ئەرلەر ياقتۇرىدىغان ئاياللار

ئايتۈرك2

	ئەرلەر ياقتۇرىدىغان ئاياللار    ھەر بىر ئەرنىڭ ئوبيېكىت تاللاش ئۆلچىمى ئوخشاش بولمايدۇ، بىراق بىر خىل ئاياللار ھەمىشە ئەرلەرنى جەلىپ قىلىدۇ. ئەنگىلىيە «ساغلاملىق ۋە مۇھەببەت» ژۇرنىلى مىڭلىغان ئەرلەرگە قارىتا تەكشۈرۈش ئېلىپ بېرىپ، ئاياللارنىڭ ئەرلەرنى جەلىپ قىلىشتىكى بەزى ئالاھىدىلىكلىرىنى خۇلاسىلەپ چىقتى.    1. ئۆزىگە ئىشىنىش: ئەرلەر كۆپىنچە بېشىنى ئىگىز كۆتۈرۈپ، مەردانە قەدەم تاشلايدىغان، سۆزلىگەندە كۆز ئىپادىسى بىلەنمۇ پىكىر ئالماشتۇرالايدىغان ئاياللارنى ياقتۇرىدۇ. ئۆزىنىڭ سىرتقى قىياپىتى ۋە ئىقتىدارىغا نىسبەتەن ئىشەنچ قىلالىسا، ئەرلەر ئىچ – ئىچىدىن بۇنداق ئاياللاردىن ھوزۇرلىنىدۇ، گەرچە ئاياللار بەزىدە بىخەتەرلىك تۇيغۇسى كەمچىل بولۇش تۈپەيلى ئەرلەرگە تايىنىپ، ھېسسىياتىنى ئىپادىلىسىمۇ، بىراق ھەمىشە ئۆزىگە ئىشەنچ قىلالمىسا، ئەرلەرنى زېرىكتۈرۈپ قويىدۇ.    2. رەتلىك، پاكىزە، كىيىملىرى يارىشىملىق بولۇش: ئاياللارنىڭ سىرتقى قىياپىتى ئەرلەرنى جەلىپ قىلىشتىكى ئەڭ ئىپتىدائىي ئامىل. قارىماققا رەتلىك، پاكىزە بولۇش ئەڭ ئاساسى تەلەپ بولۇپ، ئۇنىڭدىن قالسا، كىيىم – كېچەكلىرى يارىشىملىق بولۇشى، ھەددىدىن زىيادە ئوچۇق – ئاشكارە بولماسلىقى كېرەك. قاپقارا ئۇزۇن چاچلار، لاتاپەتلىك تەققى – تۇرۇق ھەمىشە ئەرلەرنى مەپتۇن قىلىدۇ.    3. كۈلۈمسىرەش، ئۈمىدۋارلىق، ئاكتىپلىق: نۇرغۇنلىغان ئەرلەر مىجەزى ۋە سىرتقى قىياپەت جەھەتتىن خاپىغان كۆرۈنىدىغان، كەسكىن ئاياللار بىلەن تۇرمۇش كەچۈرۈشنى ئانچە ياقتۇرۇپ كەتمەيدۇ. ئۆزى ئۇنى كۈلدۈرمەكچى بولغاندا، كۈلۈمسىرەپ تۇرۇشىنى، بىرلىكتە ھوزۇرلىنىشىنى خالايدۇ، ئەرلەرنىڭ كۆڭلىدە ھېلىقىدەك پاسسىپ، ھەممىنى ئىنكار قىلىدىغان ئاياللارنىڭ جەلىپ قىلىش كۈچى مەڭگۈ ئۈمىدۋار، تۇرمۇشقا ئاكتىپ پوزىتسىيە تۇتىدىغان ئاياللارغا يېتىپ بولالمايدۇ.    4. مۇۋاپىق مۇستەقىلچانلىق: نۇرغۇنلىغان ئەرلەرگە نىسبەتەن ئېيتقاندا، مۇستەقىللىقمۇ بىر خىل كىشىنى جەلىپ قىلىدىغان ئالاھىدىلىك، ئەرلەرمۇ ئاياللارنىڭ مۇۋاپىق رەۋىشتىكى تۇرمۇشى ۋە بوشلۇقى بولۇشنى ياقتۇرىدۇ. ئەگەر ئاياللار ئەرلەرنى ئۆزىنىڭ بارلىقى دەپ ھېسابلىسا، ئەرلەر ئەركىنلىكىنى يوقىتىپ قويۇشى مۇمكىن.    