توردا مال سېتىۋېلىش ئۇسۇلى

قاپلان115

9 g) G# W4 {8 w- x

توردا مال سېتىۋېلىش ئۇسۇلى

: f& @. D( B0 y
4 `' `4 J8 r. c0 H: v; m8 ]$ n1. توردا مال سېتىۋېلىشنىڭ تەييارلىق باسقۇچى:
مەن تۆۋەندە دۆلىتىمىزدە تور ئابونتلىرىنىڭ قىزغىن قارشى ئېلىشىغا ئېرىشكەن تاۋباۋ تورىنى مىسال قىلىش ئارقىلىق قانونلۇق مال سېتىۋىلىش ئۇسولىنى سۆزلەپ ئۆتىمەن.
تەييارلىق باسقۇچى: يېقىن ئەتراپتىكى بانكىغا بېرىپ تور بانكىسىنى ئاچقۇزۇش. بۇ بىرىنچى قەدەم. تور بانكىسىنى ئاچقۇزغاندا يېڭىدىن كارتا بېجىرسىڭىزمۇ ياكى ئىلگىرىكى بار كارتىنى ئىشلەتسىڭىزمۇ بولىدۇ. بانكىغا بېرىشتىن ئىلگىرى مۇناسىۋەتلىك سالاھىيەت ئىسپاتلىرىڭىزنى تولۇق ئېلىۋېلىشنى ئۇنتۇماڭ. ناۋادا كونا كارتىڭىزنىڭ يۇمشاق مۇئامىلە كىنىشكىسى بولسا بۇ كىنىشكىنىمۇ چوقۇم بىللە ئېلىپ بېرىشىڭىز كېرەك. ھازىر تور بانكىسى ئاچقۇزغاندا، پۇل مۇئامىلە ئورۇنلىرى مەخپىي سىفىر كارتىسى، U قالقان ۋە ھەرىكەتچان سىفىر دەستىكى (Token) قاتارلىق مەخپىيەتلىك بۇيۇملىرى بىلەن تەمىنلەيدۇ. بۇنىڭ ئىچىدە، مېنىڭ تەۋسىيە قىلىدىغىنىم، جۇڭگو بانكىسى تەمىنلىگەن ئەڭ قولايلىق ھەم بىخەتەر ھېسابلىنىدىغان ھەرىكەتچان سىفىر دەستىكى (Token)دىن ئىبارەت. ئىمكانىيەت يار بەرگەن ئەھۋال ئاستىدا مۇشۇ خىل تور بانكىسىنى قوللىنىڭ. U قالقان ئىشلەتسىڭىزمۇ بولىدۇ، ئەمما، كومپيۇتېرغا پىششىق بولمىسىڭىز قوزغىتىش پىروگراممىسى، بىخەتەرلىك يامىقى قاتارلىقلارنى ئورنىتىشتا بەلگىلىك قىيىنچىلىققا يولۇقىسىز، شۇنداقلا ھەر قېتىم ياكى ئۇنداق ياكى مۇنداق ئاۋارىچىلىقلارغا ئۇچراپ تۇرىسىز. مەخپى سىفىر كارتىسىنىڭ بىخەتەرلىك دەرىجىسى تۆۋەنرەك، شۇڭا بۇ خىل كارتىمۇ تەۋسىيە قىلىنمايدۇ.
/ H, ^) f+ p; H0 _  u0 @دىققەت، تور بانكىسى ئاچقۇزغاندا بىر كۈن ئىچىدە تور بانكىسى ئارقىلىق تۆلەشكە بولىدىغان ئەڭ چوڭ پۇل سوممىسىنى 2000 يۈەن ئەتراپىدا تەڭشىسىڭىز مۇۋاپىق. بۇنى ئۆزىڭىز قىلۋالسىڭىزمۇ بانكا خادىملىرى قىلىپ بەرسىمۇ بولىدۇ.
* _; O5 a7 g& R4 o+ xئىككىنچى قەدەمدە تاۋباۋ تورىغا كىرىپ ھېسابات نومۇرى ئىلتىماس قىلىش. بۇ پۈتۈنلەي ھەقسىز مۇلازىمەت بولۇپ، مۇناسىۋەتلىك ئۇچۇرلارنى ھەقىقىي تولدۇرۇڭ. چۈنكى بۇ سىزنىڭ تور دۇنياسىدا مال سېتىۋېلىشتىكى مۇقۇم سالاھىيىتىڭىز بولۇپ قالىدۇ. ھىسابات نومۇرى ھەم مەخپىي سىفىرنى ئوبدان ساقلاڭ. مۇناسىۋەتسىز بولسىمۇ مەن بۇ يەردە كۆپچىلىككە مەخپى سىفىر ساقلاش توغرۇلۇق ئىككى ماھارەتنى قىستۇرۇپ ئۆتۈشنى مۇۋاپىق كۆردۈم. بىرى، مەخپىي سىفىرنى پارچىلاپ خاتىرلەش. مىسالەن، ئالتە خانىلىق مەخپىي سىفىرنى ئۈچ خانىدىن ئىككى بۆلەككە بۆلۈپ، ئۇنى كۈندىلىك خاتىرە ياكى بىرەر كىتابنىڭ ئوخشىمىغان بەتلىرىگە ئايرىم-ئايرىم خاتىرىلەپ قويۇش. بۇنداق بولغاندا ناۋادا مەخپىي سىفىرنى ئۇنتۇپ قالسىڭىز، مۇشۇ بەتلەردىكى سانلارنى قايتىدىن بىرىكتۈرسىڭىزلا بولىدۇ. باشقا كىشىلەرنىڭ تېپىۋېلىشى مۈشكۈل. ئىككىنچى خىل ئۇسۇل، مەخپىي سىفىرنى خاتىرىلىگەندىن كېيىن، ئۇنىڭ ئالدى-كەينىگە مۇناسىۋەتسىز سانلارنى يېزىپ توشقۇزۇپ قويۇش. مىسالەن، مەخپىي سىفىر 123456 بولسا، بۇنى 790912345677767 قىلىپ خاتىرىلەش. سىز ئادەتتە مەخپىي سىفىرنى ئۆزىڭىزگە تونۇش سانلار بىلەن تۇرغۇزىدىغان بولغاچقا، بۇ تەرتىپسىز سانلار ئىچىدىن مەخپىي سىفىرىڭىزنى قىينالمايلا تاپالايسىز. ئەمما، بۇ سان باشقىلار ئۈچۈن مۇنداقلا يېزىلغان قالايمىقان ساندەك تۇيغۇ بېرىدۇ.
