ئۈزۈلۈش

gayrat

	ئۈزۈلۈش   مەن سىنىڭ ئاشۇ غۇنچە بويلىرىڭنى بۇرۇنقىدەك  سۇڭەكلىرىڭ غىرىسلىغۇدەك تەرەزدە باغرىمغا چىڭ بىسىپ،ئەتتىرگۈل بەرگىدەك قىپقىزىل لەۋلەرەڭگە تەشنالىق ئىلكىدە  تاتلىق ــ تاتلىق ، ئۇزۇندىن ــ ئۇزاق قاتتىق سۈيەلمىدىم.   خىنا ياققان قىزغۇچ قىسقا چاچلىرىڭ ئىچىگە قاڭشارلىق بۇرنۇمنى پاتتۇرۇپ چاچ ھىدىڭنى،بۇيۇنلىرىڭدىن تاراۋاتقان مىنى مەسخوش قىلغۇچى تەن ھىدىڭنى پۇرىيالمىدىم.   ئاچچىقلانغاندا پەيدا بۇلىدىغان ،چىرايلىق پىشانەڭدە زاھىرتاجىگۈلنىڭ پۈرۈملىرىسىمان، تۈرلۈشلەر ئاستىدىكى ئاھۇلىرىڭغا ئۈپەلمىدىم.   سىنىڭ بارلىق گۈزەللىكلىرىڭنى قارچوغلىرىمغا ئورنىتىۋىلىش ئۈچۈن كۆزلىرىمنى چوڭ ئېچىپ،قاراقلىرىم سۈمۈرۈپ كەت   كۈدەك ھالدا ئۇزاقراق قاراش ماڭا نىسىپ بولمىدى.   نەۋاخىتتىكىدەك سىنىڭ بارلىق گۈزەل ھالىتىڭ بىلەن ۋۇجودىمغا، تەنلىرىم ئچىگە كىرگۈزىۋىلىپ زارىققان ــسېغىنغان چاغلىرىمدا ئۆزۈمدىن تارتىپ چىقىرىپ مۇڭدىشىشنى ، سىردىشىشنى ئويلايدىغان تۇيغۇلار بولمىدى.   نەۋاخىتتىكىدەك قوللىرىمىز قىيالمىغان ھالدا ئاستا - ئاستا سوزۇلۇپ - سۈرۈلۈپ بىرـ بىرىدىن تاكى بارماقلىرىمىز ئۇچلىرى تامان سۈركىلىپ  ئايرىلىشنى خالىماي قالغاندەك تىگىشمىدى.   ــ خوش،ئامان بولغىن . ــ دىگىنىڭچە بىر خىللا يەڭگىل قەدەملەر بىلەن كىتىپ قالدىڭ. قاراقلىرىم ئاشۇ غۇنچە بويلىرىڭ ،بارلىق گۈزەل ھالەتلىرىڭ بىلەن ئۈنسىز خۇشلاشتى.   ئۆزۈممۇ بىلمەي قالدىم،شۇ قەدەر ئېچىنىش بىلەن ئۈكسىدىمكى، ئۈكسىشىمدىن پۈتۈن ھۇجودىم لەرزىگە كىلىپ ،ئۆكسىشىم دىڭىز تاشقىنلىرىدەك شىددەت بىلەن تەنلىرىمگە ياق پۈتۈن بەدىنىمگە يىپىشىپ تۇرغان كىيىمسىمان تېرىلىرىمگە ئۇرۇلدى.   قەلبىم شۇنداق دەھشەت چوقان كۈتۈردىكى يەر - زىمىن،كۆك - ئاسمان بىر - بىرىگە سۇقۇلدى.ھەممە نەرسە كۈكۈم - تالقان بۇلۇپ جىمى ئالەم زۇلمەت ئىچىگە غەرىق بولدى.ئۇيەردە پەقەت كۆز ئالدىمدىكى چىكىتسىمان سەن بىلەن مەن قالغان ئىدىم. ئۇزاپ كىتىۋاتقان چىكىتسىمان سەن تېخىمۇ كىچىكلەپ غايىپ بولدىڭ.   مەن يەككە - يىگانە قالدىم.ھىچكىم يوق ئىدى. دەشتى - باياۋاندىكى ئالۋۇندەك. ياش پەردىلىرى زەئىپ،گۈنسىزقاراقلىرىمنى تۇسۇپ،ئالدىمدىكى رەستە - دۇكان،ئادەملەر ئورمىنى،كۆپكۈك مۇزدەك سوزۇلغان يول،دەل - دەرەخ ،ئۈتۈۋاتقان ماشىنىلار،نېرىراقتىكى ۋىناسسىمان ئۈزۈك بىلەك تىلەمچى،ئالدىمدىكى مايلامچى بالا...كۆرۈنمەي قالدى.   تۇرغان ئورنۇمدا روھتىن ئايرىلغان تىنىم ئۈششۈك تەككەن ئاخىرقى ياپراقتەك غال - غال تىترەيتى.قىستىلىپ كېتىۋاتقان ئادەملەر توپىنىڭ مۈرىلىرى مۈرىلىرىمگە ئۇرۇلغاندا، ئۆزۈمنىڭ ھىلىقى ۋىناسسىمان ئۈزۈك بىلەك تىلەمچىدىنمۇ بەتتەر ھالدا ئىكەنلىكىمنى ھېس قىلدىم.   شۇنداق سەن كەتتىڭ ئاق لالەم......                                سۇقۇلۇشتى يەر بىلەن ئاسمان،                               غايىپ بولدى ئاھ''كوللى جاھان``                               ئەمدى پۈچەك ،شاكال ۋۇجودىم،                              ھوۋلاپ قالدى قەلبىمدە بوران.                              كىتىپ قالدى ''روھلىرىم كارۋان``

HasGul__哈思古

	سۇقۇلۇشتى يەر بىلەن ئاسمان،                               غايىپ بولدى ئاھ''كوللى جاھان``                               ئەمدى پۈچەك ،شاكال ۋۇجودىم،                              ھوۋلاپ قالدى قەلبىمدە بوران.                              كىتىپ قالدى ''روھلىرىم كارۋان``