ئامانەتكە خىيانەت قىلماڭ
كامال جامال
ئۇزۇن مەزگىل بىر مەھەللىدە ئولتۇرۇپ، ئۇرۇق - تۇققانلاردەك بولۇپ كەتكەن تام خوشىنامنىڭ قىز تويىدىن خەۋەرسىز قالغانلىغىمدىن بەكلا ئەپسۇسلاندىم.
-ئاداش دېدىم توي باغىقىنى يەتكۈزۈپ بېرەلمىگەن ساۋاقدىشىمغا ئاچچىقلىنىپ تۇرۇپ-ھەقانچە بولسىمۇ مۇشۇنداق مۇھىم ئىشقا بىپەرۋالىق قىلغان بارمۇ؟
-ساڭا تېلېفون قىلسام تېلېفونىڭ ئېلىنمىدى دېدى ئۇ بىرئاز خىجىل بولغان قىياپەتتە-باشقا ئاغىنىلەرگە تېلېفون ئارقىلىق خەۋەر يەتكۈزدۈمغۇ.
-توي دېگەن بىر ئادەمنىڭ ئۆمۈرلىك ئىشى تۇرسا ئۇنىڭ ئۈستىگە توي خەۋىرىنى تېلېفوندا يەتكۈزىدىغان ئىش بولسا، باغاق يېزىشنىڭ نېمە زۆرۈرىيىتى بولسۇن ؟ ئۇ زۇۋان سۈرمىدى، ئەمەلىيەتتە ھازىرقى ئۇچۇر تېخنىكىسىنىڭ تەرەققىي قىلىشى، تېلېفون ئالاقىسىنىڭ ئومۇملىشىشى ، كىشىلەرگە مەيلى خىزمەتتە بولسۇن ياكى تۇرمۇشتا بولسۇن نۇرغۇن قولايلىق شارائىتلارنى ئېلىپ كەلدى. شۇنىڭ ئۈچۈنمۇ ھازىر توي باغاقلىرىنى تېلېفون ئارقىلىقلا يەتكۈزىدىغان ئەھۋاللار كۆپىيىپ قالدى. باغاق ئاددىي بىر تەكلىپنامە بولسىمۇ ئەمما ئۇنىڭ كىشىلىك مۇناسىۋەتتىكى ئورنىغا، رولىغا سەل قاراشقا بولمايدۇ.شۇ ئاددىي باغاققا كىشىلىك مۇناسىۋەتتىكى نازۇك ھېس-تۇيغۇلار يوشۇرۇلغان بولۇپ، ئۇ مېھر-مۇھەببەت، ئۈمۈت-ئىشەنچە بىلەن يۇغۇرۇلغان بولىدۇ. شۇڭا شۇ باغاقلارنى تارقىتىشقا ماقۇل بولغان ئىكەنمىز، ئۇنى ئامانەت ئورنىغا قويۇپ، ئامانەتنى دەل جايىغا يەتكۈزۈپ بېرەيلى.
يوللىغان ۋاقتى 2011-12-28 18:15:07
