بارلىقىمنى ئاتىغان 2-يۇرتۇم ئاقسۇدىن ئايرىلىش ئالدىدا

تەڭرىتاغ

	ئاپتونوم رايونلۇق خەلق قۇرۇلتىيى دائىمىي كومىتېتىنىڭ مۇئاۋىن مۇدىرى مۇتەللىپ قاسىمنىڭ ئاقسۇ خەلقىگە بولغان سەمىمىي رەھمىتى ۋە ئاقسۇنىڭ كېلەچىكىگە بولغان تىلىكى بارلىقىمنى ئاتىغان 2-يۇرتۇم ئاقسۇدىن ئايرىلىش ئالدىدا مۇتەللىپ قاسىم     ۋاقىت ئېقىن سۇدەك ئۆتۈپ، يولداشلار بىلەن بىرگە ئۆتكىنىمگە ھەش-پەش دېگۈچە 4يىل 2ئاي 16 كۈن بوپتۇ، بۇ مېنىڭ 2008-يىلى2-ئاينىڭ16-كۈنى ئاقسۇدا ۋەزىپىگە ئولتۇرغان كۈنۈم بىلەن ئوخشىشىپ كېتىدۇ. مانا بۈگۈن تۆت يىل جاپالىق كۆرەش قىلغان ئاقسۇدىن ئايرىلىش ئالدىدا، قەلبىم ئىنتايىن ھاياجانغا تولدى، ھەر بىر ئىش كۆز ئالدىمدىن بىر-بىرلەپ ئۆتۈپ، ھەر بىر تونۇش چىراي كۆز ئالدىمدا نامايان بولۇپ، ھاياجانلانغىنىمدىن چوڭقۇر خىيال سۈرۈپ، كېچىچە كىرپىك قاقمىدىم.      بۇ قېتىم بەنزىنىڭ تەڭشىلىشى ئاپتونوم رايوننىڭ ئاقسۇنىڭ خىزمەتلىرىگە يۈكسەك ئەھمىيەت بەرگەنلىكى، شۇنداقلا يولداش مەردان مۇقىيتقا تولۇق ئىشەنگەنلىكىنىڭ نامايەندىسى ھېسابلىنىدۇ.    يولداش مەردان مۇقىيت مېنىڭ قەدىناس دوستۇم، بىز خىزمەتتىلا ئالاقە قىلىپ قالماستىن، بەلكى يەنە ئۆز-ئارا ھەمدەمدە بولىدىغان سەمىمىي دوستلارمىز؛ يولداش مەردان مۇقىيتنىڭ نەزەرىيە ئاساسى پۇختا، كۆپ ئورۇندا ئىشلىگەن بولۇپ، تەجرىبىسى مول، كۆپچىلىكنىڭ مېنىڭ خىزمىتىمنى قوللىغىنىدەك يولداش مەرداننىڭ خىزمىتىنى سەمىمىي، قىزغىن قوللاپ، ۋىلايىتىمىزنىڭ «ئىككى ئاۋال» ئۇلۇغۋار ئەمەلىيىتىگە ئورتاق كۈچ چىقىرىدىغانلىقىغا ئىشىنىمەن.      بۈگۈن، مۇشۇ مۇناسىۋەت بىلەن كۆپچىلىككە بىرقانچە ئېغىز يۈرەك سۆزىنى ئېيتىپ، بۇ يۇرتقا بولغان چوڭقۇر ھىسىياتىمنى، 2 مىليون 530 مىڭ  ئاقسۇ خەلقىغە بولغان سەمىمىي رەھمىتىمنى، ئاقسۇنىڭ گۈزەل كېلىچىگە بولغان تىلەكلىرىمنى بىلدۈرىمەن.      تۆت يىلدىن بۇيان، ئاقسۇنىڭ تاغ-دەريالىرى، ھەر بىر كوچىلىرى ۋە ھەر بىر تۈپ گۈل-گىياھلىرى ھەرقاچان مېنىڭ قەلبىمنى ئۆزىگە رام قىلىپ، كۆز ئالدىمدا نامايەن بولۇپ كەلدى. ھەر بىر مەنزىرلىرى ئۇنتۇلغۇسىز دەرىجىدە شۇنچىلىك ئېنىق بولۇپ، ئايرىلىشقا كۆزۈم قىيمايۋاتىدۇ.      