ئالاھىدە ئىمتاھان

kaplan19

	ئالاھىدە ئىمتاھان ھىندىستاندىكى بىر ئالى مەكتەپ مۇھىم ئىمتىھان ئالماقچى ئىكەن، لېكىن تۆت ئوقۇغۇچى ئىمتىھانغا باشقا ئوقۇغۇچىلارغا ئوخشاش جىددى تەييارلىق قىلماستىن  ، سىرتقا چىقىپ يېرىم كېچىگىچە ئويناپتۇ . ئۇلار ئەتىسى ئەتىگەندە ئىمتىھاندىن ئۆتەلمەسلىكتىن قورقۇپ ، ئۇيان-بۇيان ئويلىنىپ يۈرۈپ ئاخىر بىر ئامال تېپىپ چىقىپتۇ . ئۇلار ئاۋال ئۈستىبېشىغا لاي سۈركەپ ، ماكتەپ مۇدىرىنى .ئىزدەپ بېرىپ ،روھى چۈشكەن ھالدا ئۇنىڭغا تۈنۈگۈن كەچتە بىر دوستىنىڭ توي مۇراسىمىغا قاتناشقاندىن كىيىن ، ياناشىدا ئاپيوموبىلنىڭ چاقى تۇيۇقسىز ئېتىلىپ كەتكەنلىكىنى ، قېرىشقاندەك ئالماشتۇرغىلى ئارتۇق چاق بولمىغاچقا ، بۇ ئىمتىھانغا قاتنىشىش ئۈچۈن شېغىللىق يولدا ئاپتوموبىلنى بىر كېچە دېگۈدەك ئاران تەسلىكتە ئۈلگۈرۈپ كەلگەنلىكىنى ، لېكىن ھازىر ناھايىتى چارچاپ كەتكەنلىكتىن ئىمتىھاننى ياخشى بېرەلمەسلىكتىن ئەنسىرەۋاتقانلىقىنى   ئېيتىپتۇ . مەكتەپ مۇدىرى ئۇلارغا ئاۋال قايتىپ ئارام ئېلىپ ئۈچ كۈندىن كىيىن كېلىپ ئىمتىھانغا قاتنىشىشنى ئېيتىپتۇ .  ئۇلار ناھايىتى خوشال بولۇپ ئۆزلىرىنىڭ چوقۇم ياخشى تەييارلىق قىلىدىغانلىقىنى ئېيتىپ قايتىپ كېتىپتۇ .ئۈچ كۈندىن كىيىن مەكتەپ مۇدىرى تۆت ئوقۇغۇچىدىن .ئايرىم  -ئايرىم تۆت سىنىپتا ئىمتىھان ئاپتۇ. ئۇلار تولۇق تەييارلىق بىلەن ئىمتىھان مەيدانىغا كىرىپتۇ ،لېكىن ئىمتىھان قەغىزى تارقىتىلغاندىن كىيىن ئۇلار تولىمۇ ھەيران قاپتۇ . ئىمتىھان قەغىزىدە پەقەت ئىككىلا سوئال بولۇپ ، تولىمۇ ئاددى ، تولۇق نومۇر 100 ئىكەن .1- سوئال ئىسىم - فامىلىسىنى يېزىش بولۇپ ئىككى نومۇرلۇق ، 2- سوئال ئۈچ كۈن ئىلگىرىكى چاقى ئېتىلىپ كەتكەن ئاپتوموبىلنىڭ ئېتىلىپ كەتكەن چاقىنىڭ قايسىسى ئىكەنلىكى بولۇپ ، ئۇنىڭدا تۆت خىل تاللاش بار ئىكەن . 1- سول تەرەپ ئالدى چاقى ، 2- ئوڭ تەرەپ ئالدى چاقى ، 3- سول تەرەپ كەينى چاقى ،4- ئوڭ تەرەپ كەينى چاقى بولۇپ ، بۇسوئال 98 نومۇرلۇق ئىكەن .          بۇ سوئال ئاشۇ تۆت ئوقۇغۇچىنىڭ راستچىللىقىنى سىناش سوئالى ئىدى . گەرچە قارىماققا ناھايىتى ئاددىدەك قىلسىمۇ ، ئۇلارنىڭ ھېچقايسىسى بۇ سوئالغا توغرا جاۋاپ بېرەلمەيتتى  ، چۈنكى ئۇلار يالغان سۆزلەشنى مەسلىھەتلىشىۋالغاندا بۇنداق سوئال سورىلىپ قالسا ، قانداق جاۋاپ بېرىشنى دىيىشىۋالمىغانىدى . شۇنداق قىلىپ ئۇلارنىڭ ھېچقايسىسى ئىمتىھاندىن ئۆتەلمەپتۇ . مەنبە:ساخلىغانلىرىم

Castle

	ھاھا ...راستچىللىق تەشەببۇس قىلىمىز.

haltakoqa

	ئالدامچىنىڭ قۇيرىقى بىر تۇتام دە

@SL@M_三_MINI

	ھەقىقەتەن ئۆزگىچە ئىنتاھانكەن ،

zamzam

	دىمىسىمۇ ئاجايىپ ئىش بوپتۇ ھە. ھې ھې ھې...

123

	ئۇنداق قازانغا مۇنداق چۆمۈچ قىپتۇدە.

شاتۇت

	‹‹ئالدامچىنىڭ قۇيرىغى بىر تۇتام ››دىگەن شۇدە .

zamzam

	ماۋزۇدىكى ئىملا خاتالىقىنى ئوڭشاپ قويسىڭىزكەن قاپلانباي!

★Jackie★

	تازىلىق ئۆيىگە كىزگەندە تازىلىق قەغىزىنى بىرگە ئېلىۋېلىش كېرەكتە . دۆتلەر ، شۇنچىلىك ئىشنىمۇ قاملاشتۇرالمىغان . يالغانچىلىق باشلانغان چاغدىلا مۇھىم ھالقىنى تۇللۇق تەپسىلات بىلەن توقۇپ ، ئاۋال ئۆزىنى شۇ يالغانغا  ئىشەدۈرەلىسە ، ئاندىن ھېچقانداق چاتاق چىقمايدۇ . بۇمۇ ماڭا «كو........ـيە» ئۆگەتكەن دەرس ، ئىسمى «جىددى ئەھۋالغا تاقابىل تۇرۇش قابىليىتىنى ئۆستۈرۈش» .

ABDUREYIMJAN

	تەدان تۈلكە تۇنشۇقىدىن ئىلىنىدۇ ،دىگەن شۇدە