4 v) {) s* Q8 Y6 a  [0 u0 Wئۈچىنچى قەدەمدە توردا پۇل تۆلەشكە ئىشلىتىلىدىغان ئالىپاي ھېسابات نومۇرى ئىلتىماس قىلىش. بۇ مۇھىم بىر باسقۇچ. ناۋادا قانداق ئىلتىماس قىلىشنى بىلمىسىڭىز باشقىلارنى ياردەمگە چاقىرسىڭىز بولىدۇ. ئالىپاي ساتقۇچى بىلەن سېتۋالغۇچىنىڭ ئوتتۇرىلىقىدىكى ئۈچىنچى تەرەپ بولۇپ، ئادەتتە مال سېتىۋالىدىغان پۇل مۇشۇ ھېسابات نومۇرى ئارقىلىق قارشى تەرەپكە يۆتكىلىدۇ.
4 n3 D& @# U1 G6 s$ t+ ^2 \4 a9 cيوقىرىقى ئۈچ باسقۇچ ئاخىرلاشقاندىن كېيىن توردا مال سېتىۋېلىشنىڭ ئاساسلىق تەييارلىقلىرى پۈتكەن بولۇپ ھىسابلىنىدۇ.
2. توردا مال سېتۋىلىشنىڭ توغرا تەرتىپى:
توردا مال سېتىۋېلىشنىڭ قىسقىچە تەرتىپى مۇنداق: بىرىنچى قەدەمدە مالنى تاللايسىز ھەم قارىشى تەرەپ بىلەن تاۋباۋ تورى تەمىنلىگەن ئالى ۋاڭۋاڭ يۇمشاق دېتالى ئارقىلىق سۆزلىشىسىز. ئىككىنچى قەدەمدە تور بانكىسى ئارقىلىق سېتىۋالماقچى بولغان نەرسىنىڭ باھاسىغا لايىق پۇلنى ئالىپاي ھېسابات نومۇرىغا يۆتكەيسىز. ئالىپاي سىستېمىسى ئاپتۇماتىك ھالدا ساتقۇچىغا پۇل تۆلەنگەنلىكىنى، سېتىۋالغۇچىغا مال ئەۋەتسە بولىدىغانلىقىنى ئۇقتۇرىدۇ. مال ئىگىسى مالنى سېتىۋالغۇچىغا يوللايدۇ. تېز يەتكۈزۈش شىركەتلىرى مالنى سېتىۋالغۇچىنىڭ ئىشىك ئالدىغا يەتكۈزۈپ بېرىدۇ. ئۈچىنچى قەدەمدە سېتىۋالغۇچى مالنى تەكشۈرۈپ سۈپىتىدىن رازى بولغاندىن كېيىن پۇلنى مال ساتقۇچىغا بېرىش توغرىسىدا ئالىپاي سىستېمىسىغا ئۇقتۇرۇش قىلىدۇ. ئالىپاي سىستېمىسى مالنىڭ پۇلىنى ئاپتوماتىك ھالدا ساتقۇچىنىڭ ھېساباتىغا يەتكۈزۈپ بارىدۇ. شۇنىڭ بىلەن بىر قېتىملىق سودا تاماملىنىدۇ.
9 q7 i  D& m" G" i9 i- e7 _& Sتوردىن مال سېتۋالغاندا يەتكۈزۈش شىركىتى ياكى پوچتا ئىدارىسى ئەكىلىپ بېرىدۇ. يەتكۈزۈش شىركەتلىرىنىڭ ئىچىدە شۈنفېڭ، يۈەنتوڭ، شېنتوڭ، جۇڭتوڭ قاتارلىق نۇرغۇن شىركەتلەر بار. بۇ شىركەتلەر ھازىر ئاپتونوم رايونىمىزدىكى ئوتتۇرا-كىچىك شەھەرلەرگە ئاساسىي جەھەتتىن ئورۇنلاشتى، بەزىلىرى ھەتتا ناھىيە بازارلىرىغىچە تىجارەت قىلىدۇ. بۇ شىركەتلەرنىڭ ھەق ئېلىش ئۆلچىمىمۇ ئوخشىمايدۇ. ئادەتتە بىر كىلوگىرام نەرسىنى دۆلەت ئىچىدە يەتكۈزۈش ئۈچۈن 20 يۈەن ئەتراپىدا ھەق ئالىدۇ. بەزى شىركەتلەر قىممەترەك، چۈنكى ئۇلارنىڭ يەتكۈزۈش سۈرئىتى تېز. ئۆزىڭىز تۇرۇشلۇق جايدا مۇشۇنداق شىركەتلەر بارمۇ-يوق، تەكشۈرۈپ كۆرۈڭ ياكى پوچتا-تېلېگراف ئىدارىسىنى تاللىسىڭىزمۇ بولىدۇ.
