2012-يىلى 6-ئاينىڭ 6-كۈنى ئۈرۈمچى ۋاقتى ئەتىگەن سائەت 4:10 لار ئەتراپىدا 21-ئەسىردىكى ئەڭ ئاخىرقى بىر قېتىملىق ‹‹ۋېنىرانىڭ قۇياش يۈزىدىن كېسىپ ئۆتۈش ھادىسىسى›› كۆرۈلدى . بۇ ھادىسە چەت ئەللەردە كۆرۈلگەن ۋاقىتلىرىنى ھېسابلىغاندا ئىلگىرى-كېيىن بولۇپ تەخمىنەن ئالتە سائەت 39 مىنۇت 49 سېكونت 5 دەقىقە داۋام قىلغان بولۇپ ، ئاسترونومىيە تارىخىدا ھەقىقەتەنمۇ كەمدىن-كەم كۆرۈلىدۇ . كۈن تۇتۇلۇش ھادىسىسىدە ئالەم سىستېمىسىدىكى توققۇز سەييارىنىڭ بىرى بولغان ۋېنىرا (زۆھرە، چولپان يۇلتۇز) قۇياشنىڭ يۈزىنى توسۇۋالىدۇ . مەملىكىتىمىزنىڭ ھەر قايسى جايلىرىدا بۇ ‹‹ۋېنىرانىڭ قۇياش يۈزىدىن كېسىپ ئۆتۈش ھادىسىسى ››نى كۆرگىلى بولىدۇ . بۇ ۋاقىتتا كىشىلەر ‹‹كىچىك قارا مەڭ››لەرنىڭ قۇياشنىڭ يۈزىدىن ئاستا-ئاستا توغرىسىغا كېسىپ ئۆتۈۋاتقانلىقىنى كۆرەلەيدۇ . بۇنىڭ ئىچىدە مەملىكىتىمىزنىڭ شەرقىي قىسىم رايونلىرىدىكى كىشىلەر بۇ ھادىسىنىڭ پۈتۈن جەريانىنى كۆرەلەيدۇ . ئىگىلىنىشىچە ، كېلەر قېتىملىق ‹‹ۋېنىرانىڭ قۇياش يۈزىدىن كېسىپ ئۆتۈش ھادىسىسى›› 2117-يىلى 12-ئاينىڭ 11-كۈنى يۈز بېرىدىغان بولۇپ، يەنە 105 يىل 5 ئاي ساقلىشىمىزغا توغرا كېلىدىكەن.
كۈن تۇتۇلۇش ھادىسىسى (ۋېنىرانىڭ قۇياش يۈزىدىن كېسىپ ئۆتۈش ھادىسىسى) بولسا ۋېنىرانىڭ قۇياش بىلەن يەر شارى ئوتتۇرىسىدا ھەرىكەت قىلىپ ، قۇياش ، يەر شارى ، ۋېنىرا ئۈچ سەييارە بىرلا ۋاقىتتا بىر تۈز سىزىق ئۈستىگە كەلگەن ۋاقىتتا، ۋېنىرانىڭ قۇياش يۈزىنىڭ قىسمەن جايلىرىنى توسۇۋېلىشىدىن شەكىللىنىدىغان بىر خىل ئاستىرونومىيەلىك ھادىسىدىن ئىبارەت. شۇ سەۋەبتىن بۇ ھادىسە مەلۇم نۇقتىدىن يەنە ‹‹كۈن تۇتۇلۇش ھادىسىسى›› دەپ ئاتىلىدۇ.
‹‹ۋېنىرانىڭ قۇياش يۈزىدىن كېسىپ ئۆتۈش ھادىسىسى›› كېسىپ ئۆتۈشتىن بۇرۇنقى سىرتقى ئۇرۇنۇش ، كېسىپ ئۆتۈشتىن شتىن بۇرۇنقى ئىچىكى ئۇرۇنۇش، ھەرىكەت قىلىپ مەركىزىگە كېلىش، كېسىپ ئۆتۈشتىن كېيىنكى ئىچكى ئورۇنۇش ، كېسىپ ئۆتۈشتىن كېيىنكى تاشقى ئورۇنۇش قاتارلىق بەش جەرياندىن تەركىب تاپىدۇ.
يوللىغان ۋاقتى 
يوللىغان ۋاقتى 