بۇ تۆت يىلدا كۆپچىلىك مېنى دوستى، تۇغقىنى قاتارىدا كۆرۈپ، مېنى چۈشەندى، قوللىدى، ماڭا ھەمدەمدە بولدى. شۇنداق دېيىشكە بولىدۇكى، بۇ تۆت يىل مەن خىزمەتكە قاتناشقاندىن بۇيانقى ئەڭ كۆڭۈللۈك، خىزمىتىم ئەڭ ئوڭۇشلۇق، شۇنداقلا ئەڭ نەتىجىلىك بولغان تۆت يىل بولدى؛ تۆت يىلدا ئاقسۇدا ئىشلىگەن قىسقىچە ھايات مۇساپەمنى ئەسلىگىنمىدە، ھەممە نەرسە كۆز ئالدىمدا تېخى تۈنۈگۈنكىدەكلا ئېنىق پەيدا بولىدۇ، گەرچە ۋاقىت تېز ئۆتۈپ كەتكەن بولسىمۇ، بۇلار قەلبىمدە ئۇنتۇلغۇسىز خاتىرە ۋە قىممەتلىك بايلىق بولۇپ قالدى، بۇلارنى  ئالىي بىلىم يۇرتلىرىدىمۇ ئۆگىنىۋالغىلى بولمايدۇ، مانا بۇ ئوزۇق ۋە ئەقىل-پاراسەتلەر مېنى مەڭگۈلۈك نەپكە ئېرىشتۈرگۈسى. تۆت يىلدىن بۇيان، مەن يولداشلار بىلەن بىرلىكتە شۇجى جۇ چاڭجيې ۋە  شۇجى خۇاڭ سەنپىڭنىڭ يېتەكچىلىكىدە، «ئۆز كۈچىگە تايىنىپ ئىش كۆرۈش، ئىتتىپاقلىشىپ ئىلگىرلەش، جاپالىق ئىگىلىك تىكلەش، خالىسانە تۆھپە قوشۇش» تەك «كۆكيار روھى»نى، ئومۇملۇقنى نەزەردە تۇتۇش، بىر نىيەتتە كۈچ چىقىرىشتەك ھەمكارلىق روھىنى، ئۆزگىرىش ياساش، كۆرۈنەرلىك نەتىجە يارىتىشتەك يېڭىلىق يارىتىش روھىنى، ۋەزىپىلەرنى دادىل زىممىسىگە ئېلىش، ھالقىپ ئىلگىرلەشتەك كۆرەش روھىنى جارى قىلدۇرۇپ، ئىلمىي ھالقىش، ئەبەدىي ئەمىنلىكنى ئىلگىرى سۈرۈشكە پۇختا قەدەم تاشلاپ، ۋىلايىتىمىزنىڭ ئىقتىسادىي، ئىجتىمائىي ئىشلىرىدا كۆرۈنەرلىك ئۈنۈمنى قولغا كەلتۈردۈق. بۇ نەتىجىلەرنى ئاپتونوم رايونلۇق پارتكوم، ئاپتونوم رايونلۇق خەلق ھۆكۈمىتى، ۋىلايەتلىك پارتكومنىڭ كۈچلۈك رەھبەرلىكىدىن، ئاقسۇنىڭ ھەر نۆۋەتلىك رەھبەرلىك بەنزىسىنىڭ ياخشى ئاساس سالغانلىقىدىن، ئاقسۇدىكى ھەر مىللەت خەلقىنىڭ ۋەزىپىلەرنى دادىل زىممىسىگە ئېلىپ، ئەمەلىي، جاپالىق ئىشلىگەنلىكىدىن ئايرىپ قارىغىلى بولمايدۇ. كۆپچىلىك ئورتاق ھەمكارلىشىپ، تىرىشىپ ئىلگىرلىمىگەن بولساق، ئاقسۇنىڭ ھاياتىي كۈچكە تولغان، گۈلدەك ياشنىغان، شانلىق روناق تاپقان بۈگۈنى بولمىغان بولاتتى. تۆت يىلدىن بۇيان، مېنىڭ قولغا كەلتۈرگەن ئازغىنە نەتىجىلىرىمنىڭ ھەممىسى ئولتۇرغان رەھبەرلەر ۋە يولداشلارنىڭ يېتەكچىلىك قىلغانلىقى ۋە ياردەم بەرگەنلىكىنىڭ نەتىجىسى، ئەتراپىمدىكى خىزمەتچى خادىملارنىڭ پۈتۈن كۈچ بىلەن ماسلاشقانلىقىنىڭ نەتىجىسى، ئايالىم ۋە ئوماق ئىككى پەرزەنتىمنىڭ ئۈن-تىنسىز قوللىغانلىقىنىڭ نەتىجىسى. ئاقسۇ مېنى تەربىيىلىدى، تاۋلىدى، چېنىقتۇردى، سىلەرگە چىن كۆڭلۈمدىن تەشەككۈر!      