ھەققانىي: « ئاڭلىق» ئەر (ساتىرا )

akkani

	<< ئاڭلىق>> ئەر ( ساتىرا ) بەزەنلەرنىڭ گىپى چوڭ لېكىن بىلسەك چاغلىق ئەر، مېڭىش،تۇرۇش،يۈرىشى ئايالىغا باغلىق ئەر، << كۆڭلى-كۆكسى كەڭ>>لىكتە بۇ دىياردا داڭلىق ئەر، چاپسا ھەر يان جورىسى قىلماس ئىچى تارلىق ئەر، بىخوتلۇقنىڭ سۈيىدە ئۈزۈپ كەتكەن <<ئاڭلىق>>ئەر. << يايراڭ،توغرا چۈشەندىم،خاتىرجەممەن سىزدىن>> دەپ، سوراپ كۆرمەس جۇپتىدىن،يانفۇن كەلسە كىمدىن؟دەپ، كېتىۋەرسە كارى يوق،<<سەل زېرىكتىم ئۆيدىن>>دەپ، <<تۇتۇپ قالدى تۇققانلار،باراي ئۆگۈن-ئىندىن>>دەپ، قونۇپ قالسا كىلىشنى،كۈتۈپ كەتكەن<<ئاڭلىق>>ئەر. پەرۋايى يوق قىلچىمۇ،خوتۇن نەدە،ئۇ نەدە، جۈپتى ئۈنەر دۈشەنبە چىقىپ كەتسە جۈمەدە، دەپ سورىماس پۇل تاپسا تاپتىڭ قايسى ھۈنەردە، شۇنچە قىزغىن خۇشچاقچاق بۈگۈن ئۆيگە كىرەردە، ئەركىلىسە ناز قىلىپ كۈلۈپ كەتكەن << ئاڭلىق>>ئەر. دىققەت قىلماس كۈندە بىر مودا چىقسا ئۇچىغا، قىممىتىنى ئاياقنىڭ ئېلىپ كېيسە پۇتىغا، زەن قويمايدۇ پايپاقسىز ئۇچۇق قالغان يوتىغا، ھېچ كەلمەيدۇ ئاچچىقى چىقىۋالسا كوچىغا، غىلجىڭلىسا خۇلقىغا كۆيۈپ كەتكەن <<ئاڭلىق>>ئەر. ئۆيدە ئەرگە نازلىنىپ،سىرتتىن تاپار باشپاناھ، كېزەر ئويناپ رېستۇران،مېھمانخانا،ئاشخانا، تۈنتەڭلەردە ئېپكىلىپ قويسا ھەتتا سانتانا، يەنە<<توغرا چۈشۈنۈپ>>كۈلۈمسىرەر ئۇ يانا، مۇنداق ئىشقا ئەسلىدىن كۆنۈپ كەتكەن <<ئاڭلىق>>ئەر. نەق مەيداندا تۇتۇلۇپ قالغاندىمۇ خانىمى، يات بىرسىدىن ئۈنسىمۇ قورساققا بىر ھارىمى، پۇر كەتسىمۇ جاھانغا شەرمەندىلىك داۋرىڭى، بۇ دۇنيادا بارمىكىن ئەرنىڭ شۇنداق گالۋىڭى، ھېچ ئىش يوقتەك ئۆي تۇتۇپ يۈرۈپ كەتكەن<<ئاڭلىق>>ئەر. خوتۇن ئالدىم دەپ قويۇپ سوراپ كۆرمەس ھالىنى، سۈرۈشتۈرۈپ كۆرمەيدۇ ئۆيدە يوق ۋە بارىنى، ئەر تاپمىسا ئۆزىنىڭ ئەرلىك ئورۇن-جايىنى، سىرت تارتىيدۇ ئاشۇنداق خوتۇن خەقنىڭ رايىنى، <<ئەر كۈنلىسە ئۆي گۈللەر>>ئەگەر بىلسەڭ ئاڭلىق ئەر. گۇناھ قويماس خوتۇنغا تاپساڭمۇ يۈز قازىنى، چۈنكى ئۆتتۈڭ يۇرۇتماي پاك سۆيگۈنىڭ شامىنى، چۈشۈنەلمەي بىر ئۆمۈر ساختىلىقنىڭ دامىنى، بۇلغىۋەتمە غورۇرلۇق ئەركەكلەرنىڭ نامىنى، ئەرلىك ئابروي-تەختىدىن چۈشۈپ كەتكەن <<ئاڭلىق>>ئەر. ھەربىر كىشى جۈپتىنى جەزمەن كۈنلەپ قويغۇلۇق، ھېكمەت قالغان ئەجداتتىن دەل مۇشۇ ئىش توغرۇلۇق، چەكتىن ئاشسا<<ئاڭلىقلىق>>بوپ بولىدۇ بولغۇلۇق، ئازمايدىغان ئىنسان يوق،شوڭا ھۇشيار تۇرغۇلۇق، بەس!ئويغانسۇن ۋىژدانى ئۆلۈپ كەتكەن<<ئاڭلىق>>ئەر. ******* مەنبە:  ئۆز قەلىمىم.(ئابدۇۋەلى راخمان ھەققانىي)          2011-يىل 2-سان <<كىروران>> ژۇرنىلىدا ئېلان قىلىنغان.

