تاماشا

ئەركيار

	تاماشا مەقسۇت ئەمىن ئەركيار تېرە كىيگەن تۈلكىلەر يايما يېيىپ تاماشا، ساختا مەيدە، ساختا لەۋ، ساختا كەيپ – تاماشا. تۇرۇپ قالدىم جاناننىڭ ئىشىكىگە يۆلىنىپ، يىغلاپ ئېيتقان سۆزىگە بېشىم قېيىپ، تاماشا... كىملا ئېيتسۇن قۇرۇق گەپ، بۇ پەلەكنى تەتۈر دەپ، ئادىمىنىڭ خۇيىدا ئەسلى ئەيىپ، تاماشا. باغلارۋەيران، كۆزلەر نەم، ۋاپاسىزلىق دەردىدە، ئۆزۈم يالغۇز قايتماققا ئوڭ - سول تېيىپ، تاماشا. ھىجرانلارغا سۆز بارمۇ، ماڭا باقار كۆز بارمۇ، «سۆيگۈ» ئاتلىق ئېگەردە بەل مۈكچىيىپ تاماشا. كىم تۆلەيدۇ ئەتىدە ياشلىقىمنىڭ قەرزىنى، چۇچۇل تەنگە سەرپاينى سىيپاپ كىيىپ تاماشا! مەنبەسى: شىنجاڭ يازغۇچىلار تورى