ئادەتتە، مال تېز يەتكۈزۈش شىركىتىگە يوللانغان چاغدا ساتقۇچى تەرەپ تور بەت يۈزىدە تاپشۇرۇۋىلىش مۆھلىتىنى بېكىتىدۇ. بۇ مۆھلەت يەتتە كۈن، 10 كۈن ۋە 15 كۈن دېگەندەك ھەر خىل بولىدۇ. بۇنى ساتقۇچى تەرەپ يەتكۈزۈش شىركىتىنىڭ ئەمەلىي ئەھۋالىغا قاراپ بېكىتىدۇ. بۇ مۆھلەت توشقاندا ئالىپاي سىستېمىسى مال سېتىۋالغۇچىنىڭ قوشۇلۇشىدىن ئۆتمەيلا پۇلنى مال ساتقۇچىغا ئاپتوماتىك بېرىۋېتىدۇ. شۇڭا بۇ مۆھلەتنى داۋاملىق تەكشۈرۈپ تۇرۇش كېرەك. ناۋادا مۆھلەت قىستاپ قالسا، مال سېتىۋالغۇچى بۇ مۆھلەتنى بىر قېتىم ئۇزارتالايدۇ. ئادەتتە ئۇزارتىش مۆھلىتى ئۈچ كۈن. بۇ ئۈچ كۈنمۇ تۈگەپ كەتكۈچە مال يېتىپ كېلەلمىسە، دەرھال ساتقۇچى بىلەن ئالاقىلىشىپ مۆھلەتنى ئۇزارتىش كېرەك. سېتىۋالغۇچى قەرەللىك ھالدا تاۋباۋدىكى ھېسابات نومۇرىغا كىرىپ، سېتىۋالغان مالنىڭ يەتكۈزۈلۈش جەريانىنى تەپسىلىي كۆرۈپ تۇرسا بولىدۇ. بۇ يەردە مال نەگە كەلدى، قاچان ئۆزى تۇرۇشلۇق ئورۇنغا كېلىدۇ، دېگەندەك ئۇچۇرلارنى، ھەتتا مال يەتكۈزگۈچى خادىمنىڭ ئىسىملىرىغىچە تاۋباۋ تور بەت يۈزىدە ئېنىق، تەپسىلىي كۆرگىلى بولىدۇ. سېتىۋالغۇچى بۇ ئۇچۇرلارغا ئاساسەن مالنىڭ قاچان يېتىپ كېلىدىغانلىقىنى بىلەلەيدۇ.
سودا تاماملانغاندىن كىيىن ساتقۇچى بىلەن سېتىۋالغۇچى ئۆزئارا ئىناۋىتىنى باھالايدۇ. مەسىلەن مال سۈپىتى، سېتىشتىن بۇرۇنقى ۋە كېيىنكى مۇلازىمىتى، تېز يەتكۈزۈش مۇلازىمىتى قاتارلىقلار. بۇ، مال سېتىۋېلىشنىڭ ئاخىرقى باسقۇچىدا ئىشلىنىدىغان مۇھىم بىر تۈرلۈك قوشۇمچە مەشغۇلات. بۇ مەشغۇلات ئارقىلىق ئۆزىمىزنىڭ تور سودىسىدىكى ئىناۋەت دەرىجىمىز ئۆسۈپ ماڭىدۇ. بۇ دەرىجە يۇقىرى كۆتۈرۈلسە تۈرلۈك ئېتىبار بېرىش پائالىيەتلىرىدىن بەھرىمان بولغىلى بولىدۇ، شۇڭا سەل قارىماسلىق كېرەك. سېتۋالغۇچى مالنى تاپشۇرۇپ ئالغاندىن كېيىن شۇ ۋاقتنىڭ ئۆزىدە سىناپ، ئىنچىكە تەكشۈرۈپ، ئىمكانىيەتنىڭ بېرىچە بارلىق ئىقتىدارلىرىنى تولۇق كۆرۈپ چىقىشى، رازى بولغاندىن كېيىن ئاندىن قارشى تەرەپكە پۇلنى بېرىشى كېرەك.
4 U' u. \2 B' ?) Zناۋادا مال كۆڭۈلدىكىدەك بولمىسا قانداق قىلىش كېرەك؟ بۇ ئىستېمالچىلار ئەڭ كۆڭۈل بۆلىدىغان مەسلىلەرنىڭ بىرى. مېنىڭ ھېس قىلىشىمچە، تاپشۇرۋالغان مالنىڭ كۆڭۈلدىكىدەك بولماسلىقى مۇنداق سەۋەبلەردىن كىلىپ چىقىدۇ. 1) ساختا، سۈپەتسىز. 2) بۇزۇق، كاشىلىسى بار. 3) تور بەت يۈزىدە تەسۋىرلىگەن مەزمۇن بىلەن ئەمەلىي مالدا پەرقى بار. 4) خاتا ئەۋەتىلگەن مال. 5) سېتىۋالغۇچى ياقتۇرمايدىغان ماللار.
, \2 l( S" L% D4 @( |% h; x  vبۇ مەسلىنى ئىككى خىل ئۇسۇل بىلەن ھەل قىلىنىدۇ. بىرى، مالنى ساتقۇچىغا قايتۇرۇپ يوللاپ بېرىش. ساتقۇچى ئۆز مېلىنى تاپشۇرۇۋالغاندىن كېيىن بۇ سودا ئېتىلىپ كېتىدۇ، پۇلمۇ ئۆز ھېسابىڭىزغا قايتىپ كىرىدۇ.
يەنە بىر خىل ئۇسول ئالماشتۇرۇش. يەنى، قارشى تەرەپكە ئەۋەتىپ ئالماشتۇرۇپ بېرىشىنى تەلەپ قىلىش.
& s, k. e  m1 ?0 l, P* oناۋادا ئەۋەتىلگەن مالدا سۈپەت مەسىلىسى كۆرۈلگەن بولسا، قايتۇرۇش ياكى ئالماشتۇرۇش جەريانىدىكى يەتكۈزۈش ھەققىنى قارشى تەرەپ ئۈستىگە ئېلىشى، بۇنى سودا باشلىنىشتىن ئىلگىرىلا سۆزلىشىپ بېكىتىش كېرەك. مۇبادا، مال توغرا ئەۋەتىلگەن بولسىمۇ سىزگە يارىمىغان ياكى ئۆزىڭىزنىڭ سەۋەنلىكىدىن خاتا بولۇپ قالغان ئەھۋالدا قايتۇرۇش ياكى ئالماشتۇرۇشنى تەلەپ قىلسىڭىز يەتكۈزۈش ھەققىنى ئۈستىڭىزگە ئېلىشىڭىز مۇمكىن. چۈنكى سەۋەنلىك كىمدە بولسا مەسئولىيەتنى شۇ ئۈستىگە ئېلىش پىرنسىپى بۇيىچە ئىش بىجىرىلىدۇ.
