موماي «10مىڭ يۈەنگە بوۋاق ساتىمەن» دەپ خېرىدار چاقىرغان

tarkan

	موماي «10مىڭ يۈەنگە بوۋاق ساتىمەن» دەپ خېرىدار چاقىرغان     ئىككى كۈن ئىلگىرى، سۈيشيەن ناھىيەسى جامائەت خەۋپسىزلىك ئىدارىسى چارلاش چوڭ ئەترىتى ئاممىنىڭ بىر ئايالنىڭ كوچىدا ئۈچ چاقلىق ھارۋا ھەيدەپ بىر قىز بوۋاقنى 10 مىڭ يۈەنگە ساتىمەن دەپ ۋارقىرىغانلىقى توغرىسىدىكى مەلۇماتىنى تاپشۇرۇپ ئېلىپ تېزدىن يېتىپ كېلىپ بۇ تۆت ئايلىقتىن ئاشقان قىز بوۋاقنى قۇتقۇزۇۋالدى ھەمدە ئائىلىسىدىكىلەرنى تاپالمىغانلىقىدىن قايتۇرۇپ كېلىپ ئايال ساقچىلار نۆۋەتلىشىپ قارىدى. سەنشيەن ناھىيەىسى جامائەت خەۋپسىزلىك ئىدارىسى چارلاش چوڭ ئەترىتىنىڭ تونۇشتۇرۇشىچە، ئىككى كۈن ئىلگىرى چۈشتىن بۇرۇن، سۇيشيەن ناھىيىسى جامائەت خەۋپسىزلىك ئىدارىسى چارلاش چوڭ ئەترىتىدىكى يۈمېي، خۇاڭسۈيخۇا قاتارلىق تۆت ساقچى يولدا چارلاش قىلىۋاتقاندا، ئاممىنىڭ سۇيشيەن ناھىيەسى شۈيكو يول ئېغىزىدىكى ئانا بالىلار دوختۇرخانىسىغا يېقىن ئەتراپتا، بىر موماينىڭ ئۈچ چاقلىق ھارۋىنى ھەيدەپ بىر قىز بوۋاقنى 10 مىڭ يۈەن باھادا ساتىمەن دەۋاتقانلىقىنى، نۇرغۇنلىغان ئاممىنىڭ ئۇلارنى ئورىۋالغانلىقى توغرىسىدىكى دېلو مەلۇماتىنى تاپشۇرۇپ ئالغان.     ساقچى جىخۇشىن مۇنداق دېدى: شۇ چاغدا ناھايىتى ھەيران قىلىپ ئەترەتتىكىلەرنى باشلاپ نەق مەيدانغا يېتىپ بارغاندا، ئۇ ئايال بىزنى كۆرۈپ قاچتى. بىز يېتىشىپ بېرىپ ئۇنىڭ ھارۋىسىدا ھەقىقەتەن تۆت ئايلىقتىن ئاشقان بىر قىز بوۋاقنىڭ يىغلاپ ياتقانلىقىنى، ئۇنىڭدىن سىرت يەنە بىر ئالتە ياشلار ئەتراپىدىكى بىر ئوغۇل بالىنىڭ بارلىقىنى كۆردۇق دېدى.      شۇ چاغدا ساقچىلار موماينىڭ قېشىغا بېرىپ، ئىككى بالا سىزنىڭمۇ دەپ سورىغاندا، ئوغلۇم ئاجرىشىپ كېتىپ، ئۆزى يالغۇز بېقىشقا ئامالسىز قالغانلىقتىن بىرسىنى سېتىۋەتمەكچى بولغانلىقىنى ئېيتتى. موماي جامائەت خەۋپسىزلىك ئىدارىسىگە ئېلىپ كېلىنگەندىلا راست گېپىنى قىلىپ ئۆزىنىڭ فامىلىسىنىڭ ليۇ ئىكەنلىكىنى، ئوغۇل بالىنىڭ ئۆزىنىڭ نەۋرىسى ئىكەنلىكى، قىز بوۋاقنى تېپىۋالغانلىقىنى ئېيتتى.      ئۇنىڭ ئېيتىشىچە، ئۇ شۇ كۈنى ئەتىگەنلىك تاماقنى يېگەندىن كېيىن،ئۈچ چاقلىق ھارۋىسىنى ھەيدەپ دۇڭجياڭ يول ئېغىزىدا ئەدىيالغا يۆگەكلىك قىز بوۋاقنى ئۇچرىتىپ ئۇنى ھارۋىسىغا سېلىپ، بۇنداق ئوماق قىز بوۋاقنى چوقۇم ياخشى باھادا ساتقىلى بولىدۇ دەپ ئويلاپ ئۇدۇل بازارغا كېلىپ بوۋاقنى ساتىدىغانلىقىنى ئېيتقان. جىن خۇشىن بۇ بوۋاقنىڭ ئاتا ئانىسىنى تاپالىساقلا، ئاندىن ھەقىقىي ئىش ئايدىڭلىشىدۇ.شۇنىڭ ئۈچۈن بۇ موماينى قانۇن بويىچە تۇتۇپ تۇرۇش كېرەك دەيدۇ. بوۋاق ئىلىپ كېلىنگەندە قورسىقى ئاچقانلىقىدىن توختىماي يىغلايتتى. ئايال ساقچى لى ۋېيلى سۈت پاراشوكى ئەكېلىپ بەرگەندىن كېيىن، بوۋاق ئاندىن يىغلاشتىن توختىدى.ئەھۋالنى ئېنىق سورىغاندىن كېيىن، ئايال ساقچىلار بۇ بوۋاقنى دوختۇرخانىغا ئاپىرىپ تەكشۈرتۈپ سالامەتلىك ئەھۋالىنىڭ ناھايىتى ياخشىلىقى ئېنىقلاندى. سۇيشيەن ناھىيىلىك ساقچى تەرەپ جەمئىيەتتىكى ھەر قايسى ساھەلەرنىڭ يىپ ئۇچى بىلەن تەمىنلىشىنى، بۇ بوۋاقنىڭ ئاتا-ئانىسىنى تېپىلىشى ئۈچۈن ياردەم قىلىشىنى مۇراجىئەت قىلدى.

