بىلگئەر: يوقىلىپ كېتىۋاتقان ئاھاڭداش سۆزلەر

Erkman

	ۋاھ! پاھ! بۇ تېما نېمىشقا جەۋھەرلەنمەيدۇ؟ بۇ مەن ھەر كۈنى كۆرۈدىغان تېما بولدى، ساقلاپ ماڭاي، ئاجىز ئەقلىمگە مادار بېرىدىغان تېما ئىكەن! بىلگگنلەر ئايىماي تولۇقلاپ ماڭسا بولغىدەك!

Erkman

	«مۇكاپاتلىق تېما» پائالىيىتىگە مۇشۇنداق تېما تاللانمىسا بولمايدۇ!

Erkman

	پەقىر: غېرىب كىشى، ئاچ-زار كىشى (پەقىرلەر ئاچ-زارلىقتا ئېغىر ئازاب چېكىدۇ "贫民受饥饿 ") پەقىر: مەن، ئۆزۈم (پەقىرنىڭ بۇلار بىلەن نە كارىم؟”本人与这些有什么关系？“)

بىلگئەر

	باخشى - ئىسىم. پېرىخۇن[巫师,巫医] ھەر باخشى ھەرخىل توۋلار. (ماقال) باخشى - ئىسىم. ئۇستاز، ئوقۇتقۇچى[教师] ئەلىشىر ناۋائى ئۇيغۇر باخشىسى كىچىكنىڭ ئوغلى ئىدى. باخشى - ئىسىم. قۇشچى[猎人,放鹰]. باقى باخشى قۇش قۇشلاپ كەتتى. باسقۇچ - ئىسىم. شوتا ۋە ئۇنىڭ ھەربىر پەلەمپېيى، بالدىقى، پەللىسى[台阶,梯阶] باسقۇچ - ئىسىم. تەرەققىياتنىڭ مەلۇم بىر دەرىجىسى، پەللىسى، دەسلەپكى باسقۇچ، تارىخىي باسقۇچ. باسقۇچ - ئىسىم. يازغان خەتنىڭ سىياھى يېيىلىپ كەتمەسلىكى ئۈچۈن، سۈمۈرگۈچ قەغەز ئورنىتىلغان، سىياھنى سۈمۈرتىدىغان  ئەسۋاب، يەنى سىياھ سۈمۈرۈش قەغىزى[吸墨纸] سىياھ تۆكىلىپ يېيىلىپ كەتسە، باسقۇچتا سۈمۈرتىمىز. باسماق - ئىسىم. ئۇششاق قۇشلارنى تۇتۇش ئۈچۈن ئىشلىتىدىغان قىسماق، قاپقان[套扣] مەن باسماق بىلەن قۇشقاچ تۇتۇپ باققان. باسماق - ئىسىم. يازلىق يېنىك ئاياق. باسماق، سەندەل، كەش[凉鞋]يازدا باسماق كىيىۋالسا پۇتقا ھوزۇر. باسماق - پېئىل. بېسىش. كونۇپكىنى باسماق. ئارغامچىغا ئۇن بېسىپ قويۇپتۇ.(ماقال). ئۇ مىلتىقنىڭ تەپكىسىنى باستى.

Erkman

	مەن تىلىمىزدىن «زاپاس» دېگەن مەنانى بىلدۈرۈدىغان كونا (ئىستېمالدىن قالغان بولسىمۇ مەيلى) سۆزنى، يەنى «زاپاس» نىڭ مەنىداش سۆزىنى تاپالماي قىينىلىېاتىمەن. 材官营 دېگەن ماۋۇ سۆز يېغىلىق زامانىدا 预备军  ياكى 后备军  دېگەن مەنادا ئىكەن، «زاپا لەشكەرلەر بارگاھى» دەي دېسەم، نەشرىياتتىكىلەر ھازىرقى زامان سۆزلىرى ياكى ياۋروپا تىللىرىدىن كىرگەن سۆزلەرنى قەتئىي ئىشلەتمەسلىك پرىنسىپىنى تاڭغاچقا، بەك قىينىلىۋاتىمەن. ئاخىر ھازىرچە  جەڭگاھقا كىرمەيدىغان، ئەمما گېزى كەلگەندە جەڭگە سېلىنىدىغان بۇ زاپاس لەشكەرنى «تەقچىلەر بارگاھى» دەپ تۇردۇم، بۇ «تەق بولۇپ تۇرغۇچىلار» بارگاھى، دېگەنلىك بولۇرمىكىن، دەپ ئويلاپ قالدىم، بولسا، شۇ «زاپاس» قا مەنىداش سۆز تاپسام بولاتتى!