تۆت يىلدىن بۇيان، مەن ئاقسۇدىكى كۆپلىگەن كادىرلار بىلەن تونۇشۇپ، بىلىشىپ، ئۇرۇق-تۇققاندەك يېقىن بولۇپ كەتتىم. كۆپچىلىك بىلەن  جاپا-مۇشەققەت ۋە راھەت-پاراغەتتە بىرگە بولدۇم. ئاقسۇنىڭ ھالقىما تەرەققىياتى، خەلق تۇرمۇشىنى ياخشىلاش، جەمئىيەتنىڭ ئىناقلىقىنى ئىلگىرى سۈرۈشتە بىرلىكتە ئېغىر ۋەزىپىنى زىممەمگە ئېلىپ، بېسىمغا بەرداشلىق بەردىم؛ ئەقىل-پاراسىتىمنى ئىشقا سېلىپ، تىرىشىپ كۆرەش قىلدىم؛ كۈننى تۈنگە ئۇلاپ خىزمەت قىلىپ، پىداكارلىق بىلەن ئۆزەمنى بېغىشلىدىم؛ خوشاللىققا جۆر بولۇپ، نەتىجىلەرنى بىرلىكتە تەبرىكلىدىم. ئورتاق خىزمەت، ئورتاق نىشان، ئورتاق كۆرەش بىزنى سەمىمىي خىزمەتداش ۋە دوستلاردىن قىلىپ يېتىشتۈردى. ئارزۇ-ئىستەكنىڭ ئوخشاشلىقى قېرىنداشلىق مېھرىدىنمۇ قىممەتلىك، بۇ خىل سەمىمىي دوستلىقىمىز ئالتۇن ئەنقا روھىدىنمۇ ئالىيجاناپ، مەن ئاقسۇدا ئىشلىگەن بۇ گۈزەل چاغلارنى، يولداشلارنىڭ قوللىشى ۋە ياردىمىنى، ئاقسۇ خەلقىغە بولغان چوڭقۇر دوستلۇق مېھرىنى ھەسسىلەپ قەدىرلەيمەن ۋە مەڭگۈ ئەستە ساقلايمەن.      ئەمەلىيەت ئىسپاتلىدىكى، ئاقسۇ خەلقى، ئاقسۇدىكى كادىرلار، بۇ ئىللىق ماكان ماڭا غايەت زور مەنىۋى بايلىق ۋە پۈتمەس-تۈگىمەس كۈچ-قۇۋۋەت ئاتا قىلدى.  ۋىلايەتلىك پارتكوم، مەمۇرىي مەھكىمىنىڭ ھەر نۆۋەتلىك بەنزىسى باشتىن-ئاخىر قىيىنچىلىقنى يېڭىپ دەۋر بىلەن تەڭ ئىلگىرلەپ، ئىلمىي ھالقىش ۋە ئەبەدىي ئەمىنلىكنىڭ يېڭى مۇساپىسىنى ئاچتى. ئاقسۇ خەلقىنىڭ  چوڭقۇر مېھرى-مۇھابىتى مېنىڭ قېنىمغا سىڭىپ كىرىپ، زىممەمدىكى ۋەزىپەمنىڭ ئىنتايىن ئېغىرلىقىنى تېخىمۇ ئېنىق تۇنۇتتى، شۇنداقلا پارتىيە، خەلققە بۇنىڭدىن كېيىن تېخىمۇ ياخشى خىزمەت قىلىشىمغا كۈچ-قۇۋۋەت ئاتا قىلدى.      مەن رايونىمىزنىڭ تەرەققىياتى ۋە مۇقىملىقىدا مەسئۇلىيىتىمنىڭ تەيشەن تېغىدىنمۇ ئېغىر ئىكەنلىكى ھەققىدە ئۆزەمنى ئەسكەرتىپ ھەمدە ئاگاھلاندۇرۇپ، قىلچىمۇ بىخەستەلىك قىلمايمەن. بۇ ۋاقىتلارنى ئەسكە ئالغىنىمدا، ئەڭ زور خوشاللىقىم ۋاقىتنى بىكار ئۆتكۈزمىگەنلىكىم. ئاقسۇدىن ئىبارەت بۇ ھاياتىي كۈچكە ۋە ئۈمىدكە تولغان مۇنبەت زېمىنغا مېنىڭ بارلىق ئارزۇلىرىم ۋە يۈرەك قېنىم، بارلىق