5. كىشىنىڭ كۆڭلىنى چۈشىنىش، ئادەم كۈتۈشنى بىلىش: ئاياللار يولسىزلىق بىلەن جىدەل چىقىرىشتىن ھەزەر ئەيلىشى كېرەك. ھەر بىر ئەر كىشى ئۆزىنى قوللايدىغان، چۈشىنىدىغان ھەمراھىنىڭ بولۇشىغا ئىنتىزار بولىدۇ. ئەرلەر يەنە ئەرلەرنى كۈتۈشنى بىلىدىغان، بەزى تاتلىق خۇلقى بار ئاياللارنى ياقتۇرىدىغانلىقىنى ئوچۇق بىلدۈرگەن. مەسىلەن، كىر – قاتلىرىنى يۇيۇپ بېرىش، كىيىملەرگە دەزمال سېلىش، ئۆزىنىڭ تاماق يىگەن ياكى ئەمەسلىكىنى سوراپ تۇرۇش قاتارلىق بەزى سۆز – ھەرىكەتلەردىن ئەرلەرنىڭ كۆڭلى مىننەتدار بولىدۇ. ئەرلەر ئاياللارنىڭ غەمخۇرلىقىغا ئېرىشكەن چاغدا، تۇرمۇش شۇنداق گۈزەل بىلىنىدۇ.    6. گەپ – سۆزدە يېتىلگەن بولۇش، لايىقىدا گەپ قىلىش: بالىلارنىڭ ئاچچىق قىلىپ ئېيتقان سۆزلىرىمۇ بەزىدە كىشىگە شۇنداق ئوماق بىلىنىدۇ، بىراق ئەرلەر ئادەتتە پىشقان، قائىدە – يوسۇنلۇق سۆزلەيدىغان ئاياللارنى ياقتۇرىدۇ. بەزى سورۇنلاردا گەپ – سۆزنى لايىقىدا قىلىشمۇ ئەرلەرنىڭ مەسىتلىكىنى قوزغايدۇ. ئەگەر ئاياللار ھەمىشە قوپال، قاتتىق بولسا، مۇقەررەر ھالدا ئەرلەرنىڭ ياقتۇرۇشىغا ئېرىشەلمەيدۇ.    7. قوللاشنى ۋە كۆڭۈل قويۇپ ئاڭلاشنى بىلىش: ئەرلەر ئۆزىنى قوللايدىغان ئاياللارغا يولۇقۇشنى ئارزۇ قىلىدۇ، بولۇپمۇ ئۇلار بىر مەزگىللىك ئۇزاققا سوزۇلغان مۇناسىۋەتنى تەرەققىي قىلدۇرماقچى بولغان چاغدا، بۇنداق بولۇشىنى تېخىمۇ ئارزۇ قىلىدۇ. ئەرلەر ئاياللارنىڭ ئۆزىنىڭ ئىشلىرىنى كۆڭۈل قويۇپ ئاڭلىشىنى، قىيىنچىلىققا يولۇققاندا، سوغۇق پوزىتسىيە تۇتماي، مەسخىرە قىلماي، ئەكسىچە مۇۋاپىق بولغان تەكلىپ بېرىپ، ئۆزىنى قوللىشىنى ۋە بۇ ئارقىلىق، يۇشۇرۇن ئىقتىدارىنى قوزغىتىشىنى تېخىمۇ ئارزۇ قىلىدۇ.    8. مۇۋاپىق جىنىسي تۇرمۇشتىن ھوزۇرلىنىش: ئاياللار تۇغۇلىشىدىن تارتىپلا ئىزا  - نومۇسلۇق، تارتىنچاق بولىدۇ. بىراق مۇۋاپىق بولغان جىنسىي ئالاقىدىن ئېرى بىلەن بىللە ھوزۇرلىنىشىنى بىلىدىغان نىكاھلىق ئاياللار ئەرلىرىنىڭ كۆڭلىنى تېخىمۇ ئوڭايلا ئۇتالايدۇ ھەم ئەرلىرىنىڭ كۆڭلىنى رام قىلالايدۇ. تەرجىمە قىلغۇچى: ئالىمجان نەسىردىن

爱你一万年?????

	بۇلارنىڭ ھەممىسى نەق مىنىڭ كۆڭلۈمدىكىدەك ئاياللاركەن رەخمەت  تىمىڭىزغا

qiryaogli

	ياخشى  ئەسەركەن

tarkan

	ياخشى  ئەسەركەن.رەخمەت  تىمىڭىزغا.

nifit

	قالتىس ئەسەر ئىكەن .

tuman

	ياخشى ئىكەن .....لىكىن مەن ياخشى كۇرىدىغان  ئاياللار يوقكەن¬!

skod

	شۇنداقمىدۇ؟

Мê

	tuman يوللىغان ۋاقتى  2012-5-28 23:41 ياخشى ئىكەن .....لىكىن مەن ياخشى كۇرىدىغان  ئاياللار يوق ... سىز قانداق ئاياللانى ياخشى كۆرەتتىڭىز

munawar

	نەق  توغرا ئېيتىلغان گەپلەر ئىكەن مەن ئەر بولغان بولساممۇ شۇنداق ئاياللارنى ياخشى كۆرگەن بۇلاتتىم.