ئىسىم ئىگىسىگە سادىق بولغىنى ياخشى!

Erkman

	ئىسىم ئىگىسىگە سادىق بولغىنى ياخشى!     بىز دائىم ئىسىم ئىگىسىگە بېقىشى كېرەك، دېگەننى ئاغزىمىزدىن چۈشۈرمەيمىز، ئەمما نۇرغۇن مىللەتلەرنىڭ ئىسىملىرىنى بۇزۇلغىنى بويىچە دەۋالىمىز . 20-ئەسىرنىڭ 80-يىللىرىدا دۇنيا خەۋەرلىرى پەلەستىن-ئىسرائىلىيەدىن باشقا يەنە ئافغانىستان، سوۋېت ئىتتىپاقى، ئامېرىكانى دەۋر قىلىپ ئايلانغان ئىدى. شۇ زامانلاردا ئافغانىستاننىڭ رۇسپەرەست رەئىسجۇمھۇرى نەجىبۇللاھ جانابلىرىنى <<شىنجاڭ گېزىتى>> قاتارلىق ئۇيغۇر مەتبۇاتلىرى <<ناجىبرا>>، دەپ خەنزۇچىدىكى "纳吉比拉"نىڭ ئاھاڭ تەرجىمىسىنى ئىشلەتكەن بولسا، جەنۇبىي ئافرىقانىڭ گەندىنى ئۇستاز تۇتقان رەئىسجۇمھۇرى نېلسون ماندېلانى يەنىلا خەنزۇچىدىكى "纳尔逊.曼德拉"دىن ئاھاڭ تەرجىمىسى قىلىپ <نارسۇن ماندېرا> دەپ كۈلكىلىكلا بىر نەرسىگە ئايلاندۇرۇپ قويدى. 90-يىللىرىغا كەلگەندە كۇرت تېررورىست ئابدۇللا ئۆجالاننى بولسا <ئابدۇللا ئوغلان>> دەپ نەدىن ئالغىنىنى بىلگىلى بولمايدىغان تەلەپپۇزغا ئايلاندۇردى. مانا ئەمدىلىكتە شىمالىي چاۋشيەن رەھبىرى كىم ئىرسېننىڭ ئوغلى كىم زىنىرنى دېگىلى تۇردى. تۆۋەندىكىگە قاراپ باقساقلا ئاتالمىش كىم جوڭېلنىڭ كورس تىلىدىكى تەلەپپۇزىنى بىلىمىز: 金日成 김일성 kim yir seong   [ ئۇيغۇر تىلىدا <> دېيىلسە كورس تىلىدىكى تەلەپپۇزنىڭ ئەينى بولىدۇ] 金正日 김정일 kim zeong yir [ئۇيغۇر تىلىدا <> دېيىلسە كورس تىلىدىكى تەلەپپۇزنىڭ ئەينى بولىدۇ] http://hi.baidu.com/erkmandadxah/blog/item/30498f2ecd42e84e4ec22655.html كورېيە يېزىقى چىقمايدىكەن ئەمەسمۇ ئۇيغۇرچە مۇنبەرگە!

Erkman

	شۇنىڭغا ئوخشاش يەنە نۇرغۇن ئەللەرنىڭ ئادەم-يەر ناملىرىنى ئىمكان قەدەر توغرا ئاتاشقا تىرىشساق ياخشى بولاتتى! مەسىلەن، فرانسىيە پرېزىدېنتلىرىدىن شاغل دۆگولنى «شارىل دې گول»، فغاڭسوۋا مىتغاڭنى «فرانسوۋا مېتران»، شغاكنى «شىراك»، ھازىرقى ساغكوزىينى «ساركوزى» دەپ يۈرۈۋاتىمىز!