uyghun

	قانداق بوپكەتتى ئەمدى ھەربىر تېمىغا كىرسەم بىر تىزىملىتامدىم ئەمدى. چۆپ --لەغەن چۆپى... چۆپ-- ئېتىزلىقتىكى ئوت چۆپ

igilmes

	«تەقچىلەر بارگاھى» دىسە سىياسى پۇراق چىقىپ قالغۇدەك.       ‹‹ باسقاق قۇشۇن بارگاھى›› ‹‹تەييار قوشۇن بارگاھى››  ...

بىلگئەر

	تەقچىلەر ، خۇددى تەقىپچىلەر-  تاجاۋۇزچى، باسمىچى دېگەن مەنىگە كىتىپ قالارمىكىن. «باسقاق قوشۇن» مۇ ئۇ مەنىدە بولمايدۇ. ‹‹تەييار قوشۇن›› بۇمۇ ئەسلا ماس كەلمەيدۇ. يەنى زاپاس دېگەن مەنىنىدىن يىراق.           预备军  , 后备军  لەرنى تۈرۈكچە rezerv  askeri ياكى Yedek askeri دەپ ئاتايدۇ. يەنە ئۇنىڭدىن باشقاhazırlanma Askeri، rezerv ordu دەپمۇ ئاتايدۇ. مەن ئويلاپ قالدىم. يۇقارقى ئاتالغۇنى «ھازىرلانما قوشۇن» ياكى «تەسەررۇپ قوشۇن» تۈرۈكچە 储蓄 ) tasarruf  دېگەن مەنىدە) دېسەك قانداق بولار. دەماللىققا مۇشۇلار ئىسىمگە كەلدى. يەنە ئىزدىنىپ باقارمىز. ئەگەر توغرا تىپىۋالغان بولسام مېھمان قىلىسىز جۇمۇ. بۇ كۈنلەردە يالغۇز تاماق يېيىشتىنمۇ زىركىشلىك ئىش بولمىسا كېرەك.مۇشۇ سۆزنى ئىزدەيمەن دەپ كىتابلىرىمنى قىزىۋەتتىم.         بولىدۇ ئەمىسە. مەنمۇ ئۆز ئىشىمنى قىلاي. داۋاملىق توپلىغان سۆزلەرنى يوللاي. مۇشۇنداق ئىزدىنىپ تۇرساق، چوقۇم ياخشى نەتىجە چىقىدۇ. كۆپچىلىكمۇ بۇ تېمىغا ئاكتىپ قاتناشسا دېگەن ئۈمىتتىمەن.