خوشاللىقىم ۋە غەم-قايغۇلىرىمنىڭ سىڭگەنلىكى. بۇ ۋاقىتلارنى ئەسلىگىنىمدە، گەرچە كۆپچىلىك بىلەن بىرگە تىرىشچانلىق كۆرسەتكەن ۋە قان-تەر ئاققۇزغان ، ئوڭۇشسىزلىق، قىيىنچىلىققا دۇچ كەلگەن بولساقمۇ، لېكىن بىز قىلچىمۇ تەۋرەنمەي، مەيۈسلەنمەي، بىپەرۋالىق قىلماي، قەتئىي بوشاشماي نىشانىمىزنى كۆزلەپ باتۇرلارچە ئىلگىرلىدۇق. بۇ تۆت يىل ئاقسۇنىڭ تەرەققىياتىغا نىسبەتەن ئېيتقاندا، ئىلمىي ھالقىش ۋە كېيىن تەرەققىي قىلىپ ئالدىغا ئۆتۈپ كېتىش ئومۇمىيۈزلۈك قانات يايدۇرۇلغان، كۈچ توپلاپ، تەرەققىياتقا ئۇل سالغان تۆت يىل بولدى؛ ئاقسۇدىكى كادىر، ئامما تىرىشىپ جاپالىق ئىشلىگەن تۆت يىل بولدى؛ ماڭا نىسبەتەن ئومۇملۇقنى كۆزلىگەن، چوڭ-چوڭ ئىشلارنى تۇتۇپ، ئەمەلىيلەشتۈرۈشنى ئىلگىرى سۈرگەن تۆت يىل بولدى. بۈگۈن بىز سىڭدۈرگەن ئەجرىمىزنىڭ نەتىجىسىنى، خىزمىتىمىزنىڭ ئۈنۈمىنى كۆردۇق، ئاقسۇنىڭ تەرەققىياتىدىكى ئۆزگىرىشلەر ئاممىنىڭ ، جەمئىيەتنىڭ ئېتىراپ قىلىشىغا، شۇنداقلا مەركەز ۋە ئاپتونوم رايوننىڭ تولۇق مۇئەييەنلەشتۈرۈشىگە ئېرىشتى. ئۆزەمنى ئېلىپ ئېيتسام، بۇــ كىشىلىك تۇرمۇش قىممىتىنىڭ باسقۇچ خاراكتىرلىك نەتىجىسى؛ ۋىلايەتكە نىسبەتەن ئېيتقاندا، بۇ رايون تەرەققىياتىنىڭ باسقۇچ خاراكتىرلىك ئالغا ئىلگىرلىشى، خالاس. ئادەمنى خوشال قىلىدىغان، ئىلھاملاندۇرىدىغان ھەمدە كىشىگە تەسەللىي بېرىدىغان بۇنىڭدىن ئارتۇق ئىش بولماس. شۇڭا، ئاقسۇدىكى ھەر مىللەت كادىر، ئاممىسى بۇ دەۋرگە، بۇ ئانا تۇپراققا، بۇ ئىشلارغا تامامەن يۈز كېلەلەيمىز!      تۆت يىلدىن بۇيان، مەن تەشكىلنىڭ تاپشۇرىقىنى، خەلقنىڭ ئۈمىدىنى ئېسىمدە چىڭ ساقلاپ، مەسئۇلىيىتىمنى پۈتۈن كۈچۈم بىلەن ئادا قىلىپ، پارتىيە ۋە خەلقنىڭ ئەجرىگە ئەمەلىي ھەركىتىم بىلەن جاۋاپ قايتۇردۇم. ئەمما ئىقتىدارىم ۋە سەۋىيەم چەكلىك بولغاچقا، سوبيېكىتىپ جەھەتتە نۇرغۇن تىرىشچانلىقلارنى كۆرسەتكەن بولساممۇ، لېكىن يەنىلا نۇرغۇن ئىشلارنى قىلالماي، بەزى يېتەرسىزلىكلەردىن خالى بولالمىدىم. شۇنداقتىمۇ يولداشلار يەنىلا كەڭ قورساقلىق بىلەن مېنى كەچۈردى، ئاسرىدى. مېنىڭ بۈگۈنۈم دەل ھەر دەرىجىلىك پارتىيە، ھۆكۈمەت، ھەر مىللەت كادىرلار، ئاممىنىڭ كۆڭۈل بۆلگەنلىكى، قوللىغانلىقى ۋە ياردەم بەرگەنلىكىنىڭ نەتىجىسى بولۇپ، ماڭا خەلققە خىزمەت قىلىدىغان، ئۆزەمنى چېنىقتۇرىدىغان كەڭ سەھنە ھازىرلاپ بەردى، ھەقىقىي ئىشلەپ  چوڭ ئىشلارنى قىلىشىمغا پۇرسەت يارىتىپ بەردى، مەن بۇنى مەڭگۈ ئەستىن چىقارمايمەن ھەم قەدىرلەيمەن.      