ماشىنا ئادەم دېگەن نېمە؟
يوللانغان ۋاقتى : 2009-04-20 11:00:48 كۆرۈلۈش سانى : 104
|
كىچىك |
نورمال |
چوڭ |
|
');
}
//echo($html);
?> |
|
ماشىنا ئادەم ئەمەلىيەتتە، كومپيۇتېر ئورنىتىلغان، ئادەمدەك ئىش قىلالايدىغان ماشىنىدۇر. ماشىنا ئادەمنىڭ <چوڭ مېڭە> )كومپيۇتېر( سى بار، شۇڭا <تەپەككۇر> قىلالايدۇ. ئۇ ئادەتتىكى ماشىنىلارغا قارىغاندا كۆپ <ئەقىللىق>.
دەسلەپكى ماشىنا ئادەملەر ئاساسەن سانائەتتە ئىشلىتىلدى. ئۇلار ئادەملەرنىڭ ئورنىدا خەتەرلىك، ئېغىر ۋەزىپىلەرنى ئورۇندىدى. مەسىلەن، نەرسە ئالغۇچى ماشىنا ئادەم، يۇقىرى تېمپېراتۇرىلىق، زەھەرلىك مۇھىت ئىچىدىن نەرسىلەرنى ئاچىقالايدۇ؛ پۈركۈگۈچى ماشىنا ئادەم ماشىنىلارنى سىرلىيالايدۇ؛ قۇراشتۇرغۇچى ماشىنا ئادەم ئايرىم - ئايرىم زاپچاسلارنى قۇراشتۇرۇپ، ماشىنا ياسىيالايدۇ.
كېيىن، ماشىنا ئادەم پەيدىنپەي <ھۆكۈم قىلىش> ۋە <تەدبىر بەلگىلەش> نى ئۆگىنىۋالدى. ئۇلارنىڭ ئىشلىتىلىش ساھەسىمۇ بارغانسېرى كېڭەيدى. مەسىلەن، قۇرۇلۇش ئورۇنلىرىدا ماسىنا ئادەم تاملارغا يامىشىپ، يەر ئاستىغا تېشىپ كىرەلەيدۇ. ھەر خىل ئۈسكۈنىلەرنى تازىلىيالايدۇ ۋە رېمونت قىلالايدۇ. ئۇرۇش مەيدانلىرىا، ماشىنا ئادەملەر ئاۋانگارتلىق بىلەن يول ئېچىپ، دۈشمەن ئىچىگە ئىچكىرىلەپ كىرىپ رازۋېدكا قىلالايدۇ. پەن - تېخنىكا ساھەسىدە، ماشىنا ئادەم ئاي ۋە مارسقا چىقىپ ئىلمىي تەكشۈرۈش ئېلىپ بارالايدۇ. تۇرمۇشتا، ماشىنا ئادەم دوختۇرخانا ياكى ئائىلىلەردە سېسترا ۋە ئۆي خىزمەتچىسى بولۇپ، كېسەلنىڭ ھالىدىن خەۋەر ئېلىشقا، ئائىلە ئىشلىرىنى قىلىشقا ياردەم بېرەلەيدۇ.
40 نەچچە يىللىق تەرەققىيات جەريانىدا، ماشىنا ئادەم تېخنىكىسى بارغانسېرى مۇكەممەللىشىپ، ماشىنا ئادەملەرمۇ بارغانچە ئىقتىدارلىق بولۇپ كەتتى. بۈگۈنكى كۈندە، پۈتۈن دۇنيادىكى نەچچە يۈز مىڭلىغان ماشىنا ئادەملەر ھارماي - تالماي، جاپا - مۇشەققەتكە باش ئەگمەي، ئۆز خىزمەت ئورۇنلىرىدا كۆرۈنەرلىك رولىنى جارى قىلدۇرماقتا! >>
|
|