|
كۈلۈپ كەتتىم تاتلىق بەك تاتلىق ،
سەن ئەۋەتكەن ئۇچۇرنى كۆرۈپ.
ئۇچۇپ كەتتى ھىسلىرىممۇ ھەم ،
سەن كەتكەن شۇ ياقلارغا قېيىپ.
خىياللىرىم قوندى بىلەمسەن،
قەلبىڭدىكى نازۇك ھىسلارغا،
يۇقاپ ھەممە تىپتىنىچ شۇئان،
مەستخۇش بولدى مەشۇقتەك گۇيا.
مەن قەلبىڭگە قونغان بۇ كېچە،
بۇ دۇنيادىن ئايرىلدۇق تامان.
گۈللەر پۈركۈپ تاتلىق ھىدىنى،
يول بەردىغۇ بۇلۇپ خىرامان.
چۈشلىرىمدە ئاپئاق بىر گىياھ،
ئەللەيلىدى ھىسلىرىمنىمۇ.
قونۇپ باراي ھەركۈن ھەر كېچە،
سېغىنىشلار ئۆچمەي تۇرسىچۇ؟
يۈرىكىگە باسقىن سەن شۇچاغ،
قېنىۋالسۇن بۇ تەشنا يۈرەك.
چۇقۇم يەنە يىغلايدۇ بەلكىم،
ئىچ ئىچىدىن ئۆرتىنەر ھەسرەت.
چۈنكى كىلەر جۇدالىق بەك تىز،
سۈكۈت قىلاي بۇنىڭغا لېكىن .
سېغىنغاندا تۆكۈپ لىرىكا،
مۇڭغا چۆكسەم كېلىسەن يېقىن.
تۇلۇن ئايلار بولسۇن ھەم گۇۋاھ،
سېغىنىشىم يەتتى پەلەككە.
جىمىرلىدى يۇلتۇزلارمۇ ھەم،
يەتكىن دىدى سەن شۇ تىلەككە. 
سەن گويا بىر يايلاق ماڭا ئېچىلغان
سەن گويا بىر يايلاق ماڭا ئېچىلغان،
تاقلاپ يۈرگۈم بار بەھۇزۇر شۇنچە.
ئىپارلارنى چېچىپ كىيىكتەك،
مەستخۇش قىلاي سېنى مەڭگۈگە.
قۇرام تاشتا تورار سېرىن گۈل،
بەرگىلىرى شۇنچە خۇشپۇراق.
ئۈزۈپ سالما نىھايەت ئۇنى،
چۈنكى ئۇ بىر ياۋا گۈل بىراق.
يايلىغىڭدا يايرىسۇن جېنىم ،
لالىزارھەم چىمەنلا پەقەت.
گۈلشەندىكى ئاشىق لالىنى،
ئۈزىۋالغىن ئۇ تاتلىق قەۋەت.
تاتلىق تۇيغۇلار
يۈرەكلىرىم قاغجىراپ شۇدەم،
نەزەر سالدىم گىرىمسەن يولغا،
ئاۋۇندۇرۇپ قەلبىمنى شۇئان،
يۇلتۇزلارمۇ چۆكەتتى ئويغا.
شاۋقۇن سۈرەن بېسىپ ئارقىدىن،
شامال سەندىن خەۋەر بېرىدۇ.
قاناتلىرىم پەرلەپ قۇشلاردەك ،
سەن جانىمغا قۇچاق ئاچىدۇ.
غىدىقلايدۇ قەلبىمنى سايەڭ،
تاتلىققىنا تۇيغۇدا ئېغىر.
خىيالىمغا بۇلۇپ نۇر زىياھ،
چۈكۈپ كېتەر ھەجەپ بىر سېھىر.
مەن دىۋانە ئىدىم ئەسلىدە،
بېرىپ كەلدىڭ ماڭا سەدىقە .
پىچەتلەنگەن قەلبىم تۇيۇندى، بۇلۇڭلاردا چاڭقاپ يۈرگەندە.
| 
يوللىغان ۋاقتى 