گەرچە ئۆتكەن بارلىق ئىشلارنى بىرمۇ-بىر ئەسلىيەلمىسەممۇ ھەم قايتۇرۇپ كېلەلمىسەممۇ، لېكىن بۇنىڭدىن كېيىنكى خىزمىتىمگە قولايلىق بولىدىغان، يىللار ماڭا ھەدىيە قىلغان ئۆرنەك، ئىلھام، رىغبەتنى قايتۇرۇپ كېلەلەيمەن.      جەم بولۇش ۋە ئايرىلىش تەقدىر-قىسمەت. ئاقسۇدىن ئايرىلىش، كۆپچىلىك بىلەن، ئاقسۇ خەلقى بىلەن خوشلىشىش ئالدىدا، كۆڭلۈمدە ئېيتىپ تۈگەتكۈسىز قىيالماسلىق ۋە مېھرى-مۇھەببەت ئەۋج ئالماقتا. بۇنىڭدىن كېيىن، مەيلى قەيەرگە باراي، قانداق ۋەزىپىلەردە بولاي، نېمە ئىشلارنى قىلاي، ئاقسۇنى مەڭگۈ ياد ئېتىمەن، ئاقسۇنى قىزغىن سۆيۈپ، ئاقسۇغا چوڭقۇر مېھرى-مۇھەببەت باغلايمەن، ھەمدە مىننەتدارلىق قەلبىم بىلەن ئاقسۇنىڭ تەرەققىياتىغا داۋاملىق كۈچ چىقىرىمەن. ئاقسۇنىڭ تەرەققىياتىغا چوڭقۇر كۆڭۈل بۆلىمەن  ۋە مەدەت بېرىمەن. ئاقسۇدا يۈز بەرگەن ئۆزگىرىشلەردىن تەڭ خوشاللىنىمەن. بۇلار ماڭا پۈتمەس-تۈگىمەس ھەرىكەتلەندۈرگۈچ كۈچ ۋە چەكسىز ئىلھام بەخش ئەتكۈسى.      نۆۋەتتە، ئاقسۇ پۇرسەت ۋە تەرەققىياتنىڭ ئالتۇن مەزگىلدە تۇرماقتا، جۇش ئۇرۇپ راۋاجلىنىشتەك ياخشى ۋەزىيەت بارلىققا كېلىپ، تەرەققىيات سۈرئىتى تېزلەشمەكتە، كەسپلەر راۋاجلانماقتا، ساياھەتچىلىك گۈللەنمەكتە، مەدەنىيەت جانلىنىپ، ھەر مىللەت ئاممىسىنىڭ باياشاد تۇرمۇشقا ئىنتىلىش، تەرەققىياتنى ئىلگىرى سۈرۈش، مۇقىملىقنى ساقلاش تەلىپى كۈچلۈك ھەم تەخىرسىز  بولماقتا،  كۆرەش نىشانى كىشى كۆڭلىگە ئىلھام بېرىدۇ، كىشىنى ئالغا بېسىشقا ئۈندەيدۇ. ئىشىنىمەنكى، شۇجى خۇاڭ سەنپىڭ باشلامچىلىقىدىكى ۋىلايەتلىك پارتكومنىڭ كۈچلۈك رەھبەرلىكىدە، ئاقسۇدىكى ھەر مىللەت كادىرلار، ئامما تېخىمۇ ئىتتىپاقلىشىپ، باتۇرانە ئالغا ئىلگىرلەيدۇ، ئاقسۇنىڭ كەلگۈسى تەرەققىيات يولى چوقۇم پارلاق بولىدۇ، ئاقسۇ خەلقىنىڭ تۇرمۇشى تېخىمۇ گۈزەل ۋە بەختلىك بولىدۇ.      ئاقسۇدىن ئايرىلىپ يېڭى خىزمەت ئورنۇمغا بارغاندا، مەن ئۇزۇن يىل ئىشلىگەن قاتناش كەسپىنى، ماڭا كۆڭۈل بۆلگەن، مېنى قوللىغان قاتناش سىتېمىسىدىكى يولداشلارنى مەڭگۈ ئەسلەيمەن.