' P1 K  Q- Q% }4 w, B5 g7 @0 ?يۇقىرىقىدەك ئەھۋاللارغا يولۇققاندا سالماق، تەمكىن بولۇش، دەرھال قارشى تەرەپ بىلەن ئالاقىلىشىش ھەم شۇنىڭ بىلەن بىر ۋاقتتا پۇل تۆلەش مۆھلىتىنى ئۇزارتىشنى تەلەپ قىلىش كېرەك. ناۋادا پۇل تۆلەش مۆھلىتىنى ئۇزارتىشقا مۇمكىن بولمىسا، ‹‹پۇل قايتۇرۇش›› تەرتىپىنى قوزغىتىپ، ئاپتوماتىك پۇل تۆلىنىپ كىتىشنىڭ ئالدىنى ئېلىش كېرەك. مەسىلە ھەل بولغاندا ئاندىن ‹‹تاپشۇرۇۋېلىشنى جەزىملەشتۈرۈش›› تەرتىپى ئارقىلىق داۋاملىق پۇل تۆلىسە بولىدۇ.
يۇقىرىقى جەريان قارىماققا مۇرەككەپتەك كۆرۈنسىمۇ، ئەمەلىيەتتە ناھايىتى ئاددىي بولۇپ، پۈتۈنلەي ئاپتوماتىك ئورۇنلىنىدۇ. سىز پەقەت مۇناسىۋەتلىك بۇيرۇقلارنى بەرسىڭىزلا كۇپايە. بۇ خىل سودا قىلىش ئۇسولى بۇرۇنقى پاسسىپ سودا قىلىش ئۇسولىدىن كۆپ بىخەتەر ھەم ئىشەنچىلىك. ئىلگىرى كىشىلەر توردىن نەرسە سېتىۋالماقچى بولسا قارشى تەرەپ بىلەن تېلېفوندا ئالاقىلىشىپ، بانكا كارتىسىغا بىۋاستىلا پۇل ئۇرۇپ بېرەتتى. نەتىجىدە تاپشۇرۋالغان نەرسە كۆڭۈلدىكىدەك چىقمايتتى، بەزى ئەھۋاللاردا ھەتتا پۇل ئىز-دېرەكسىز يوقاپ، ئالدىنىپ قالىدىغان ئەھۋاللار سادىر بولاتتى. نۆۋەتتىكى قانونلۇق سودا جەريانى ئېلېكتىرونلۇق سودىنىڭ بىخەتەرلىكىنى يۇقىرى كۆتۈرۈپ، ئىشەنچىلىك دەرىجىسىنى ئاشۇردى.
+ ^0 A; B* B" h) r4 d; Q' `4 l3. توردىن مال سېتۋىلىشتا دىققەت قىلىدىغان ئىشلار
1) مال ساتقۇچىنى مۇۋاپىق تاللاش. ئادەتتە ھەر بىر ساتقۇچىنىڭ ئىناۋەتلىك دەرىجىسى بولىدۇ. بۇ دەرىجە خان تاجى، ئالماس ۋە يۈرەك بەلگىلىرى بىلەن ئىپادىلىنىدۇ. بۇنىڭ ئىچىدە خان تاجى بەلگىلىك ساتقۇچىنىڭ سودا مىقدارى كۆپ، ئىناۋىتىمۇ يۇقىرى ھېسابلىنىدۇ. ئالماس بەلگىلىك دۇكان ئىككىنچى ئورۇندا تۇرىدۇ. بۇ ئىككى تۈرلۈك ساتقۇچىدىن مال سېتىۋالغاندا ئاساسىي جەھەتتىن چوڭ مەسىلە كۆرۈلمەيدۇ. ئەمما، يۈرەك بەلگىلىك ساتقۇچىلاردىن نەرسە سېتۋالغان ئالاھىدە ئېھتىياتچان بولۇش كېرەك. ئۇنىڭدىن باشقا ساتقۇچىلارنىڭ تاۋباۋ تورى بىلەن تۈزۈشكەن كېلىشىملىرى بار. مەسىلەن، مالنى ئۆز ئەينى تەسۋىرلەشكە كاپالەتلىك قىلىش، چەكلىك مۇددەت ئىچىدە ئالماشتۇرۇشقا، قايتۇرۇشقا كاپالەتلىك قىلىش (بۇ مۇددەت ئادەتتە يەتتە كۈن بولىدۇ)، سۈپەتلىك، ھەقىقىي (جىڭ) مالغا كاپالەتلىك قىلىش، ئىستېمالچىلارنىڭ ھوقوق-مەنپەئەتىگە كاپالەتلىك قىلىش قاتارلىقلار. بەزى ساتقۇچىلارغا تاۋباۋ تورى تەرىپىدىن ‹‹مۇنەۋۋەر ساتقۇچى›› دېگەن نام بېرىلىدۇ. بۇلارنىڭ ھەممىسى ساتقۇچىنىڭ مال سېتىش ئورنىدا ئېنىق بەلگىلەر بىلەن كۆرسىتىلىدۇ. شۇڭا، ئىمكانىيەتنىڭ بېرىچە مۇشۇ تۈردىكى ساتقۇچىلاردىن سېتىۋېلىش كېرەك.
2) سېتىۋالماقچى بولغان مالنى ئەستايىدىل تاللاش. سىز مەلۇم بىر نەرسىنى ئىزلىگەندە، ئوخشاش نەرسە ئوخشىمىغان باھالاردا چىقىدۇ. مىسالەن، ‹‹ساقال ئالغۇچ›› دەپ كىرگۈزسىڭىز ئوخشىمىغان ماركا، ئوخشىمىغان باھادىكى نۇرغۇن ساقال ئالغۇچ چىقىدۇ. بۇلارنىڭ ئىچىدىن سىزگە يارىغان ساقال ئالغۇچنىڭمۇ يەنە ئوخشىمىغان باھالاردا كۆرۈنگەنلىكىنى بايقايسىز. بۇنداق ئەھۋالدا بىز ئەلۋەتتە ئەرزانلىرىنى تاللايمىز. ئەمما، ئەرزانلىرىغا يۈگۈرۈپ ساتقۇچىنىڭ ئىناۋەت دەرىجىسى ھەم