qalikux

	خۇتۇننى كۈنلىمىگەن ئەر دەييۈزدۇر......قىيامەت كۈننى  قاتتىق ئازاپقا قالىدۇ ............................

xohtekin

	كۆڭلى زەيپانە،ئىمانىي سۇس،ئەركەكلىك گېنى ئۆلىۋاتقان بىر قىسىم ئەرلەرگە تەككەن ئەجەل قامچىسى جۇمۇ -بۇ شىئېر!!! بۇنىڭدىن ئىسىل يېزىشمۇ تەس. تورداشلارغا يەنە بىر سوۋغا!!! غەيۋەتلەر (ساتىرا) ئابدىۋېلى راخمان (ھەققانى) پاناھ بولۇر بۇلۇڭ-پۇشقاق خىلۋەتلەر، ياخشىلارغا يۈكلەر پاتمان ئىللەتلەر، تۆكۈلگەندەك تاغاردىن قىغ-ئەخلەتلەر، ساپ مۇھىتنى بۇلغايدىكەن غەيۋەتلەر. كۆڭۈللەرگە سېلىپ مالال-غەشلىكنى، ئىناقلىققا كولاپ ئورا-يەرلىكنى، ئېغىزلاردا قويماي زەررە-نەملىكنى، ھىچبىر تىنىم تاپمايدىكەن غەيۋەتلەر. ئاقنى كۆرسە تەپ تارتماستىن<< قارا>> دەپ، ساقنى كۆرسە<< يىرىڭ يىغقان يارا>> دەپ، دۇرۇسلارنى <<كۆڭلى بەكمۇ ئالا>> دەپ، پىتنە-تۆھمەت چاپلايدىكەن غەيۋەتلەر. قۇبۇل قىلماي تارىخدىكى ساۋاقنى، ئىگەللەپ ئۆي،كوچا،دوقمۇش قاۋاقنى، پىچىر-پىچىر قىلىپ ھەر بىر قۇلاقنى، ئارامىدا قويمايدىكەن غەيۋەتلەر. ھەر جۈملىسى تېپىپ جېدەل-ئاپەتنى، ئاستىن-ئۈستىن قىلىپ ھەقنى-ناھەقنى، كۆزلەيدىكىن قايسى مۇددىئا-مەقسەتنى، زادى جىمجىت ياتمايدىكەن غەيۋەتلەر. پاكىت ياساپ گۇمانىدىن-پەرەزدىن، ئازارچىلىق تېپىپ كەلدى ئەزەلدىن، ئاگاھ بولغاي دوست-يارەن بۇ مەرەزدىن، پۇرسەت كۈتۈپ غاجايدىكەن غەيۋەتلەر.