داڭلىق ناخشىچى دىلبەر يۇنۇسنىڭ ياردىمى يىتىم قىزلارنىڭ كۆڭلىنى شاتلاندۇردى
ئابلىمىت سوپىھاجى خەۋەر قىلىدۇ : چاغان مەزگىلىدە ، ئېلىمىزدىكى داڭلىق يۇقىرى ئاۋازلىق ناخشىچى دىلبەر يۇنۇس قەشقەر شەھەرلىك پارتكومنىڭ مۇئاۋىن شۇجىسى ، شەھەر باشلىقى مەمتىمىن بەكرىنىڭ ھەمرالىقىدا ، قەشقەر شەھەرلىك شەھەر-بازار پاراۋانلىق بېقىلىش مەركىزىگە كېلىپ ، بۇ يەردىكى يېتىم-يېسىر بالىلاردىن بايراملىق ھال سورىدى ھەمدە بۇ مەركەزدە چوڭ بولۇپ ئالىي مەكتەپلەرگە قوبۇل قىلىنغان مەريەمگۇل قاسىم بىلەن خەيرىسا ئىسمائىلنىڭ بۇندىن كېيىنكى ئوقۇشى ئۈچۈن 30 مىڭ يۈەن ياردەم قىلدى .
مەريەمگۈل قاسىم بىلەن خەيرىنسا ئىسمائىل كىچىكىدىن تارتىپلا قەشقەر شەھەرلىك بالىلار پاراۋانلىق ئورنىدا ئۆسۈپ چوڭ بولغان بولۇپ ، بىر نەچچە يىلدىن بۇيان جەمئىيەتنىڭ نۇرغۇن ياردىمىگە ئېرىشكەن ئىدى . ئۇلار پارتىيە - ھۆكۈمەتنىڭ كۆڭۈل بۆلۈشى ۋە ئۆزلىرىنىڭ تىرىشچانلىقى نەتىجىسىدە بۇلتۇر 9- ئايدا ئايرىم-ئايرىم ھالدا شىنجاڭ بالىلار پېداگوگىكا مەكتىپى ۋە شىنجاڭ رادىيو تېلېۋىزىيە ئۇنىۋېرىستېتىغا قوبۇل قىلىندى . بۇ يىلقى قىشلىق تەتىل مەزگىلىدە ، بۇ ئىككى قىز ئۆزلىرىنىڭ كونا ئۆيى بولغان قەشقەر شەھەرلىك بالىلار پاراۋانلىق ئورنىغا قايتىپ كېلىپ ، بىر تەرەپتىن پاراۋانلىق ئورنىنىڭ ئىشلىرىغا ياردەملەشسە ، يەنە بىر تەرەپتىن باشقا بالىلارنىڭ ئۈگۈنىشىگە يېتەكچىلىك قىلدى . ئۇلار داڭلىق ناخشىچى دىلبەر يۇنۇسنىڭ ئۆزلىرىنىڭ ئوقۇش ئىشلىرى ئۈچۈن 30 مىڭ يۇەن ياردەم قىلغانلىقىنى كۆرۈپ تەسىرلەنگىنىدىن كۆزلىرىگە ئىسسىق ياش ئالدى ھەمدە «بۇندىن كىيىن تېخىمۇ تىرىشىپ ئوقۇپ، جەمئىيەت ئۈچۈن ياراملىق ئادەم بولۇپ ، دىلبەر ئاچىمىزنىڭ ئۈمىدىنى ھەرگىز يەردە قويمايمىز » دېيىشتى.
يوللىغان ۋاقتى 2012-1-31 14:23:21
يوللىغان ۋاقتى 2012-1-31 14:37:01
يوللىغان ۋاقتى 2012-1-31 16:37:56