تۈرلۈك كاپالەتلەرنى نەزەردىن ساقىت قىلىشقا قەتئىي بولمايدۇ. بولمىسا ئاسانلا ئالدىنىپ قالىدىغان ياكى ساختا نەرسە ئېلىۋالىدىغان ئەھۋال كېلىپ چىقىدۇ. ئۇنىڭدىن باشقا، بىر قىسىم ھىيلىگەر ساتقۇچىلار مال باھاسىنى زىيادە ئەرزان بېكىتىپ، ئەۋەتىش ھەققىنى زىيادە يۇقىرى قىلىۋالىدۇ. مىسالەن، مالنىڭ ئەسلى باھاسى 300 يۈەن بولسا، بۇ ساتقۇچىلار 150 يۈەن باھا قويۇپ، ئەۋەتىش ھەققىنى 150 يۈەن قىلىپ تەڭشەپ قويىدۇ. بۇنداق ئەرزان باھا قويۇلغان ماللار ھەممىنىڭ ئالدىغا تىزىلىپ چىقىدۇ. بۇ ئىستېمالچىلارنىڭ ئەرزان مالغا ئامراق بولۇش پىسخىكىسىدىن پايدىلانغانلىق. بۇ خىلدىكى سەمىمىيەتسىز ساتقۇچىلارغا يولۇققاندا قارىمايلا ئۆتۈپ كەتكەن تۈزۈك.
سېتىۋالماقچى بولغان مالنى مۇقۇملاشتۇرغاندىن كىيىن تۈرلۈك ئۇچۇر، سان-سىفىر ۋە رەسىملىرىنى ئىنچىكە كۆرۈش، ئىشلىتىش ئۇسوللىرى بىلەن تەپسىلىي تونۇشۇش، مالنىڭ ھەقىقىي نەرسىمۇ-ئەمەسمۇ ئېنىق ئايدىڭلاشتۇرۋىلىش كېرەك. مال ئۇچۇرى كۆرۈنگەن تور بەت يۈزىنىڭ ئەڭ ئاستى تەرىپىدە ئىلگىرى مەزكۇر مالنى سېتىۋالغۇچىلار قالدۇرغان تۈرلۈك خاتىرىلەر كۆرۈنۈپ تۇرىدۇ. بۇ خاتىرىلەردىن مالنى تاپشۇرۇۋالغاندىن كېيىنكى تەسىرات، ئىشلىتىش جەريانىدىكى مەسىلىلەر، مۇلازىمەت ئەھۋالى قاتارلىق بىر قاتار مەلۇماتلاردىن خەۋەردار بولغىلى بولىدۇ. شۇڭا بۇ ئۇچۇرلارنىمۇ نەزەردىن ساقىت قىلماسلىق كېرەك.
1 Y' M9 Y% K& J$ s9 ]3) مال ساتقۇچى بىلەن سۆزلىشىشتە دىققەت قىلىدىغان ئىشلار. سېتۋالماقچى بولغان مال مۇقىملاشقاندىن كېيىن چوقۇم مال ساتقۇچى بىلەن سۆزلىشىش كېرەك. ئەڭ ئۈنۈملۈك سۆزلىشىش ئۇسولى تاۋباۋ تورى تەمىنلىگەن ئالى ۋاڭۋاڭ يۇمشاق دۋتالىدىن ئىبارەت. مەزكۇر دېتال بىز دائىم ئىشلىتىدىغان QQ، MSN قاتارلىقلار بىلەن ئوخشاپ قالىدۇ. لېكىن، بۇ خىل يۇمشاق دېتاللاردا سۆزلىشىشتىن قەتئىي ساقلىنىش كېرەك. ئالى ۋاڭۋاڭ يۇمشاق دېتالى مەخسۇس تاۋباۋ تور سودىسى ئۈچۈن لايىھەلەنگەن. شۇڭا، ساتقۇچى بىلەن سېتۋالغۇچى ئوتتۇرسىدا ئالىمادىس ھوقۇق-مەنپەئەت ماجراسى كۆرۈلسە، ئالى ۋاڭۋاڭ سۆزلىشىش خاتىرىسىنى ئىسپات قىلىشقا بولىدۇ. تاۋباۋ تورى بۇ سۆزلىشىش خاتىرىسىگە ئاساسەن ئىككى تەرەپنىڭ ماجراسىنى بىر تەرەپ قىلىدۇ.
قارشى تەرەپ بىلەن سۆزلەشكەندە ماۋۇ مەزمونلارنى چوقۇم سۆزلىشىپ، ئالى ۋاڭۋاڭدا ئالاھىتەن خاتىرە قالدۇرۇش لازىم: (1) ھەقىقىي سۈپەتلىك مالمۇ؟ دېگەن مەسىلىنى ئېنىق جەزىملەشتۈرۈش (2) تاموژنىدىن ئۆتۈپ توغرا يول بىلەن كىرگەن، ئۈچ خىل كاپالىتى بار مالمۇ ياكى ئەتكەس قىلىنغان، شياڭگاڭ، تەيۋەن رايونلىرىدا سېتىلىدىغانلىرىمۇ؟ (3) مالدا ھەرقانداق سۈپەت مەسىلىسى كۆرۈلسە قانداق بىر تەرەپ قىلىش ئىشلىرى (4) قايسى يەتكۈزۈش شىركىتىنى تاللايدىغانلىقىنى ئېنىق ئەسكەرتىش (5) ئەڭ ئاخىرىدا ئالاھىدە قىلىپ ‹‹مەن تاللىغان سۈپەتلىك مالنى ئەۋەتىڭلار، مۇمكىن بولسا سىناپ بولۇپ ئەۋەتىڭلار. ناۋادا ھەرقانداق چاتاق چىقسا مەن قايتۇرۇش، ئالماشتۇرۇش جەريانىدىكى ھېچقانداق چىقىمنى ئۆز ئۈستۈمگە ئالمايمەن›› دېگەن سۆزلەرنى قوشۇپ قويۇش.