kiroran715

	تېخىمۇ زور مۇاپىقەتلەر قازىنىشىڭىزغا تىلەكداشمىز، سالامەت بۇلۇڭ.

mehrim

	مۇتەللىپ ئاكىمىز بەكمۇ ئىسىل ، ئىستىداتلىق ئادەم . بىزنىڭ قاتناش سىستىمسىدا نازىر بوپ تۇرغان ۋاىتلىردىمۇ  تۆۋەنگە چۈشسە   ھەر تەرەپلىمىلىك خىزمەتلىرمىزگە ئىنتايىن كۆڭۈل بولەتتى ،ئاۋال ئاساسى  قاتلامغا چۈشۈپ   دەم ئىلىشقا چىققان   ئىشچى _خىزمەتچىلەر  ھەم مەرھۇملارنىڭ    ئائىلىلىرگىچە بىرىپ  ئۇلارنىڭ ئەھۋالىنى  بىلىپ  ئاندىن ئورگانغا قايتىپ خىزمەتلەردىن  خۇلاسە ئاڭلايتتى ھەم خىزمەتلەردىن يوليۇرۇق بىرەتتى  ، بىزنىڭ قاتناش سىستىمسىدىن مۇشۇنداق كۆزگە كۆرۈنگەن  ئاۋامنىڭ دەردىگە دەرمان  بولالايدىغان بىر رەھبىرمىزنىڭ  چىققىندىن  تولىمۇ پەخىرلىنىمەن ، يەنە كىلىپ  قاتناش سىستىمسىدا تۇغۇلۇپ چوڭ بولغان بىر  ئەزمەتنى يىتىشتۈرۈپ چىققان  مۇتەللىپ ئاكىمىزنىڭ  جاپاكەش  ئاتا-ئانسىغا  ھەم ئۇنىڭ  ھەممە خىزمەتلىرگە ماسلىشىپ ئۇنى ھەر قايسى جەھەتلەردىن قوللاپ كەلگەن سۆيۈملۈك ئايالى  قاتناش سىستىمسىدىكى  كۆزگە كۆرۈنگەن   كەسىپدىىشىم  ھەدەم چىنارگۈلگە ھۆرمىتىمنى بىلدۈرمەن ، تەڭرىتاغ ئەپەندىنىڭ  ئەجىرىگە تەشەككۈر .

