ئىچكىرىدىكى قوي قېرىنى ساتىدىغان قارا ئۇۋا 
خەلقئارا ئاخبارات لىنىيەسى : 2012- يىلى 5- ئاينىڭ 25- كۈنى چۈشتىن بۇرۇن سائەت 6 لەر ئەتراپىدا ، مۇخبىر خاڭجۇ بىڭجىياڭ رايونى شىشىڭ بازىرى چىجىياجا كەنتى 2 - گۇرۇپپىسىكى بىر كىچىك " كارخانا " نى يوشۇرۇن زىيارەت قىلدى ؛
بۇ " كارخانا " بىر ئەخلەت دۆۋىسىنىڭ يېنىغا جايلاشقان بولۇپ ، ئەتراپ سېسىق پۇراققا تولغان ئىدى ؛ مۇخبىر ئىشىكىنىڭ قىيا ئۇچۇق يېرىدىن ئىچىگە قاراپ ھەيران قالدى ؛ بىر ئەر كىشى قولىغا پەلەي كىيمەي ، ماسكىمۇ تاقىماي ، بىر قوي قېرىنىنى مەينەت بىر سىمونت لاي بىلەن ياسالغان كۆلچەكتىن ئېلىپ ئاقارتقۇچ سېلىنغان سۇيىنى سىقتى ؛ بۇ سىمونت كۆلچەكىنىڭ ئەتراپى ئىنتايىن مەينەت بولۇپ ، پاقا لەشلىرى كۆلچەك ئەتراپنى بېسىپ كەتكەن ؛ بۇ ئەر كىشى قېرىننى يەنە بىر سۇ ئىدىشىنىڭ يېنىغا ئاپىرىپ يەرگە تاشلاپ ، پۇتىدىكى يامغۇرلۇق ئايىقى بىلەن بىر قانچىنى دەسسەپ بولۇپ ، سۇ ئىدىشىغا تاشلىدى ؛ بۇ ئىدىشتىكى سۇمۇ ئىنتايىن مەينەك بولۇپ ، ماي ئۆرلەپ تۇراتتى ؛ مۇخبىر بۇ " كارخانا " دىن چىقىۋاتقان سېسىق پۇراققا چىدىيالمىدى ؛
مۇخبىر يوشۇرۇن كۆزىتىۋاتقاندا بىر بۆرە ئىت قاۋاپ كەتتى ؛ بۇ ئىتى مەخسوس بۇ " كارخانا " نىڭ "مەخپىيەتلىك" كىنى ساقلايدىغان ئىت بولۇپ ، مۇخبىرنىڭ كەلگەنلىكىنى كۆرگەن بۇ ئەر كىشى ئازراق تەمتىرەپ قالدى ؛ مۇخبىر ئۇنىڭدىن بۇ " كارخانا " غا ئائىت سورىغان سوئاللىرىنىڭ ھەممىسى جاۋاپسىز قالدى ؛
مۇخبىر تەپسىلىي كۆزىتىش ئارقىلىق بۇ " كارخانا " نىڭ ئومومىي كۆلىمىنىڭ 50 كۇۋادىرات مىتىرلىق ئۆي بولۇپ كەينىدە يەنە تەييارلانغان قېرىنلارنى توشۇيدىغان كىچىك بىر يۈك ئاپتوموبىلى يەنە كىچىك بىر ئېغىز ئۆي ، ئۆينىڭ ئىچىدە مۇزلاتقۇ قۇيۇلغانلىقىنى كۆردى ؛ مۇخبىر بۇ مۇزلاتقۇنىڭ ئىچىدىكى سۇلياۋ خالتىلارنى كۆرۈپ تېخىمۇ ھەيران قالدى ؛ چۈنكى بۇ خالتىغا ئاقارتىلغان قېرىن سېلىنغان بولۇپ ، بۇ خالتىلارنى ئۇلار ئەتراپتىكى ئاشخانىلارغا ئۆتكۈزۈپ بىرەتتى ؛ ئاشخانىلار بۇ " كارخانا " پىشىقلاپ ئىشلەپچىقارغان قېرىنلاردا " بوسو قوي قېرىنى " قورۇيتتى ؛ بۇ قېرىننىڭ قانداق پىشىقلاپ ئىشلەنگەنلىكىنى بىلمەيدىغان خېرىدارلار بۇ " بوسو قوي قېرىنى سەي" نى مەززە قىلىپ يەيتتى ؛
مەنبەسى : خەلقئارا ئاخبارات لىنيىسى
| 
يوللىغان ۋاقتى 2012-5-30 10:32:18