- e# S; E: g) R9 _: H7 v9 j8 Oيۇقىرىقى بىر قاتار سۆزلىشىش خاتىرىلىرى ماجرا كۆرۈلگەندە پاكىت ئاساسى قىلىنىدۇ. شۇ ئارقىلىق ئىككى تەرەپنىڭ مەسئولىيىتىنى ئېنىق ئايرىشقا بەلگىلىك ياردىمى تېگىدۇ.
, z- b* l% @  w6 E1 q4) تۇنجى قېتىم مال سېتۋالغاندا مەشىق ئۈچۈن ئەرزان باھالىق ماللاردىن بىر-ئىككىنى سېتۋىلىپ سىناپ بېقىش كېرەك. يوقۇرقى سودا تەرتىپلىرىنى بىر قېتىم قولدىن ئۆتكۈزگەندىن كىيىنلا ئاندىن سەل قىممەت باھالىق ماللارنى سېتۋالسىڭىز بولىدۇ.
% ?' d* L& B* t, W% I4. تور سودىسىدىكى ماھارەتلەر
" G5 E# o  c7 i8 x! r, ]' Wكىيىم-كېچەك ۋە ئاياغ سېتىۋالغاندا، بەدەنگە ماس كۋلەمدۇ-يوق، تازا ئىشەنچ قىلغىلى بولمايدۇ. قىممەت باھالىق، داڭلىق ماركىدىكى كىيىم-كېچەكلەرنىڭ نومۇرى ئۆلچەملىك بولۇپ، سېتىۋالسىڭىزلا چوڭ-كىچىكلىكى بەدەنگە مۇۋاپىق كېلىدۇ. ئەمما، ئادەتتىكى شالغۇت ماركىدىكى كىيىم-كېچەكلەرنىڭ نومۇرىدا ئېغىش مەسلىلىرى مەۋجۇت. شۇڭا، بۇ خىلدىكى كىيىملەرنى سېتىۋالغاندا، ساتقۇچى بىلەن تەپسىلىي سۆزلىشىپ، بەدەننىڭ ھەرقايسى ئۆلچەملىرىنى ئېنىق سېلىشتۇرۇش كېرەك. ئۇنىڭدىن باشقا، بازاردا ياقتۇرۇپ قالغان كىيىمنى توردىن سېتۋىلىشمۇ ئۈنۈملۈك ئۇسۇل. مىسالەن، مەلۇم بىر كىيىمنى بازاردىكى ئەمەلىي دۇكاندا كىيىپ، سىناپ مۇۋاپىق نومۇرنى تاپقاندىن كىيىن، بۇ كىيىمنى توردىن سېتىۋىلىش. ھازىرقى كىيىم-كېچەكلەرنىڭ ھەر بىرىدە ‹‹پاسون نومۇرى›› ياكى ‹‹مال نومۇرى›› بولىدۇ. مەزكۇر نومۇر بىلەن ماركىنى ئېھتىياتچانلىق بىلەن خاتىرىلىۋىلىپ، توردىن ئىزلىگەندە بۇ خىلدىكى كىيىمنى ئاسانلا تاپقىلى بولىدۇ. سىز ئەمەلىي دۇكاندا سىناپ كەيگەن چاغدىكى تەلەپ بويىچە كىيىم نومۇرىنى تاللىسىڭىزلا بەدىنىڭىزگە لايىق كىيىمنى سېتىۋالالايسىز. كىيىمـــكېچەكتىن باشقا تۈردىكى بۇيۇملارنىمۇ شۇ خىل ئۇسۇل بىلەن سىناپ كۆرسىڭىز بولىدۇ.
مال سېتىۋىلىش قېتىم سانىڭىزنىڭ كۆپىيىشىگە ئەگىشىپ ئىناۋەت دەرىجىڭىز ئۆسۈپ ماڭىدۇ. ئېناۋەت دەرىجىسى ئۆسۈپ ماڭغاندا تۈرلۈك ئېتىبار بېرىش پائالىيەتلىرىدىن بەھرىمەن بولغىلى، شۇنداقلا تور ساتقۇچىلىرىنىڭ ئىشەنچىسىگە ئېرىشكىلى بولىدۇ. ماجرا كۆرۈلگەن تەقدىردىمۇ تاۋباۋ شىركىتى سىزنىڭ ئىناۋەت دەرىجىڭىزگە قاراپ بەلگىلىك پەرقلەندۈرۈپ مۇئامىلە قىلىدۇ. شۇڭا ناھايىتى مۇھىم كۆرسەتكۈچلەرنىڭ بىرى ھېسابلىنىدۇ. ئەمما، تاۋباۋ تورىنىڭ بەلگىلىمىسى بويىچە بىر قېتىم سودا قىلسىڭىز ئىناۋەت دەرىجىڭىزگە پەقەت بىرلا نومۇر قوشىدۇ. بىر كۈن ئىچىدە، بىر دۇكاندىن بىر خىل مالدىن 10 نى سېتۋالسىڭىزمۇ ئوخشاش بىر نومۇر ھېسابلايدۇ. قانداق قىلغاندا ئىناۋەت دەرىجىسىنى تېز ئاشۇرغىلى بولىدۇ؟ ئەڭ ئۈنۈملۈك ئۇسول ۋاقت ئايرىپ، دۇكان ئايرىپ سودا قىلىش. ۋاقىت ئايرىپ سېتىۋېلىش دېگىنىمىزدە، سىز بىر نەرسىدىن ئىككىنى سېتىۋالماقچى بولسىڭىز، بىرىنى كەچ سائەت بېيجىڭ ۋاقتى 12:00 دىن كېيىن سېتىۋالسىڭىز، بۇ نەرسىلەر ئايرىم-ئايرىم ئىككى كۈندە سېتىۋېلىنغان بولۇپ خاتىرىلىنىدۇ. دۇكان ئايرىپ سودا قىلىش دېگىنىمىز، ئوخشاش مالنى ئوخشىمىغان ساتقۇچىلاردىن سېتىۋېلىشنى كۆرسىتىدۇ. مەسىلەن، سىز تېلېفونغا ئايدا 100 يۈەنلىك قىممەت تولۇقلاش كارتىسى سېتىۋالماقچى بولسىڭىز، بۇنى بىر دۇكانغا كىرىپ قىممىتى 100 يۈەنلىك بىرنى سېتۋالسىڭىزمۇ بولۇۋېرىدۇ. ئەمما، ئۈنۈملۈك نومۇر ئېلىش ئۈچۈن ئايرىم-ئايرىم ئون ساتقۇچىدىن 10 يۈەنلىك قىممەت تولۇقلاش كارتىسى سېتۋالسىڭىز سىزگە 10 نومۇر قوشۇلىدۇ. دېمەك، ھەر ئايدا مۇشۇنداق قىلىش ئارقىلىق 10 نومۇرغا ئېرىشكىلى بولىدۇ.