enene

	ماۋۇ ئاكىمىزنى تۇنىمايدىكەنمەن!  بىراق مەردان مۇقۇيىت ئەپەندى  ناھايمىزدىكىلەرگە  بەك تۇنۇشلۇق!   مەردان مۇقۇيىت  ئەپەندى  قەشقەر ۋىلايىتى  تەۋەسىسىكى  بىزنىڭ ناھايىدە  قىسقىغىنە بىر مەزگل ھاكىم بۇلۇپ تۇرغان!   بۇ مەزگىلدە  ئۇ  ھەقىقەتەن  خەلىق ئۈچۈن خىزمەت قىلغان ئىدى...  ناھايىدىكى  پارخورلۇق ئىشلىرى خېلى پەس كۆيغا چۈشۈپ قلغان.... خەلقنىڭ دەردىگگ يەتكەن ئىدى... مەن بىزنىڭ ناھايىدە بولغان مۇنداق ئىشنى سۆزلەپ بىرەي  ، مەردان ھاكىم (بىز شۇ چاغدا شۇنداق دەپ ئاتايتۇق)  بىر قېتىم   بىر يېزغا باغان ئىكەنتۇق ،  قارسا ناھايىدىن چىققان(ئۇيغۇر-خەنزۇ باشلىقىلار) ھەدەپ خەنزۇچە  سۆز قىپتۇ ..(ئەسلىدە شۇنداق تۈزۈم بار ئەمەسمۇ،،)، شۇنىڭ بىلەن ھاكىم  ناھايىگە قايىتقاندىن كىيىن بىر قېتىملىق  ناھىيە رەھبەرلىرىگە ئاچقان يىغىندا   بۇ توغرىلىق سۆز قىلىپ مۇنداق دەپتۇ:   ‹‹ كۆپنچە كىشلەر خەنزۇچىنى چۈشەنمەيدىغان تۇرسا ... يەنە كىلىپ  يىغىن ئاڭلايدىغانلارنىڭ كۆپىچىسى ئۇيغۇرلار تۇرسا ، يىغىننى  خەنزۇچە ئاچسا كىم يغىن مەزمۇنىنى تۇلۇق چۈشىندۇ ›› .. دەپتۇ، ئاندىن يەنە خەنزۇ كادىرلارغا: ‹‹ ئەمسە مەن  يىغىننى  ئېنگىلىزچە ئاچاي سىللەر چۈشۈنەلەمسىلەر›› دەپ  ئازراق ئېنگىلىچە سۆزلەپتۇ، شۇنىڭ بىلەن خەنزۇ رەھبەرلەر گۈشۈيۈپ ئولتۇرغاندىن كىيىن ھاكىم مۇنداق دەپتۇ: ‹‹ بىر تىلنى ئۈگۈنۈش ئۇنداق ئاسان ئىش ئەمەس ، ھەرقانچە ئۈگەنسىمۇ ئاناتىلدەك ئۈگەنگىلى بولمايدۇ ........››  دەپتۇ  ۋە بۇ قېتىمقى يىغىننى ئۇيغۇرچە ئېچىپتۇ...

nifit

	سىزنىڭ خەلىقنىڭ غىمىنى يەيدىغان ، قولىڭىزدىن كىلىشچە خەلىقنى رازى قىلىدىغان ھەر مىللەت ئوخشاش مۇئامىلە قىلىدىغان رەھبەر بولىشىڭىزنى ، بولسا خەلىق ئاممىسىغا چۆكۇپ دىھقانلارنىڭ دەردىگە دەرمان بولىشىڭىزنى ئۇمىد قىلىمىز !! بىز گەرچە بىر يەردە بولمىساقمۇ سىزنىڭ ئىنتايىن ياخشى ، كۆيۇمچان رەھبەر ئىكەنلىكىڭىزدىن ئاددى خەلىق ئاممىسىدىن ئاڭلىغان !! بۇنىڭدىن كىيىنكى خىزمىتىڭىزگە ئۇتۇق تىلەيمەن !!!!!!!!!!!!!!!!!!!

