مەن بۇ مۇنبەرگە ئەزا بولۇپ كىرگەندىن كېيىن يىللاردىن بۇيان ئىزدىنىپ ، رۇياپقا چىقارغان « ئوغلۇم ئاڭلا ، ئىسىڭدە ساقلا » ناملىق پەندى-نەسەھەت تۈسىنى ئالغان ماقالامنى يوللاشنى قارار تاپتىم. كەڭ مۇنبەرداشلىرىمنىڭ تەكلىپ پىكىر بىرىشىنى ئۈمىد قىلىمەن.
ئوغلۇم ئاڭلا، ئېسىڭدە ساقلا
ئوغلۇم ، ھەرقانداق ئىشتا ئوڭشىسىزلىققا يولۇقۇپ قالغان چېغىڭدا تەمتىرەپ قالما ، مەيۈسلەنمە ، ئۆزۈڭنى يوقۇتىۋەتمە ، بەلكى ھەسسىلەپ ئۆمۈدۋار بول . كىشلىك جەمىئىيەتتە چىن ئەقىدە ، پاك نىيەت ، ھالا لەۋز ، يىمىرىلمەس ئىتىقاد بىلەن ياشا ، چەكلىك ھاياتىڭدىن چەكسىز مىھنەت ، مۇھاپىقىيەت تامچىلىرىنى تامدۇرۇپ ، ھاياتىڭنىڭ قىممىتىنى ئۈزلۈكسىز ئۇزارتىش ئۈچۈن بوشاشماي تىرىش . تىرىشىش ئارقىلىق ئىرىشكەن مۇھۋپپىقىيەت ساڭا قۇدىرەتلىك جۈپ قانات ئاتا قىلىدۇ !
ئۆزىڭنىڭ قىممىتىنى بىلەلمەي تاپتىن چىقىپ كەتمە ، ئەرلىك بۇرچۇڭنىڭ نەقەدەر ئېغىرلىقىنى ، مىللەت ،ۋەتەن ، خەلق ئالدىدىكى مەسئۇلىيتىڭنىڭ نىمە ئىكەنلىكىنى ھەقىي مەنىسى بىلەن تونۇپ يەت . ھەر ۋاقىت ئۆمۈد ، ئىشەنچ تۇغى قەلبىڭدە لەيلەپ تۇرسۇن !
دىيانىەت ، ھەقانىيەت ئەركەكنىڭ جېنى ،
دوست تۇتقىن ھەر ۋاقىت ئۆمۈد ، ئىشەنچنى .
ئەل – يۇرتنىڭ ۋاپادار بالىسى بولغىن ،
جان ئوغلۇم ، كۈتىمەن سېنىڭدىن شۇنى .
ھەق بىلەن – ناھەقنى ئايرىغىن ئېنىق ،
شىرىن چۈش قوينىدا ئۇخلىما تاتلىق .
ۋەتەن ھەم مىللەت دەپ ياشساڭ ، ئوغلۇم ،
رازى مەن سېنىڭدىن ئىككى دۇنيالىق .
ئېسىڭدە بولسۇن ، ئاچ كۆزلىك ، سەمىمىيەتسىزلىك ، ئىچى تارلىق ، ئۆزىنى بىلمەسلىك ئادىمىلىك قەدىر – قىممىتىڭنى دەپسەندە قىلىدۇ . شۇڭلاشقا ، دانالارنىڭ نەسھەتىدىن ئەقىل تاپقىن ، پۇشايماندا قالمايسەن . ھەىقىي ھايلتلىققا ئىرىشمەكچى بولساڭ مەنىۋى قىياپىتىڭنى يۈكسەلدۈرىدۇ . ئەجداتلارنىڭ ئىسىل ئەنئەنىسىگە ۋارىسلىق قىل ، يىلتىزىدىن تانىدىغان ، ئۆزلۈكىدىن چانىدىغان مۇخلۇقتىن ساقلان . ئىش قىلغاندا قەتئىي ، تىرىشچان ، تەرتىپلىك ، كەسكىن ، مەسئۇلىيەتچەن ، ئۆمۈدۋار بول . چۈنكى ، ئۆمۈد ئىنساننى گۈزەل مەنزىلگە ئۇلاشتۇرىدۇ ، ھاياتقا بولغان ئىشەنچىڭنى ئاشۇرىدۇ ، روھىڭنى ئۇرغىتىدۇ ، كۆرۈنمەس جاسارىتىڭنى دولقۇنىتىدۇ .
