پۇشايمان

روك · ۋاقتى: 2015-9-18 12:01:22

ئالتە ياشلىق كەپسىز قىزچاق خۇشاللىقىدىن ئۆيىگە يېڭىلا سېتىۋالغان كىرىسلولارنى كېسىۋەتكەن ئىدى . ئىشتىن ھارغىن قايتىپ كەلگەن ئاتا قولىدا قايچا تۇتقان قىزىنى ۋە كېسىلگەن كىرىسلولارنى كۆرۈپ غەزىپى ئۆرلەپ ئۆزىنى تۇتىۋالالماي قالدى ، قىزىنى ئەدەپلەپ قويۇش ئۈچۈن ، قىزىنىڭ كىچىككىنە قوللىرىنى ياندىكى ئورۇندۇققا باغلاپ قويدى ۋە ھارغىن ئاتا ئاستا-ئاستا غەپلەت ئۇيقىسىغا غەرىق بوپ كەتتى ، تاڭ يورۇدى ، ئۇيقۇدىن كۆزىنى ئاچقان ئاتا ئورۇندۇققا باغلاپ تۇرغان قىزىنىڭ كۆكىرىپ كەتكەن جانسىز قوللىرىنى كۆرۈپ چۆچىدى ۋە دەرھال قىزىنى دوختۇرخانىغا ئېلىپ باردى ئەمما ئۇلار تولىمۇ كېچىككەن بولۇپ ، دوختۇرلار پەقەت ئوپىراتسىيە قىلىپ قولىنى كېسىشتىن باشقا چارە يوقلىقىنى ئېيىتتى ...
كىچىككىنە قوللار رەھىمسىز پىچاق تەرىپىدىن كېسىۋېتتىلدى...
قۇياش يەنە ئۆز پېتى ئاستا -ئاستا كۆتۈرىلىشكە باشلىدى ، ئاچچىق پۇشايمان ھەسرىتىگە تولغان ئاتا يەنە بىر ئائىلىنىڭ غېمى بىلەن سەھەردىلا ئۆيدىن ئايرىلىپ ئىشقا ماڭدى ، ئەمما پۈتۈن كۈن قىزىنىڭ كىچىككىنە كۆكىرىپ كەتكەن جانسىز قوللىرى كۆز ئالدىدىن ئەگىپ كەتمەيتتى . ئاخشام بولدى ، ئاتا تاغ يۈدۈۋالغاندەك ئېغىر قەدەم بىلەن ئىشىكتىن كىردى ۋە تۇنجى بولۇپ قاناتلىرى كېسىۋېتىلگەن پەرىشتىدەك قىزىنىڭ ئۆزىگە ئۈمۈدلۈك باققان كۆزلىرىنى كۆردى ، قىز سەبىيلەرچە ئاتىسىغا : ‹‹ئاتا ، مەن پۈتۈن كۈن ھېچ نەرسىگە چېقىلمىدىم ، بىر جۈپ قوللىرىمنى قايتۇرۇپ بەرگىنە ؟ ››دېدى . قايغۇ ھەسرەتكە تولغان ئاتا پۇشايمان ئىلكىدە ئۆزىنى ئېسىپ ئۆلتۈرۈۋالدى ...
ئانچىكىم ئىشلار ئۈچۈن بالىڭىزنى ئەيىپلىمەڭ! چۈنكى ، سەبىيلەرنىڭ نەزىرىدە ئالتۇن بىلەيزۈكنىڭ بىر تال تەپكۈچچىلىك قىممىتى يوق!

بۈركۈت11 · ۋاقتى: 2015-9-18 17:09:08

تەربىيۋى ئەھمىيتى بار ئىكەن رەخمەت .

asr · ۋاقتى: 2015-9-18 19:45:15

راستىنلا تەربىيۋى ئەھمىيىتى باركەن

akon123 · ۋاقتى: 2015-9-19 10:35:45

مەن بەك تەسىرلىنىپ كەتتىم. ھەقىقەتەن تەربىيۋى ئەھمىيەتكە ئىگە ئىكەن. رەھمەت سىزگە...

نۇرلان · ۋاقتى: 2015-9-20 17:23:03

يەنىمۇ تىرىشىڭ.

ئەزھەر36 · ۋاقتى: 2015-9-20 17:49:54

ياخشى چىقىپتۇ . تېرىشىڭ !