nifit

	ئەگەر مەن كۆرسەم چوقۇم خەۋىرىنى بىرىمەن .

qalikux

	ئاللاھ ......پەرزەنىتلىرىمىزنى قارا نىيەتلەردىن  ساقلىغىن ........................................

kargay

	ئۇنداق تۇۋلاپ ساتدىغان بەسەي بۇلمىسا بۇ،،،،ۋۇي  قانۇنى ساۋادى تۇۋەن ،ئەخلاق -پەزىلىتى ناچار دۇت مۇماي !

nargiz

	ھەي بىچارە بوۋاق ، يېقىنراق بولغان بولسا مەن بېقىۋالاركەنمەن

ＫＡＰＩＴＡ

	ئۇچرىغانلا نەرسىنى ساتىدىكەندە!. بۇ مۆماي ياش ۋاختىدا قايسى كەسىپ بىلەن شۇغۇللانغان بۇلغىيتتى؟؟؟؟؟

munawar

	نىيىتىڭ قارىلىقىغا قاراڭلار   ئاللا ھەممىمىزنى بالىلىرىمىزغا قاندۇرغاي.

uygari

	بۇ موماي قانوننىڭ جازاسىغا تارتىلىشى كېرەك ، چۈنكى ئۇ بوۋاقنى ساقچى ئورۇنلىرىغا تاپشۇرۇپ بەرمەي ،بەلكى نەپسانىيەتچلىك قىلىپ پۇلغا ساتماقچى بولغان .

ئالما

	بۇ موماي باشقڭلارنىڭ بالڭسىنى ساتقۇچە ئۆزىنىڭ نەۋرىسنى سېتىۋەتسىچۇ كاشكى، شۇ ۋاقىتتا باشقىلارنىڭ ھېسسىياتىنى چۈشەنگەن بولاتتى بۇ نائەھلى!