Bidar-Qutlan

	ئەتە ئۆتۈپ ئۆگۈنلۈككە، مەھەللىمىزدىكى مۇھەممەد ئىمىن ئاكامنىڭ باللىرىدىن، - سەن كىمنىڭ بالىسى؟  -دېسەم،  - بىز مەيمەيتىنىڭ بالىسى دەپ جاۋاپ بېرىشىدىن ئەنسىرەيدىغان بولۇپ قىلىۋاتىمەن.

Erkman

	Bidar-Qutlan يوللىغان ۋاقتى  2011-12-25 14:59 ئەتە ئۆتۈپ ئۆگۈنلۈككە، مەھەللىمىزدىكى مۇھەممەد ئىمىن  ... قەدىرلىك بۇرادىرىم، سىز ئەنسىرىگەن ئىشلار ئۇيغۇر مۇنبەرلىرىدە، ئۇيغۇر مەتبۇئاتلىرىدا، ئۇيغۇر ھاياتىدا ئاللاقاچان يۈزبەرگەن ھەم داۋام ئەتمەكتە!

بۈركۈت

	ئەركمان ئەپەندى، بۇ تېمىڭىز ناھايىتى ياخشى تېما ئىكەن. بىراق، «رۇسپەرەست» دەپ يېزىلغىنىنى كۆرمەپتىكەنمەن.شۇنداق ئاتالغۇ بولسىمۇ «رۇس» ئېلىنماي، «روس» دەپ ئېلىنامدىكىن دەيمەن.يەنە «رەئىسجۇمھۇرى» ئىككى يەردە قوشۇلۇپ يېزىلىپ قاپتۇ.(رەئىس جۇمھۇرى) مەن ھېچ بىلەلمەي قالدىم. يەنە «ئامېرىكانى...»دېگەندەك....

Erkman

	بۈركۈت يوللىغان ۋاقتى  2011-12-25 20:39 ئەركمان ئەپەندى، بۇ تېمىڭىز ناھايىتى ياخشى تېما ئىكەن. ... مىللەت نامى «رۇس» بولغىنىكەن، «روس» دېسەك تازا قاملاشمايدىكەن، ماڭا شۇ تىلدىن دەرس بەرگەن مۇئەللىمە ناتالىيا «بارۇسكىي» (رۇسچە) دەپ ئۆگەتكەندە، مەنمۇ سىزدەكلا سوئال سورىسام، «نېت، بارۇسكىي» دېگەن ئىدى! «رەئىسجۇمھۇر» خاس ئىسىم بولغاندىكىن مەن شۇنداق ئېلىپ سالغىنىم راست، بەلكىم «رەئىس جۇمھۇر» دەپ ئېلىنىشىمۇ مۇمكىن! ئەسلىدە «پرېزىدېنت» دەپ يازساممۇ بولغىنىكەن «ئامېرىكاغا بارامسىز؟» يېڭى ئىملا قائىدىسىدە مەن مانا مۇشۇنداق يەرلەرنى ئۇچراتقاندەك قىلغان، مەن بەك ئېتراپ قىلىپ كەتمەيدىغان جايلار خېلى بار!

atilla

	تىلنىڭ گىرامماتىكىلىق قائىدىسىگە ئەمەل قىلىش، تىلنىڭ ساپلىقىنى قوغداش ئۈچۈن، ئىلمىي مولاھىزە قىلىش ياخشى ئىش.

بۈركۈت

	atilla يوللىغان ۋاقتى  2011-12-26 00:18 تىلنىڭ گىرامماتىكىلىق قائىدىسىگە  ... «گىرامماتىكىلىق» ئەمەس «گرامماتىكىلىق».. «مولاھىزە» ئەمەس «مۇلاھىزە»...

ئۆتۈكەن

	مېنىڭ ئىملايىم مۇتلەق توغرا ئىدى، ئەمدى سەل ئەنسىرەيدىغان بولۇپ قالدىم دېسە!

tumurkadiri

	توغرىسى: رۇس رەئىسجۇمھۇر گرامماتىكىلىق مۇلاھىزە