چىش كېسەللىكلىرىگە يەرلىك رېتسىپلارنىڭ راستىنلا ئۈنۈمى يوقمۇ؟

قاپلان115 · ۋاقتى: 2015-7-29 20:22:32

بۇ يازمىنى ئاخىرىدا قاپلان115 تەھرىرلىگەن. ۋاقتى 2015-7-29 21:02

   مەن بۈگۈن مىسرانىم تورى مۇنبىرىدە بۈگۈنكى تور مەزمۇنلىرىنى زىيەرەت قىلىۋېتىپ ،  تۇيۇقسىزلا توردىشىمىز ‹‹ turukyar 219›› نىڭ ‹‹ مەن چىش دوختۇرى ، بۇ يەرلىك رېتسىپلارغا مەن ئىشەنمەيمەن ›› تېمىسىدىكى ماقالىغا كۆزۈم چۈشتى . مەن قىززىقىپ بۇ دوستىمىزنىڭ ماقالىسىغا كۆز يۈگۈرتتىم . كۆز يۈگۈرتتىميۇ ماقالىنىڭ مەزمۇنىنى كۆرۈپ تولىمۇ ئەپسۇسلاندىم ۋە بۇ مۇنازىرە ماقالىسىنى يېزىپ دوسلار بىلەن ئورتاقلىشىش قارارىغا كەلدىم . كەڭ تورداشلارنىڭ بولۇپمۇ تېببى كەسىپتىن خەۋەردار كەسىپداشلارنىڭ دىققەت نەزىرىنى ئاغدۇرۇپ بېقىشىنى ئۈمۈت قىلىمەن .
دوستۇم  ‹‹ turukyar 219›› مەن ئالدى بىلەن سىزدىن سوراپ باقسام ، سىز ئوبدان ئويلىنىپ جاۋاپ بىرىپ باقسىڭىز . يەرلىك رېتسىپ دىگەن نىمە ؟ ئۇ قانداق شارائىتتا پەيدا بولغان ؟ ئۇ نىمە ئۈچۈن ھازىرغا قەدەر ئۆز قىممىتىنى يوقاتماي بۈگۈنگىچە ساقلىنىپ كىلىۋاتىدۇ ؟ ئۇنىڭ كىيىنكىلەرگە مىراس بولۇشى يەنە قاچانغىچە داۋاملىشىدۇ ؟
سىز ئۆزىڭىزنى مەن دوختۇر دەپسىز ، توغرا مەن سىزنىڭ دوختۇرلۇقتىن ئىبارەت مۇشۇ بىر جاپالىق ھەم شەرەپلىك كەسىپنى تاللىغانلىقىڭىزدىن  تولىمۇ خۇرسەن ، ياق مەنلا ئەمەس پۈتۈن جەمئىيەت خۇرسەن . چۈنكى تېببى كەسىپ دىگەن ئاغرىققا ئامال ، كېسەلگە شىپا ئىزدىگۈچى ، بۇ ئارقىلىق بىمارنىڭ تۈرلۈك تۈمەن كېسەللىكلىرىگە شىپا ئىزدەپ ، بىمارلارغا قايتا ھاياتلىق يولى ئېچىپ بەرگۈچى ناھايىتىمۇ ئۇلۇغ كەسىپتۇر . شۇڭا ئۇلۇغ ئۇستازىمىز ، تېبابەت پىشۋاسى فارابى تېببى كەسىپنىڭ ئەخلاقى تۇغرىسىدا توختۇلۇپ ‹‹ ئەمچى( تېۋىپ  ، دوختۇر  ) لىكنى ئۈگۈنىش بىر ياخشى خىسلەت ، ئۇ ھەر قانداق ئادەمنىڭ قولىدىن كىلىۋەرمەيدۇ ،  بۇ كەسىپنى ئۈگەنگۈچىلەر تەمكىن ، سالماق ، كەمتەر ، زېھنى ئوچۇق ، ياش ، تەمبەل روھى جۇشقۇن بولىشى ، باشقىلارنىڭ ( كەسىپداشلار ۋە ئۇستازلارنىڭ ) نەتىجىلىرىگە كۆز يۇمماي ، كەڭ قورساقلىق بىلەن ئۇنى ئۆزىنىڭ داۋالاش ئەمەلىيىتىگە تەدبىقلاپ ئىشلىتىپ ، بىمارلارنىڭ كېسەللىك ئازاۋىنى يىنىكلىتەلەيدىغان بولىشى ، مەنمەنچىلىكتىن ، يالغانچىلىقتىن ، تەكەببۇرلۇقتىن خالىي بولىشى ، كۆڭلىدە بىمارنىڭ  كېسەللىكىنى داۋالاپ ھاياتىنى ساقلاپ قېلىشتىن باشقا غەيرى مۇددىئانى ئويلىماسلىقى  ، ئۆزىدە مەڭگۈلۈك ئۈگۈنىشچانلىق ۋە ئۈگۈتىشچانلىق روھىنى يىتىلدۈرىشى كېرەك . ئۇنداق بولمىغانلارنىڭ ھەممىسى يالغان  ئەمچىدۇر . يالغان ئەمچى جاللات بىلەن ئوخشاش ئورۇندا تۇرىدۇ ، جاللات قىلىچ بىلەن ئادەم ئۆلتۈرسە يالغان ئەمچى ئۆزىنىڭ يالغانچىلىقى ، مەككارلىقى بىلەن ئادەم ئۆلتۈرىدۇ ›› دەپ كۆرسەتكەن .