; @2 V: \& N  Dيەتكۈزۈش ھەققىنى تېجەش. ھەر بىر مالنىڭ يەتكۈزۈش ھەققى بار. سىز مالنى تاللىغان ھامان ئاپتوماتىك مال باھاسىغا قوشۇلۇپ ماڭىدۇ. مىسالەن، بىر دۇكاندىن كۆڭلەك، ئاياغ، پايپاق ئالغان بولسىڭىز، بۇلارنىڭ ھەر بىرىگە 15 يۈەندىن ئەۋەتىش ھەققى ئاپتوماتىك قوشۇلىدۇ. قائىدە بۇيىچە بۇ ئۈچ خىل نەرسىنى ئەۋەتىش ئۈچۈن پەقەت 15 يۈەنلا تۆلىسىڭىز كۇپايە. سەمىمىي ساتقۇچىلار تەشەببۇسكارلىق بىلەن ئارتۇق ئەۋەتىش ھەققىنى ئەمەلدىن قالدۇرۇۋېتىدۇ. لېكىن، بىر قىسىم قاقباش ساتقۇچىلار ئۈندىمەي تۇرۇۋالسا بىلىپ-بىلمەي 45 يۈەن ئەۋەتىش ھەققى تۆلىۋېتىشتەك ئىش كېلىپ چىقىدۇ. بەزى ھىيلىگەر ساتقۇچىلار ‹‹بۇ يەردە ئەۋەتىش ھەققى قىممەت›› دېگەندەك باھانىلارنى كۆرسىتىپ ئەۋەتىش ھەققىنى قاقتى-سوقتى قىلماقچى بولۇشقا ئۇرۇنىدۇ. بۇنداق كىشىلەردىن مال سېتىۋالغاندا، چىڭ تۇرۇش كېرەك. شۇنىڭدىلا ئۇلار يول قويۇپ ئارتۇق يەتكۈزۈش ھەققىنى ئەمەلدىن قالدۇرۇۋاتىدۇ.
بىر قىسىم نەرسىلەرنى توردىن سېتىۋېلىشقا بولمايدۇ. مەسىلەن، ئالتۇن زىبۇ-زىننەت بۇيۇملىرى، دورا قاتارلىقلار. بۇ نەرسىلەرنىڭ راست-يالغانلىقىنى قاراپ پەرقلەندۈرگىلى بولمايدۇ. شۇڭا، ھەرقانچە ئوچۇق رەسمىيىتى ھەم كاپالىتى بار ئەھۋالدىمۇ ئالدىراپ سېتىۋالماسلىق كېرەك.
! v  V5 R& v8 U* S# ?خۇلاسە كالام. يۇقىرىدا توردا سودا قىلىشنىڭ تەپسىلىي جەريانلىرىنى بىرەر قۇر سۆزلەپ ئۆتتۈم. كەڭ بەلباغ تورى ئائىلىلەرگە كۆپلەپ ئورۇنلاشماقتا. ئەمما، كۆپلىگەن كىشىلەر، بالىلار، ئاياللار، يەنە ئەرلەرمۇ بار، كەڭ بەلباغ تورىنى پەقەت ئويۇن ئوينايدىغان، كىنو كۆرىدىغان ھەم توردا پاراڭلىشىدىغان سايمان قاتارىدا كۆرۈپ، ئىقتىسادىي ئۈنۈم يارىتىشنى ئانچە ئويلاپ كەتمەيدۇ، توردىن مال سېتىۋېلىشتىن خوددى قاساپنىڭ يېنىغا ئېلىپ ماڭغان كالا قورقۇپ كەينىگە تىرەجىگەندەك قورقۇشىدۇ. مەن بىر نەچچە كىشىگە تەۋسىيە قىلغاندىمۇ ئىنكاسى پەقەت تەشۋىش ھەم ۋەھىمە بولغانىدى. كۆپلىگەن كىشىلەر ئىلگىرىكى قېلىپلاشمىغان تور سودىسى مەزگىلىدىكى زىيانلانغۇچىلارنىڭ ساۋىقىنى ھەددىدىن زىيادە قوبۇل قىلىشقان بولۇپ، ئۇلار تور دەۋرىنىڭ ئۆزگەرگەنلىكىدەك ئەمەلىيەتنى تېخى تونۇپ يېتەلىگىنى يوق. بۇنداق كىشىلەرگە تەۋسىيە قىلىدىغىنىم شۇكى، يۈرەكلىك بىلەن تور دۇنياسىدىن مال سېتىۋېلىشنى سىناپ بېقىڭ. كۆنۈپ قالسىڭىز ئاز بولمىغان ئىقتىسادىي چىقىمنى تېجەپ قالالايسىز. مانا بۇ كەڭ بەلباغ تورىنىڭ ئۈنۈمى ئەمەسمۇ؟ ناۋادا، مەزكۇر ماقالەمنى كۆرۈپمۇ كېچىكىپ ھەرىكەتكە كەلسىڭىز ياكى بىپەرۋا قاراپ ھەرىكەت قىلمىسىڭىز، ئۇنداقتا ۋاقتى كەلگەندە تور سودىسى بىلەن شۇغۇللىنىدىغانلار بىزگە ئەسكەرتمەپتۇ، دەپ ئاغرىقچىلىق قىلمىغايسىز.
* U: X! L$ ]0 q, z
مەنبە: تەڭرىتاغ تورى
$ O3 b7 q7 D' ^7 P/ o4 V: \