ئۆمۈد ، ئىشەنچ ، ئۆمۈد – غەلبە . ئۆمۈد بىلەن ياشايدىغان ئادەم – مۈشكۈنلەر ئالدىدا ۋايىسىمايدىغان ، جاپا ئىچىدىن راھەت ، شاتىلىق تاپالايدىغان ئادەمدۇر .
سەن پەك روھ ، ھالال لەۋز ، چىن ئەقىدە ، يىمىرىلمەس ئىتقاد بىلەن ياشىساڭ ، ئىنسانىي قەدىر – قىممىتىڭ مەڭگۈ جۇلالاپ تۇرىدۇ . نادانلىق ، تەنتەكلىك روھىڭنى چۈشكۈنلەشتىرىدۇ . شۇڭا ، سەن قەدىر – قىممىتىڭنى تۆكۈدىغان ، ئەجداتلىرىڭنىڭ روھىنى قورۇندۇرىدىغان پەسكەش ، چاكىنا ئىشلارنى قەئىي قىلما . قارا نىيەتلىك ئادەمنى ئادىمىلىكتىن يىراقلاشتۇرىدۇ . نىيتىڭگە قارىلىق يولاتما . نۇمۇسسىزلار ئىپلاسلىق بىلەن چالغان ناغرىغا ساما سالما ، يۇتۇڭغا زۇمرەتلىك نىخ سانجىلىدۇ .
ئەجداتلىرىمىزنىڭ باتۇر ، سەزگۈر ، چەپداس ، مەردانە قورقماس روھى ساڭا مەڭگۈ ھەمرا بولسۇن . سەن پارلاق كېلىچەك ئۈچۈن چاپپچىپ تۇرىدىغان جەڭ ئېتى بول .
چىدام ، غەيرەت ، تەۋرەنمەس ئىرادا بىلەن ياشىغىن . ئادەم ئۆمۈد بىلەن ياشايدۇ ، بىلىم بىلەن كامالەت تاپىدۇ . بىلىم ئۈگۈنىش تىرىشچانلىقتىن كىلىدۇ . ئېسىڭدە بولسۇن ، ئالدۇراڭغۇلق ، تەنتەكلىك ، مۇقەددەس ، ئۇلۇغۋار ئىشلارنىڭ روياتقا چىقىشىغا ئېغىر تەسىر كۆرسىتىدۇ . ھەقىقى بايلىق مال – دۇنيا ئەمەس ، بىلم ، ئەقىل – پاراسەتتۇر .
ئادىمىلىك قىممەت – ئەقىل ، ۋىجدان ، غورۇر ، ئىنساپ ، پەزىلەت ، ئەخلاق ، ھايا ، ئىمان – ئىتىقاد بىلەن ياشايدىغانلارغا مەنسۇپ ! ؛ ئۆز نەپسى ئۈچۈن ياشايدىغانلارنىڭ ھەيۋاندىن ھېچقانداق پەرقى يوق ، ھەر قاچان ئېسىڭدە بولسۇن ئوغلۇم !
ئادەملەرنىڭ ئۆز قىممىتىنى جۇلالاندۇرۇشى ئۆزىگە باغلىق . شۇڭا ، سەن مەيلى باھار ، كۆيدۈرگۈچى تومۇ – ئىسسىق ، مەيلى بوران – چاپقۇن ، قىش – زېمىستاندا بولسۇن ئىرادە ، كەمىرىڭنى يېشىۋەتمەي ئۆمۈد بىلەن ياشا ، ئەقىل بىلەن ئىش كۆر .
بىلم ئۆز قىممىڭنى ئاشۇرۇپ ، ئىستىقبالىڭنى يارتىشتىكى ماياك ، تىرشىپ بىلم ئال ، بىلىم قۇرۇلماڭنى ئىزدىنىپ مۇكەمەللەشتۈر ، ئاندىن تېخىمۇ قۇدىرەت تاپالايسەن . نادانلىق يۈگۈنىگە ئەل بولمايسەن . نادانلىقنىڭ كىرلىرى بىلەن بۇلغانماي دېسەڭ ، ھاياتىڭنىڭ ئاخىرىغىچە بىىم ئىزدە ، ئۈگەن ، تىرىش . سائادەت يولى بىلىم بىلەن پارلاقتۇر .
يوللىغان ۋاقتى 2011-9-28 18:45:33