بىلگئەر

	باش - ئىسىم. ئادەم گەۋدىسىنىڭ بويۇندىن يۇقىرى، ھايۋان بەدىنىنىڭ بويۇندىن ئالدىنقى قىسمى، كاللا[头,头脑]. سوقا باش، گىلدىڭ باش، ئايدىڭ باش، باش ئاتماق، باش قېقىشماق، باش تارتماق، باش ئەگمەك، باش ئۈستىگە، باش تىقماق، باش قويماق، بېشى پىشماق، باشتىن ئۆرىمەك، باشتىن تۈتۈن چىقماق، باشتىن ياغاچ ئوشۇتماق، بېشىدا ياڭاق چاقماق، بېشىدا بولماق، بېشىدا تۇرماق، بېشىدىن قورۇقماق، بېشىغا چاڭگا تىزماق، بېشىغا تاڭماق، بېشىغا سۇ قۇيماق، بېشىغا سىركە سېلىۋالماق، بېشى ئوچۇق، بېشى باغلاقلىق، بېشىنى قولتۇقتا، بېشىنى يەيدىغان، باشقا كەلگەندە، باش قاشلاپتۇ.(ماقال) ئەقىل ياشتا ئەمەس، باشتا(ماقال)، بېشى باش، پاقالچىقى تاش.(ماقال) باش - ئىسىم. ئۆرە نەرسىلەرنىڭ چوقىسى، ئۇچى.[头,顶,巅,尖,最高的] تاغا بېشى، دەرەخ بېشى، تام بېشى. باش - ئىسىم. جاي ۋە ئورۇننىڭ دەل ئۈستى[上边,上头]، ئېتىز بېشى، ئېرىق بېشى، بۇلاق بېشى. باش - ئىسىم. ئىش ھەركەتنىڭ باشلانغان ۋاقتى، جايى، يۇقىرقىسى[开头,开始,最初]. يىل بېشى، گەپنىڭ بېشى، ساينىڭ بېشى، دەريانىڭ بېشى، ئىشنىڭ بېشى، يىلنىڭ بېشىدىن قورقما، بەشىدىن قورق(ماقال). يېرىڭ تاش بولسىمۇ، ئېچىقىڭ باش بولسۇن(ماقال) باش - ئىسىم. بەزى زىرائەت ۋە كۆكتاتلارنىڭ كاللەك ھوسۇلى، مېۋىسى[头,穗] قوناق باش ئالدى. باش تەرمەك، باش پىياز، پىيازنىڭ كۆكىگە قارىما، بېشىغا قارا.(ماقال) باش - ئىسىم. باشلىق، يېتەكچى، رەھبەر[首长,头头,头目,头领] يىگىت بېشى، يۈز بېشى، كۆكبېشى. ئېشەككە باش بولساڭمۇ، دۈشمەنگە تاش بول.(ماقال) باش - سۈپەت. بىرىنجى[第一] باش بارماق، باش كۆۋرۈك باش - سۈپەت. بىرەر كەسىپ ۋە ساھەدە مەرتىۋىسى يۇقىرى، رەھبەرلىك ئورۇندا تۇردىغان[总,大]. باش شۇجى، باش كاتىپ، باش سوتچى، باش رول، باش قوماندان. باش - سۈپەت. ئەڭ مۇھىم، ئەڭ ئاساسلىق،[总,大,主要的,首要的] باش ۋەزىپە، باش بۆلەك، باش كېلىش، باش ماقالە، باش شىركەت. باش - رەۋىش. ئاۋۋال، ئىلگىرى، دەسلەپ، بۇرۇن،[开头,最初] باشتا شالدۇر - شۇلدۇر، ئاخىردا شىلدىر- شىلدىر.(ماقال) ئىشنىڭ بېشى بىسمىللاھ.(ماقال) باشتا گەپ بولسا، ئاياغدا چاتاق يوق.(ماقال) باش - مىقدار سۆز. ساناق سانلار بىلەن كېلىپ مىقدارنى ئىپادىلەيدۇ. [头,条] بىر باش سەۋزە.  تاپقىنى گۈل كەلتۈرەر، تاپمىقى بىر باش پىياز.(ماقال)

Erkman

	بىلگئەر يوللىغان ۋاقتى  2011-11-3 03:27 تەقچىلەر ، خۇددى تەقىپچىلەر-  تاجاۋۇزچى، باسمىچى د ... «ھازىرلانما لەشكەرلەر بارگاھى»! بۇ سۆزنى قوبۇل كۆردۈم، كەۋاب يېيىش  سىزدىن ئايلانسۇن! ساھىبخانلىق پەقىردىن!