ئەزھەر36

ئەجرىڭىزگە رەھمەت .

xukrikil

بىلمەيدىغانلارغا  ياخشى تېمىكەن

سادا0998

ياخشى بىلىملەركەن. مىنىڭمۇ كۆزۈمگە سىغمايدىغىنى مالنىڭ كىراسى ئۆزىدىن قىممەت قىلىپ قويۇلغان ماللار. ئاندىن قالسا توشۇش ھەققى قىممەترەك، كېلىش ۋاقتى ئۇزۇن، بۇنۇڭغا ئامال يوق ئەلۋەتتە چۈنكى بىز شىنجاڭدا ئەمەسمۇ.
6 `6 i2 a/ x" S8 {

wapasiz

يەنە شۇگەپ خەنزۇچە بىلمىسە بولمايدىكەن ئاينا   
خەنزۇچە بىلمەيدىغانلار قانداق قىلسا بولدۇ؟

پارلاق

تېلفۇندا قايسى ئۇسۇلدا دۇكاندارنىڭ زاكالەت تاپشۇرغان پۇلنى بىلگىلى بۇلىدۇ؟

قاپلان115

wapasiz يوللىغان ۋاقتى  2015-6-15 14:49
/ Y8 F) ~9 B. [$ }% Fيەنە شۇگەپ خەنزۇچە بىلمىسە بولمايدىكەن ئاينا   
: F: ~8 ?8 Q* r. S( eخەنزۇچ ...

3 {  P# S4 ]; p- s# |2 C& A' c) J' gتىل بىلمەسلىك ئەيىپ ئەمەس ، ئۈگەنمەسلىك ئەيىپ ، خەنزۇ تىلى ئېلىمىزنىڭ دۆلەت تىلى ، ئۇنىڭ ئۇستىگە ھازىر خەنزۇ تىلىنىڭ خەلقارادىكى ئىشلىتىلىش ئورنىمۇ كۈنسايىن يۇقۇرى ئۆرلەپ بارماقتا ، شۇڭا مۇمكىن بولسا بىكار ۋاقىتلىرىمىزدىن بولسىمۇ ۋاقىت چىقىرىپ كۈندە  بىردىن سۆز ، بىردىن جۈملە ۋەزىپە قىلىپ ئۈگۈنۈپ قويساق مەنچە پايدىسى بولسا بولىدۇكى ھەرگىز زىيىنى بولمايدۇ  .

sirdax843100

رەخمەت سىزگە بەك ياخشى تىمىكەن

پارلاق

قاپلان115 يوللىغان ۋاقتى  2015-6-15 15:44
$ d2 m! R! m' Cتىل بىلمەسلىك ئەيىپ ئەمەس ، ئۈگەنمەسلىك ئەيىپ ، خەنزۇ ...

تېلفۇندا قانداق قىلغاندا دۇكاندارنىڭ زاكالەت تاپشۇرغان پولنى بىلگىلى بۇلىدۇ؟

بىلال0997

يېزا بازارلارغا ئاساسەن قايسى ئەۋەتىش شىركەتلىرنىڭ قۇلايلىق..