michael

	enene يوللىغان ۋاقتى  2012-6-7 19:38 ماۋۇ ئاكىمىزنى تۇنىمايدىكەنمەن!  بىراق مەردان مۇقۇيىت  ... مەنمۇ بۇ ۋالىنى 7خىل تىلنى بىلىدۇ دەپ ئاڭلىدىم،ئىشنى بەك كەسكىن بىجىرىدۇ دەپ ئاڭلىغان بىراق زادىلا ئۇچرىشىش پۇرسىتى بولمايۋاتىدۇ،بىزنىڭ ئوقۇتقۇچىلارنىڭ 10يىدىن بۇيان ھەل بولمايۋاتقان ئىشى بار ئىدى ئىزدەيدىغان،تاپالمايۋاتىمىز

zikrela

	enene يوللىغان ۋاقتى  2012-6-7 19:38 ماۋۇ ئاكىمىزنى تۇنىمايدىكەنمەن!  بىراق مەردان مۇقۇيىت  ... مەردان مۇقىيىت    ئاپتۇنۇم رايۇنىمىزدىكى  ئەڭ  قابىلىيەتلىك ،ئەڭ  بىلىملىك ، ھەقىقى  خەلق پەرۋەر  رەخبەر  بايىنغۇلىندىكى  ھەرمىلەت خەلقىنىڭ  قەلبىدىكى ئادىل  رەخبەر ،  مەردان  مۇقىيىت  بۇندىن كېيىن  ئاخسۇدىكى ھەرمىلەت  خەلقىنىڭ قەلبىدىن ئۇرۇن ئېلىپ  بايىنغۇلىندىكىدەك  شان شەرەپلەرگە  ئاخسۇ دىيارىدىمۇ ئېرىشكۇسى،مەردان مۇقىيىت    خەنزۇ  تىلنى  يۇز پىرسەنت بىلگەندىن سىرت  چەتەلدىكى  بىرقانچە ئەڭ تەرەقى قىلغان  دۇلەتلەرنىڭ تىلىنىمۇ تۇلۇق بىلىدۇ

skod

	ئەگەر بەزى تورداشلارنىڭ  دىگىنىدەك بولسا بىزنىڭمۇ  تېلىمىز  خىزمەتلىرىمىزدە  ئىشلىتىلسە بەك ىۇشال بولاتتۇق،ماڭا ئوخشاش خەنزۇچىنى ياخشى بىلمەيدىغانلارمۇ  تىل قىسىلچىلىقىدا ئىچىمىزگە يۇتۇپ يۇرمەستۇق .ۋېلايىتمىزدە باشقا جايلارغا سېلىشتۇرغاندا يولداشلار  بەكلا تىل زومىگىرى بولۇپ كەتتى.ھەتتا ئۆزلىرى ئويغۇر تىلىنى بىلمىسە قىلچە تەپ تارتماستىن ،ىەنزۇچە سوزلە بولمىسا ئويۇڭگە بېرىپ بالا باق دەيدىغانلارمۇ ،ھەتتا پۈتۈن يىل ئىشخانىدىن چىقمايدىغانلارنى توۋەنگە خىزمەت قىلىشقا بۇيرۇماي سېلەر تۆۋەنگە چۈشۈپ ئىشلەڭلار ،بۇ لار تىل وخمايدۇ،دەپ بېكار تەللەت قىلىۋەتكەن باشلىقمۇ مەۋجۇت  .....

دۆت

	مۇتەللىپ قاسىم ئاكىنىڭ ئاقسۇدىكى ۋالى بولغان مەزگىللەردىكى خەلىقپەرۋەر ،كەسكىن، ئادىل كىچىك پېئېللىقىنى بەلكىم باشقا ۋىلايەت ئوبلاستىكىلەر بىلمەيدۇ ھەقاچان ..... رەھبەرنى ماختىغان «كاۋىلار» دەۋاتقانسىلەر ھەقاچان........ ئۇ دەل خەلىقنىڭ غىمىنى يەيدىغان ، قولىدىن كىلىشچە خەلىقنى رازى قىلىدىغان ھەر مىللەت ئوخشاش مۇئامىلە قىلىدىغان رەھبەر ئۈمۈدىمىز :بولسا ئەينى چاغدىكى «بۇيۇنتاۋلىق قىلغان » »« يەرلىك خاقان » بولىۋالغان .......لارنىڭ نوختىسىنى پات-پات تارتىپ قويىشىڭىزنى خەلىق ئاممىسىغا چۆكۇپ دىھقانلارنىڭ دەردىگە دەرمان بولىشىڭىزنى ئۇمىد قىلىمىز

tuman

	تېخىمۇ زور مۇاپىقەتلەر قازىنىشىڭىزغا تىلەكداشمىز، سالامەت بۇلۇڭ.