دوستۇم بايا سىزدىن سورىغان سوئاللارنى مەن سىزگە ناھايىتتى ئاددى قىلىپلا چۈشەندۈرەي . يەرلىك رېتسىپ ئۇنداق يەڭگىللىك بىلەن ئىنكار قىلىدىغان ئادەتتىكى نەرسە بولماستىن ، بەلكى ئۇيغۇر خەلقىمىزنىڭ نەچچە مىڭ يىلدىن بۇيانقى كېسەللىكلەر بىلەن كۆرەش قىلىش ، كېسەللىكلەرنى داۋالاش ، كېسەللىكلەرنىڭ ئالدىنى ئېلىش ئەمەلىيىتى جەريانىدا شەكىللەنگەن ، شۇنداقلا نەچچە مىڭ يىللاردىن بۇيان ئۇيغۇرلارنى ئاساس قىلغان دىيارىمىزدىكى ھەر مىللەت خەلقىنىڭ  تۈرلۈك- تۈمەن كېسەللىكلىرىنى داۋالاپ ساقلىقىغا كاپالەتلىك قىلىپ كىلىۋاتقان ئەڭ ئۇلۇغ مىراسلىرىمىزنىڭ بىرى . شۇڭا ھازىر ئىلىمىز ھەتتا خەلقارادىنمۇ مۇشۇنداق داۋالاش ئۇسۇللىرىنى  قوغداش تەدبىرلىرىنى تۈزۈپ چىقىپ ، ئۇنى قوغداۋاتىدۇ ۋە تەرەققى قىلدۇرۋاتىدۇ . سىزنىڭ نەزىرىڭىزدىكى ئاشۇ ئاتالمىش ‹‹ ئىشەنمەيمەن›› لەر ئىلىم-پەن ئەڭ يۇقۇرى پەللىدە تەرەققى قىلىۋاتقان بۈگۈنكى دەۋىردىمۇ ئۆزىنىڭ سىرلىقلىقى ،  بىباھالىقى بىلەن يەنە ئەتىۋارلىنىپ ، يۇقۇرى دەرىجىلىك كەسىپ ئەھلىلىرىنىڭ ئىتىراپ قىلىشىغا مۇيەسسەر بولۇپ ، دۆلەت ۋە خەلقارا دەرىجىلىك قوغدىلىنىدىغان ‹‹ ئالاھىدە غەييرى مەدەنىيەت مىراسلىرى ›› قاتارىدىن  ئورۇن ئېلىپ ، دۆلەت ۋە خەلقارا جەمئىيەتنىڭ زور مەبلەغ ۋە ئېچىش سىياسىتى جەھەتلەردە كۈچلۈك قوللىشى ۋە مەدەت بىرىشىگە مۇيەسسەر بولىۋاتىدۇ .
   بۇ يەردە يەنە شۇنىمۇ ئەسكەرتىپ ئۆتۈش زۆرۈر دەپ قارايمەن ، سىز ئۈگەنگەن ئاشۇ چىش دوختۇرلۇق ( غەرىپ تېبابەتچىلىك ئسلۇبى ) كەسپىنىڭ قاچانلاردىن ئاپىرىدە بولغانلىقىنى مەن ئىنىق بىلمەيمەن ، ئەمما ئۇنىڭ دىيارىمىز شىنجاڭغا كىرگىنىگە ئەمدىلا ئازدۇركام 100 يىلغا يېقىن ۋاقىت بولدى . ئۇنىڭ ئالدىدىكى نەچچە مىڭ يىللىق تارىختا ئۇيغۇرلارنى ئاساس قىلغان دىيارىمىزدىكى ھەر مىللەت خەلقىنىڭ ساقلىقىنى ساقلاش ، كېسەللىكلىرىنى داۋالاپ ، ھاياتىغا كاپالەتلىك قىلىش ئىشلىرىغا سىز ‹‹ ئىشەنمەي ›› كىلىۋاتقان ئاشۇ يەرلىك رېتسىپلار رول ئوينىماي ، نىمە رول ئويناپ كەلگەن ؟!    مۇشۇنداق تۇرۇقلۇق ، بىز خۇددى قۇدۇقنىڭ ئىچىگە چۈشۈپ كەتكەن پاقا ‹‹ قۇدۇقنىڭ ئىچىنى بىر ئايلىنىپ چىقىپلا پۈتۈن دۇنيا مۇشۇ شۇ ، مەن دۇنيانى ئايلىنىپ چىقتىم ، دۇنيادا مەن بىلمەيدىغان ھىچ نەرسە ھەم ھىچقانداق سىر يوق ›› دەپ  چۆيلىگىنىدەك ، ئۆزىمىز بىلمىگەنلەرنىڭ ھەممىنى ئىنكار قىلىپ يوققا چىقارساق سىزنىڭچە توغرا بولامۇ؟
