كىچىككىنە بىر ناھىيە دەرىجىلىك رايوندا 1430 دانە ئومۇمنىڭ ماشىنىسى بولۇش كىشىنىڭ ئەقلىگە سىغامدۇ؟
يۈننەن ئۆلكىسى چۈجىڭ شەھىرىنىڭ چىلىن رايونى 1430 دانە ئومۇمنىڭ ماشىنىسىغا «ئومۇمنىڭ ئىشلىرىغا ئىشىلتىلىدىغان ماشىنا»دېگەن بىر تۇتاش بەلگىنى چاپلاپ ، مۇشۇ بەلگە چاپلانغان ماشىنىلارنى بايرام ، دەم ئېلىش كۈنلىرى (قوش دەم ئېلىشنىمۇ ئۆز ئىچىگە ئالىدۇ) بەلگىلەنگەن ئورۇنغا توختۇتۇش ، ئومۇمنىڭ ماشىنىسىنى شەخسى ئىشلارغا ئىشىلتىشنى چەكلەشنى يولغا قويدى . (6-ئاينىڭ 4-كۈنى خەلىق تورى).
نوپۇسى 600 مىڭغا يەتمەيدىغان كىچىككىنە بىر ناھىيە دەرىجىلىك چىلىن رايوندا ، 1430 دانە ئومۇمنىڭ ماشىنىسى بولۇشى كىشىنىڭ ئەقلىگە زادىلا سىغمايدۇ . ئومۇمنىڭ زادى قانچىلىك ئىشىنى بېجىرىش ئۈچۈن ، بۇنچىۋىلا كۆپ « ئومۇمنىڭ ماشىنىسى » غا ئېھتىياجلىق بولىدىغاندۇ ؟ . ئەمەليەتتە، كۆپچىلىك بىر قاراپلا بىلىدۇ ، بۇ 1430 دانە ئاتالمىش ئومۇمنىڭ ماشىنىسىنىڭ مۇتلەق زور كۆپچىلىكى شۇ يەردىكى ھەر دەرىجىلىك ئەمەلدارلارنىڭ مەخسۇس ماشىنىسى ، چوڭراقى رايونلۇق پارتىيە كومىتېتى سېكىرتارىدىن تارتىپ كىچىكى يېزا-بازارلىق پارتىيە كومىتېتى ، يېزا-بازار باشلىقلىرىنىڭ ھەممىسىنىڭ ئۆزىگە تەئەللۇق مەخسۇس ماشىنىسى بار . بۇ يەردىكى « مەخسۇس ماشىنا » ئەمەليەتتە ئەمەلدارلار ئۆزلىرىنىڭ «خۇسۇسىي ماشىنىسى» بولۇپ، ئۆزلىرىلا ئىشلىتىدۇ ، ياكى خۇتۇن-بالىلىرى ئۈچۈن ئىشلىتىدۇ . ئىدارىدىكى باشقىلار ئىشىلتىشكە بولمايدۇ . بىر دانە «مەخسۇس ماشىنا » نى ئومۇمنىڭ ئىشىنىڭ يېرىمىغا ئىشلەتسىمۇ كاشكى ، مانا مۇشۇنداق «مەخسۇس ماشىنا» بىلەن «خۇسۇسىي ماشىنا » زادى قانداق پەيدا بولۇپ قالدى ؟
ھېسابلاپ باقساق بىلىمىز . چۈجىڭ شەھىرىنىڭ چىلىن رايونىدىكى ھەر بىر ئومۇمنىڭ ماشىنىسىنىڭ بىر يىللىق راسخۇتى تەخمىنەن 30 مىڭدىن 50 مىڭ يۈەنگىچىلىك بولۇپ ، بۇ بەلكىم شوپۇرنىڭ باشقا پاراۋانلىقلىرىنى ئۆز ئىچىگە ئالماسلىقى مۇمكىن . ئەگەر ھەر بىر ئومۇمنىڭ ماشىنا شوپۇرىنىڭ مۇئاش-پاراۋانىلىقىنى 30 مىڭدىن ھىساپلىساق . ھەر بىر ئومۇمنىڭ ماشىنىسىنىڭ يىللىق راسخۇتىنى ئوتتۇرا ھېساب بىلەن 40 مىڭدىن ھېسابلاپ ، بىر ماشىنىنىڭ بىر يىللىق چىقىمى 70 مىڭ ئەتراپىدا بولىدۇ ، ئۇنداقتا 1430 ئومۇمنىڭ ماشىنىسىنىڭ بىر يىللىق چىقىمى 100 مىليون يۈەندىن ئېشىپ كېتىدۇ دېگەن گەپ .
يېقىنقى يىللاردىن بۇيان ، بەزى ئورۇنلاردا ئاتالمىش ئومۇمنىڭ ماشىنىسى ئىسلاھاتىنى يولغا قويغان بولسىمۇ، بىراق ئەمەلىي ئۈنۈمى تازا كۆڭۈلدىكىدەك بولمايۋاتىدۇ ، ئومۇمنىڭ ماشىنىسىنىڭ ئىستېمال چىقىمى تۈۋەنلىمەيلا قالماستىن ، تېخى ئەكسىچە غايەت زور سوممىلىق تولۇقلىما ياردەم پۇللىرى ئەمەلدارلارنىڭ چۆنتىكىگە چۈشۈپ كەتتى .ھالبۇكى ئومۇمنىڭ ماشىنىسىغا «ئومۇمنىڭ ئىشلىرىغا ئىشلىتىلىدىغان ماشىنا » دېگەن بىر تۇتاش بەلگىنى چاپلاپ «ئومۇمنىڭ ماشىنىسىنى خۇسۇسىي ئىشلارغا ئىشلىتىش »نىڭ ئالدىنى ئېلىشتەك بۇنداق ئىسلاھاتلارنى بەزى ئورۇنلار خېلى بۇرۇنلا يولغا قويدى ، بىراق ئۈنۈمى زادى قانچىلىك بولۇۋاتىدۇ ؟ مانا ئەمدى «بەلگە چاپلاش» بايرىقىنى كۈتۈرۈپ چىقىپتۇ ، مېنىڭچە ، ئالدى بىلەن بۇ 1430 ماشىنا زادى كىملەرنىڭ ماشىنىسى ، بۇنى ئېنىقلاپ چىقىش تولىمۇ زۆرۈردەك قىلىدۇ . (ئاپتورى: چېن چاڭ)
ئەخمەت ساتتار تەرجىمىسى
يوللىغان ۋاقتى 
يوللىغان ۋاقتى 
