يوللانغان ۋاقتى : 2007-12-30 16:41:09    كۆرۈلۈش سانى : 0  

سەۋەبى:   بۇ كېسەللىك، تۈرلۈك سەۋەبتىن تومۇردا ئايلىنىۋاتقان قاننىڭ قان تومۇر دىۋارىغا چۈشۈرگەن بېسىمى ئارتىپ كېتىش سەۋەبىدىن كېلىپ چىقىدۇ.   ئالامىتى:   باش ئاغرىش،  باش قېيىش،  يۈرەك قوزغىلىش،  ئۇيقۇسىزلىق ۋە مەخسۇس ئۆلچىگۈچتە ئۆلچىگەندە يۈرەكنىڭ قىسقىرىش ۋاقتىدىكى بېسىمى 90 مىللىمېتىر سىماب تۈۋرۈكىدىن يۇقىرى بولۇش قاتارلىق ئالامەتلەر بىلەن ئىپادىلىنىدۇ.   1 -  رېتسېپ   تەركىبى:   جىگدە گۈلى 50 گرام،  ئاق لەيلىگۈلى،  ھەمىشىباھار گۈلى،  قىزىلگۈلنىڭ سېرىقچېچىكى،  رەيھان چېچىكى،  بەزرۇلبەنجى چېچىكى 200 گرامدىن،  سۇ 500 گرام.   تەييارلاش ئۇسۇلى:   دورىلارنى سۇ بىلەن ئارىلاشتۇرۇپ تەييارلىنىدۇ.   ئىشلىتىش مىقدارى:   كۈنىگە ئۈچ قېتىم،  ھەر قېتىمدا 100 گرامدىن ئىستېمال قىلىنىدۇ.   2 -  رېتسېپ   تەركىبى:   ئۈزۈم سۈيى،  ئالما سۈيى،  بېھى سۈيى،  ئۆرۈك غورىسىنىڭ سۈيى،  ئەينۇلا سۈيى،  ئانار سۈيى 100 گرامدىن،  سىركە 250 گرام،  ئاق شېكەر 600 گرام،  زەپەر تالقىنى بەش گرام.   تەييارلاش ئۇسۇلى:   مېۋەسۇلىرىنى شېكەر بىلەن شەربەت قىلىپ،  ئۈستىگە زەپەرنى سېلىپ ئارىلاشتۇرۇپ تەييارلىنىدۇ.   ئىشلىتىش مىقدارى:   كۈنىگە ئۈچ قېتىم،  ھەر قېتىمدا مۇۋاپىق مىقداردا ئىستېمال قىلىنىدۇ.   3 - رېتسېپ   تەركىبى:   كەرەپشە يىلتىزى،  كوممىقوناق ساقىلى مۇۋاپىق مىقداردا،  چىلان 10 تال.   تەييارلاش ئۇسۇلى:   دورىلارنى چىلاشقۇدەك سۇدا قاينىتىپ،  ئۈستىگە چىلاننى سېلىپ دەملەپ تەييارلىنىدۇ.   ئىشلىتىش مىقدارى:   كۈنىگە ئۈچ قېتىم،  ھەر قېتىمدا دورىلارنىڭ ئۈچتىن بىرى ئىستېمال قىلىنىدۇ.