ئەمەلدارلارغا ئۆچمەنلىك نەدىن كېلىۋاتىدۇ
ھازىر خەلق تاپشۇرغان باجنى خەجلەپ چىرىكلىشىۋاتقان بەزى ئەمەلدارلار ۋە بازار ئىگىلىكدە توساتتىن بېيىپ كەتكەن پۇلدارلار جەمىيەتتە غۇلغۇلا نۇقتىسىغا ئايلىنىپ قېلىۋاتقانلىقى ھەممىگە ئايان . جەمىيەتتە بەزى ئەمەلدارلار ۋە پۇلدارلارغا ئۆچمەنلىك بىلەن قارايدىغان كەيپىيات مەۋجۇت ئىكەنلىكىنى ئىتىراپ قىلماي بولمايدۇ . چۇنكى بۇنىڭ ئۆزىگە چۇشلۇق سەۋەبى بار .
1 - ئىجارىكەشلىك :
ھازىر بەزىدە دۆلەت ھوقوقى بازاردىن ئىجارە يىغىدىغان، ھەتتا ئاكتىپلىق بىلەن ئىجارە پەشتاقلىرىنى تەسىس قىلىپ تىجارەتچىلەردىن ھەق تەلەپ قىلىدىغان بولۇپ قالدى . دۆلەت مۇپەتتىش مەھكىمىسىنىڭ دۆلەت كارخانىلىرى ، كەسپى ئورۇنلارنىڭ كىچىك خەزىنە لىرىنى تەكشۈرگەندە ئايان بولغان نەتىجە ئىجارىكەشلىك ئەھۋالىنىڭ ئۇمۇميۇزلۈك مەۋجۇتلىقىنى ئىسپاتلاپ بەردى . شاڭخەيدىكى ئەمەلدارلارنىڭ كوللىكتىپ ئۆي سېتىۋالغاندا ئىتىبار قىلغان سومما 500 مىڭ يۇەندىن 1 مىليون يۇەنگىچە بولغانلىقى كىشىنى چۆچىتىدۇ . ھۆكۈمەتنىڭ ئاۋامدىكى ئىشەنچ دەرىجىسى گۇمان قوزغايدۇ .
2 - ئۈچ ئۇمۇم نىڭ پۇلى مەسلىسى .
جامائەت ئۈچۈن مۇلازىمەت قىلىدىغان مەمۇرلارغا مائاش بېرىش ئەقەللىي ئىش ، ئەمما 900 مىلياد يۇەن سەرپ قىلىنغان ھۆكۈمەت پۇلىغا يەپ-ئىچىش ، چەتئەلگە ئوقۇشقا چىقىش ، ھۆكۈمەت پۇلىغا سېتىۋېلىنغان پىكاپلارنى ئىشلىتىش ھۆكۈمەتنىڭ مائارىپ ۋە نامراتلارنى يۆلەشكە سېلىۋاتقان مەبلىقىگە قارىغاندا ئاسمان زىمىن پەرق شەكىللىنىدۇ . خەلقنىڭ چاكىرى خەلقنىڭ پۇلىنى خەجلەپ خاندەك ياشايدىغان ، يېنىغا بىر تىيىن سالماي خالىغان يەردە ھەقسىز ئىسىل مۇلازىمەتلەردىن بەھرىمەن بولىدىغان ، مۇبارەك ئىمزاسى بىلەن ھېسابات قىلىدىغان ، ئىشخانىسىدىن تۇرالغۇسىغۇچە يۇلتۇز دەرىجىگە توشىدىغان ، مۇشۇنداق تۇرۇقلۇقمۇ يەنە مەسئۇلىيەتسىزلىك قىلىدىغان ، پارا ئالىدىغانلىقىنى كۆرۈپ تۇرىۋاتىمىز ، ئاۋام يەنە غەزەپلەنمەسلىكى مۇمكىنمۇ ؟
3 - ئەمەلدارلارنىڭ يالغۇز قېلىشى .
ھۆكۈمەت ۋە دۆلەت كارخانىلىرى ئەمەلدارلىرى ئىچىدە مۇنداقمۇ بىر ئەھۋال بار : بەزى ئەمەلدارلار دۆلەت ئىچىدە ئەمەلدارلىقىنى قىلىپ ئائىلە ئەزالىرىنى جۇڭگو بىلەن ئۆتكۈزۈپ بېرىش كىلشىمى تۈزۈشمىگەن كانادا ۋە فىرانسىيەنىڭ جەنۇبى ، ئامېركا ، ئاۋىستىرالىيە قاتارلىق جايلارغا ئورۇنلاشتۇرىدۇ . نىمىشقا دەمسىز ؟ جاۋابى ئاددىي ، ئۇلار پارىخورلۇق قىلمىغان تەقدىردىمۇ ، نان بېرىۋاتقان ۋەتىنىگە تولۇق ئىشەنچىسى يوق ، ئۇلارغۇ ئۆزلىرىگە چىكىنىش يولى ھازىرلاپ قويۇپتۇ ، پۇقرالار نەگە بارىدۇ ؟
4 - نامراتلاردىن نىسىۋە تالىشىش .
بەزى جايلاردا شۇنچە مال-دۇنيا ۋە نوپوزغا ئىگە تۇرۇپمۇ ھەشەمەتلىك پىكاپلىرىنى ھەيدەپ ئەرزان ، ئىتىبار باھالىق ئۆيلەرنى سېتىۋېلىشقا بارىدىغان پۇلدار ، نوپوزلۇق ئەربابلارنى ئۇچرىتىپ تۇرىۋاتىمىز .
5 - ئاۋامنى ئالداش ، قورقۇتۇش .
قائىدىگە خىلاپ ئاپتوموبىل ھەيدەپ باشقىلارنى زەخمىلەندۈرۈپ مەن پالانچى باشلىقنىڭ ئۇندىقى - مۇندىقى دەيدىغان ، شەھەرنى ئۆزگەرتىش ۋە كۆكەرتىش قالپىقىنى كىيىۋېلىپ ، پۇقرالارنى يەر ، ئۆيلىرىنى ئېلىۋېلىپ ھەسسىلەپ پايدا ئالىدىغانلارمۇ ئاز ئەمەس ،،،
6 - ساختىلىق قىلىش .
ئەمەلدارنىڭ دېلوسى ساختا بولۇش ، كارخانا تەشۋىقاتى ساختا بولۇش ، مەھسۇلات سۈپىتى ساختا بولۇش ، پاي بازىرىدا ساختىلىق قىلىش ،،، مالىيە ھېساباتى ساختا بولۇش ،،، زەنجىرسىمان ساختىلىقلار ئەتراپىمىزدا قەدەمدە بىر .
مەنبە : قانۇنچىلىق گېزىتى
يوللىغان ۋاقتى 2012-5-27 21:40:00
