يوللانغان ۋاقتى : 2009-06-08 12:00:19    كۆرۈلۈش سانى : 204  

[align=center] نېمىكىم ۋايىغا يەتمىسە مەيلى، قەلبىدە بىر لەززەت سۈرىدۇ ھۆكۈم. كۆرمەمسەن چېھرىنى ئاچمىغان لەيلى، دىلىدا گۈزەللىك قىلار تەبەسسۇم. كۆز يۇمۇپ - ئاچقۇچە ئۆتكەن مۇھەببەت، قانىتى يەلپۈيدۇ قىزىلگۈلۈمنى. ۋە لېكىن سوراپمۇ قويمايدۇ پەقەت، بېرەمسەن ماڭا دەپ تاتلىقلىقىڭنى. ياپراقلار گۈلنى چۆرىدەپ ياشار، گۈلنىڭ ياپراقسىز يوقتۇر سەرخىلى. دائىم سۈكۈناتتا تۇرار ياپراقلار، لېكىن گۈللەر شۇ ياپراقنىڭ تىلى. دەرەخلەرنىڭ زىممىسىدە — مىڭلىغان ئاي - كۈن. سەلتەنەتلىك دەقىقە ئۇ، دەرەخلەر ئۈچۈن. بۇتخانىغا چوڭ يولنىڭ تۈگۈنىدىكى، ئاتىمايمەن تەييارلىغان نېمىتىمنى. بېرىمەن دوقمۇشتا كۆڭلۈمنى تارتىپ، مېنى شادلاندۇرغان مەبۇدقا ئۇنى. ئامرىقىم ئەي سۆيۈملۈك نىگار، كۈلكەڭ يېڭى گۈلدىكى پۇراق. قاچان كۆرسەم بىرخىل شۇ پېتى، چۈشىنەلمەي ئۆتىمەن ھەرۋاق. كۆپتۈرۈلسە ئۆلگۈچىنىڭ ياخشى ئىشى، ئەزرائىل قاق - قاق ئۇرۇپ كۈلۈپ كېتەر. سەۋەب شۇ تەلەپلەردىن باھا نېرى، بولسا ئۇنىڭ ئامبارلىرى توشۇپ كېتەر. ئىلگىرىلىتىپ كېمىلەرنى دېڭىزدا، ماڭدۇرۇشقا يورغا شامال ئالدىرار. ئەگەشكەچكە بىكاردىنلا ئۇنىڭغا، قىرغاقلارنىڭ تىنىقلىرى ئاھ ئۇرار. ھەقىقەت ھېرىسمەن ئۆز چېكىگە، چۈنكى ئۇ شۇندا يېتەر گۈزەللىككە. ئايرىۋەتتى شاۋقۇنلۇق دېڭىز، ئىككىمىزنى ئىككى قىرغاققا. دولقۇنىنى يېرىپ روھىمنىڭ، ئۆتۈپ كەتسە جىسمىم ئۇياققا. مەھكۇم ھوقۇق دېۋەڭلەرچە ئۇرىدىكەن لاپ. ئۆزىگە ئۆزىنىڭ ئىمتىيازى قالغاچقا ياراپ. خىجىل بولۇپ تىكىنىدىن قىزىلگۈل، ئەمدى كەچۈرۈم تۇرمايدۇ سوراپ. سۈكۈتتىكى يۇلتۇز قولىغا، بەردى كۈندۈز شائىرانە تار. ئالەمدىكى چەكسىز ھاياتنى، كۈيلىسۇن دەپ قىلغاچقا قارار. تەربىيىنىڭ ئېپىنى ئاقىللار بىلەر. قانداق زەربە بېرىشنى دۆتلەر چۈشىنەر.[/align]