رەنا كۆزلىرىنى ئېچىپ،بېشىغا ئۇيغۇرلارنىڭ بەلگىسى ھەم قىممەتلىك مىراسى بولغان بادام دوپپا كىيۋالغان،كالتە ساقال قويىۋالغان،چىرايىدىن مىھرىبانلىق چىقىپ تۇرىدىغان ئەللىك بەش ياشلار چامىسىدىكى بىر ئۇيغۇر بوۋاينى كۆردى.
سىلى كىم؟ بۇ قەيەر-رەنا ھەيرانلىق ئىچىدە بوۋايغا قارىدى.
-ئىسمىم ئابدۇۋايىت ،بۇ مېنىڭ ياتىقىم-دېدى بوۋاي مىھرىبانلىق بېلەن رەناغا قاراپ.-ۋۇ پەسكەش ،ساقىلىڭغا لايىق ئىش قىلساڭ بولمامدۇ-دېدى رەنا بوۋاينى رەشىدەنىڭ خېرىدارى دەپ ئويلاپ قېلىپ-مېنى سەن تۇتۇپ بەردىڭما؟
-قىزىم ،قارىغاندا مېنى خاتا چۈشىنىپ قالغان ئوخشايسىز،تۆنۈگۈن كەچتە،يولدا كېتىۋاتسام،بىريەرگە بىرمۇنچە ئادەملەر توپلىشىۋاپتىكەن،بېرىپ قارىسام ،سىز ھوشىڭىزنى بىلمەي يېتىپسىز،چىرايىڭىز ئۇيغۇرغا بەك ئوخشايدىكەن ،ئۇيغۇر بولسا كېرەك،بېشىغا بىرەر كۈن بولمىسا،بۇ يەرلەرگە كېلىپ قالماس بولغىيتى دەپ ئۇيلاپ،سىزنى ياتىقىمغا ئېلىپ كەلدىم-دېدى بوۋاي رەناغا چۈشەندۈرۈپ.-بۇ؟-دېدى رەنا ئۇچىسىغا بىر قاراپ كېيىملىرىنىڭ جايىدا ئىكەنلىكىنى كۆرۈپ كۆڭلى خاتىرجەم بولۇپ-كەچۈرسىلە تاغا،مەن سىلىنى خاتا چۈشىنىپ قاپتىمەن.
رەنا ئاقكۆڭۈل بوۋايغا ئۇچرىغانلىقىدىن ئىنتايىن خۇشال بولدى ھەمدە ئۇنىڭغا بېشىدىن ئۆتكۈزگەن كۈنلىرىنى كۆز ياشلىرى بېلەن قوشۇپ، بىر-بىرلە پ سۆزلەپ بەردى.بوۋاي رەنانىڭ كەچۈرمىشلىرىنى ئاڭلاپ ،ئۇنىڭ ھاياتىغا ئېچىندى.ھەمدە ئۆزىنىڭ خاڭجۇ شەھرىدە خاڭدەن -تەتىللا ساتىدىغان بىر دۇكىنى بارلىقىنى ،مالنى مۇشۇ يەردىكى زاۋۇتلاردىن كىرگۈزىدىغانلىقىنى ئېيتىپ بېرىپ رەنانىڭ ئاتا-ئانىسىنى تېپىشىغا ياردەم بېرىدىغانلىقىنى ئېيىتتى.
-رەھمەت سىلىگە،مېنىڭ ئاتا-ئانامغا قارىغۇدەك يۈزۈممۇ يوق،مەن ھاياتىمنى ئىپپتىم يوقالغاندىلا تۈگىدى دەپ ئويلىغان-دېدى رەنا بوۋاينىڭ مېھرىبانلىقىدىن تەسىرلىنىپ كۆز يېشى قىلىپ-رەشىدەنىڭ قولىدا يەنە ئۈچ قىز بار ،ئۇلار مەندىنمۇ كىچىك،مەن ھازىرشۇلارنى قۇتقۇزىۋېلىشنىلا ئويلايمەن.سىلى مېنىڭ ئۇلارنى قۇتقۇزىۋېلىشىمغا ياردەم قىلغان بولسىلا ياخشى بولاتتى.
-خاتىرجەم بولۇڭ قىزىم،ئۇلارنىمۇ قۇتقۇزىۋالىمىز،لېكىن سىزمۇ ئاتا-ئانىڭىزنى ئويلاپ قويمىسىڭىز بولمايدۇ.ئۇلار شۇتاپتا سىزدىن قانچىلىك ئەندىشە قىلىۋاتقانلىقىنى بىلەمسىز؟سىز بولمىسىڭىز،ئۇلار ياشاپ نېمە قىلىدۇ؟بۇ ئىشلار تەقدىرىڭىزگە پۈتۈلۈپتىكەن،يە سىز قەستەن قىلمىسىڭىز،ئاتا-ئانىنىڭ قەلبىنى ئاتا-ئانا بولغۇچى ياخشى چۈشىنىدۇ قىزىم،شۇدەملەردە،ئاتا-ئانىڭىز سىزنىڭ خەۋىرىڭىزنى تۆت كۆزى بىلەن كۈتىۋاتىدۇ.ئۇلار ھازىر قەيەرلەردە سەرسان بولۇپ،سىزنى ئىزدەۋاتىدۇ،بۇ پەقەت ئېگىسىگە ئايان.
ئابدۇۋايىت بوۋاينىڭ سۆزلىرى رەنانىڭ قەلبىنى ئىللىتىپ،ھاياتىغا نىسبەتەن ئازراق بولسىمۇ ئىشەنچ پەيدا قىلدى.رەنا ئابدۇۋايت بوۋاي بېلەن ساقچىخانىغا بارغاندىن كېيىن،رەشىدەنىڭ تۇتۇلۇپ،قىزلارنى قۇتۇلغانلىقىنى بىلدى.رەنانىڭ كۆڭلى خاتىرجەم بولغاندىن كېيىن،يەنىلا ئاتا-ئانىسىنىڭ ،ئەركىننىڭ يېنىغا قايتىشنى خالىمىغاچقا ۋاقتىنچە،ئابدۇۋايىت بوۋاي بىلەن بىرگە تۇرماقچى بولۇپ،ئۇنىڭ بېلەن خاڭجۇغا قاراپ يولغا چىقتى.
* * * * * * *
رەنا ئابدۇۋايىت بوۋاينى خاڭجۇدىكى ئۆيىگە كەلگەندىن كېيىن،ئۇنىڭ ئەللىك ياشلار چامىسىدىكى ئايالى مۇكەررەم ئانا ئۇلارنى قىزغىن كۈتىۋالدى.مۇكەررەم ئانا رەنانى بىر كۆرۈپلا ياقتۇرۇپ قالدى.رەنادىن ئۇنىڭ كەچۈرمىشلىرىنى ئاڭلاپ،ياش تۆكۈپ تۇرۇپ چاچلىرىنى سىلاپ يۈزلىرىگە سۆيدى ھەمدە ئەسلىدە ئۆزلىرىنىڭمۇ بىر قىزىنىڭ بارلىقىنى ئون ئىككى ياشقا كىرگەندە يوقاپ كېتىپ،ئۇنى ئىزدەش جەريانىدا مۇشۇ يەرگە كېلىپ ئورۇنلىشىپ قالغانلىقىنى،ئاللاھنىڭ قىزى يوقاپ كەتكەندىن كېيىن ئۇلارغا قايتا پەرزەنت ئاتا قىلمىغانلىقىنى ئېچىنىشلىق قىلىپ سۆزلەپ بەردى.
يوللىغان ۋاقتى 2012-9-26 16:25:33
