بىز بىلىدىغان لېكىن بىلمەيدىغان ئاتالغۇلار!!!

milan

	ھا ھا ھا ! بەلكىم بۇ تېمىنى كۆرۈپ بۇ قانداق قاملاشمىغان تېما بولغىيتتى دېيىشىڭىز مۇمكىن، لېكىن بەزى ئىشلار راستلا شۇنداق. ئاخىرىغىچە ئوقۇپ كۆرۈڭ، بەلكىم پىكرىمگە قوشۇلۇپ قېلىشىڭىز مۇمكىن، ھېچ بولمىغاندا مەقسىتىمنى چۈشىنىپ قالارسىز.     ئالدى بىلەن گەپنى مەن ئۆزەم دوستىمىز بارسىلونادىن سورىغان سوئالدىن باشلاي. بىز ھەمىمىز دېربى جېڭى دېگەن گەپنى ئاڭلىغان، ئۇنىڭ نېمىنى كۆزدە تۇتۇۋاتقىنىنىمۇ بىلىمىز. ئەمىسە بۇ ئاتالغۇ قانداق كېلىپ چىققان، ئەسلىي مەنىسى نېمە؟     18- ئەسىردە بەيگە مۇسابىقىسى ياۋروپادا ئەۋج ئالىدۇ. ئەنگىلىيەنىڭ دېربى ئايمىقى ئۆزىنىڭ ئارغىماقلىرى بىلەن مەشھۇر بولۇپ، ئۇنىڭ ئېسىل ئارغىماقلىرى پۈتكۈل ياۋروپاغا كەڭ تارقىلىدۇ. 1780- يىلى ئەنگىلىيەدە ئۆتكۈزۈلگەن بىرمەيدان چوڭ بەيگە مۇسابىقىسىغا دۇنيانىڭ ھەر قايسى جايلىرىدىن كەلگەن چەۋەندازلار قاتناشقان بولسىمۇ لېكىن كۆپ قىسىم ئارغىماقلار دېربى ئايمىقىدىن كېلىپ چىققان بولغاچقا كىشىلەر بۇ مۇسابىقىنى دېربى مۇسابىقىسى ئاتاشقان. كېيىن بۇخىل ئاتاش باشقا تەنتەربىيە تۈرلىرىگىمۇ كېڭەيگەن.     قالپاق ھۈنىرى- بۇ ئاتالغۇ تۇنجى قېتىم 1858- يىلى ئەنگىلىيەنىڭ پالاق توپ مۇسابىقىسىدە ئىشلىتىلگەن. ئەينى ۋاقىتتا ھۆرمەت يۈزىسىدىن پالاق توپ مۇسابىقىسىگە قاتناشقان تەنھەرىكەتچى، رېپىر، تاماشىبىنلارنىڭ مەيداندا باش كىيىم كىيىشىگە رۇخسەت قىلىنمايدىكەن.   1858- يىلىدىكى بىر مەيدان مۇسابىقىدە بىر تەنھەرىكەتچى ئارقا-ئارقىدىن ئۈچ نومۇرغا ئېرىشكەن، رېپىر شۇ تەنھەركەتچىگە ھۆرمىتىنى بىلدۈرۈش ئۈچۈن ئۇنىڭغا نەق مەيداندا بىر قالپاق سوۋغا قىلىپ كىيدۈرۈپ قويغان. شۇنىڭدىن باشلاپ بۇ بىر ئەنئەنىگە ئايلىنىپ، قالپاق ھۈنىرى دېگەن ئاتالغۇ كېلىپ چىققان ھەمدە باشقا تەنتەربىيە تۈرلىرىگىمۇ كېڭەيگەن.     بۈگۈنچە ئېسىمگە كەلگىنى مۇشۇ ئىككى ئاتالغۇ ئىكەن، قالغىنىنى دوستلار بىلەن بىرلىكتە تولۇقلارمىز، تامام.

Ayberchin

	ئەھمىيەتلىك تېما ئىكەن، راستىنلا بۇ ئاتالغۇلارنى بىلمەيدىكەن، ئەمدى بىلىۋالدىم. تېما ئىگىسىگە رەھمەت!

sarsanroh

	بۇ ئاتالغۇلارنى مەن پەقەت ئاڭلاپ باقماپتىكەنمەن بۇ تېمىنى ئوقۇپ بىلىۋالدىم تېما ئىگىسگە رەخمەت

بۈركۈت

	مەنمۇ ئاڭلاپ باقماپتىكەنمەن، يەنە بولسا يوللارسىز-ھە!

باھادىر

	چۈشىنىۋالدىم .

haltakoqa

	ياخشى تىمىكەن، ئۇنداقتا بۈگۈنكى ئىسپانىيە دېربىسىنى كۆردىڭىزمۇ؟، بارسىلونا 3:1 نەتىجە بىلەن خان جەمەتى مادرىد كوماندىسىنى ئۇتۇۋالدى

milan

	haltakoqa يوللىغان ۋاقتى  2011-12-11 18:00 ياخشى تىمىكەن، ئۇنداقتا بۈگۈنكى ئىسپانىيە دېربىسىنى ...       كېچىچە كۆردۈم، مېنىڭچە خانلىق مادىرىدقىمۇ غەلبە قىلىش پۇرسىتى بارئىدى. بىرىنچى توپنى كىرگۈزگەندىن كېيىن بارسلونا كوماندىسىمۇ خېلى تەمتىرىگەن ئىدى، لېكىن ئۆزى پۇرسەتنى قولدىن بېرىپ قويدى.  مېنىڭچە خانلىق مادىرىد كوماندىسىنىڭ ئەڭ چوڭ ئاجىزلىقى بۇ كوماندىدا ھەقىقىي بىر روھىي يولباشچى يوق ئىكەن. رونالدۇ تېخنىكىدا ئېۋەنسىز بولسىمۇ لېكىن روھىي جەھەتتە تەسىرى يېتەرلىك ئەمەستەك كۆۈردۈم.

naeila

	راستىنلا بۇ ئاتالغۇلارنى بىلمەيدىكەن، ئەمدى بىلىۋالدىم.

Barcelona

	بولىدىغان ساۋاتلار ئىكەن . پۇتبولغا قىزىققىنىمىز بىلەن ‹‹ دېربى ئوينىدى ›› ، ‹‹ قالپاق كىيىپتۇ ›› دەپلا ئۆتۈپ كېتىپتۇق  ، نېمىنىڭ دېربى ، نېمىنىڭ قالپاق ئىكەنلىكىنى بىلمەي .     تەرجىمان باللانىڭ بىلىدىغىنىمۇ تولا بولىدىكەن ، ئاپىرىن !

milan

	Barcelona يوللىغان ۋاقتى  2011-12-11 22:09 بولىدىغان ساۋاتلار ئىكەن . پۇتبولغا قىزىققىنىمىز بىلە ...    ئاغا، ئۆزىڭىز تەربىيەلەۋاتقان بالىلار بولغاندىن كېيىن ئۆزىڭىز ماختماڭ، خىجىل بولىدىكەن ئادەم.  لېكىن بەك كۆڭلىڭىز بولسا قەلەم ھەققىنى ھېسابلىغاندا ئىپادىلىسىڭىزمۇ بولىدىغۇ.