھەر قېتىمدا ئالتە گرامدىن ئىستېمال قىلىنىدۇ.