   سىز  يېنىڭىزدىن ئازتولا پۇل چىقىرىپ ، ئالدىنقى يىللاردا شىنجاڭ خەلق نەشرىياتى تەرپىدىن نەشىر قىلىنغان ( ‹‹ ئۇيغۇر تېبابىتى كىلاسسىك ئەسەرلىرى ›› 12 توم ) ناملىق بىر يۈرۈش ئەسەرلەرنى سېتىۋېلىپ ، ياكى سېتىۋېلىشقا كۆزىڭىز قىيمىسا ،  تىجارەتتىن بوشانغان چاغلىرىڭىزدا ئاز تولا ۋاقىت چىقىرىپ ھەر قايسى جايلاردىكى كۈتۈپخانىلارغا بېرىپ  بۇ كىتاپلارنىڭ ھەر قايسىسىدىكى ‹‹ چىش كېسەللىكلىرى ›› باپلىرىنى كۆرۈپ قويۇڭ ( بۇ كىتاپلارنىڭ ئالدى سىز شۇغۇللىنىۋاتقان ئاتالمىش چىش دوختۇرلۇق كەسپى تۇغۇلىشتىن ئاز دىگەندىمۇ 1000 يىللار ئىلگىرى بىزنىڭ ئۇيغۇر ئەجداتلىرىمىز تەرىپىدىن يېزىپ قالدۇرۇلغان بىباھا گۆھەرلەردۇر ) .  بۇ كىتاپلاردا سىز ئىشەنمەيدىغان نەچچە يۈزمىڭلىغان يەرلىك رېتسىپلار ساقلىنىپ ياتماقتا . بۇ كىتاپلارنىڭ قايسى بىرىنى ئاچسىڭىز چىش كېسەللىكىنىڭ مىزاج بۇزۇلۇش تۈرىدىكى سەۋەبىلا 10 نەچچە تۈرگە بۆلۈپ سۆزلىنىدۇ . داۋالاش رېتسىپلىرى بولسا نەچچە 100 خىلغا بارىدۇ .
بۇ ئالەم سەۋەپ نەتىجىلىك ئالەم ، ھەر قانداق بىر ئىشنىڭ سەۋەبى بولغىنىدەك بىمارلاردا پەيدا بولىۋاتقان چىش ئاغرىقلىرىنىڭمۇ چوقۇم سەۋەبى بولىدۇ . سىز رېتسىپنى شۇ سەۋەبىگە قارىتا نىشانلىق ئىشلەتسىڭىزلا ئىشىنىمەنكى ئۇ چوقۇم ئۈنۈم بىرىدۇ . مەسىلەن سىز ماقالىڭىزدا ئىشەنمەيمەن دەپ مىسالغا ئالغان ئىككىنچى رېتسىپ ھەسەلنى تەھلىل قىلىپ كۆرەيلى : ھەسەل يېمەكلىكلەر ئىچىدىكى ئوزۇقلۇق قىممىتى ئەڭ يۇقۇرى بولغان تەبىئى قۇۋۋەت يېمەكلىكى بولۇپلا قالماستىن ، ئۇنىڭ يەنە تېبابەتچىلىكتە سوغۇق يەلنى ھەيدەش ، چىرىشكە قارشى تۇرۇش ، توسالغۇلارنى ئېچىش ئەزالارنى قۇۋۋەتلەشتىكى رولىمۇ ئالاھىدە ياخشى بولغان دورىدۇر . ئۇنى سوغۇق يەلدىن بولغان چىش ئاغرىقى ياكى چىشقا قۇرت چۈشۈشتىن بولغان چىش ئاغرىقىغا كۆرسىتىلگەن ئۇسۇل بويىچە ئەشلەتكەندە چوقۇم ئۈنۈمى بولىدۇ . يەنە ئۇندىن باشقا سىز ماقالىڭىزدا ئىشەنمەيمەن دەپ مىسالغا ئالغان بىرىنچى  رېتسىپ زەنجىۋىل بولسا قۇرۇق ئىسسىق تەبىئەتلىك دورا بولۇپ ، ئۇنىڭمۇ تېبابەتچىلىكتە سوغۇق يەلنى ھەيدەش ، چىرىشكە قارشى تۇرۇش ، توسالغۇلارنى ئېچىش جەھەتلەردىكى رولىمۇ ئالاھىدە ياخشى . ئۇنىمۇ چىشقا سوغۇق ئۆتۈش سەۋەبىدىن بولغان چىش مىلكى ياللۇغلىنىش ، چىش شامالدارىش ، سوغۇقتىن بولغان  زۇكام قاتارلىقلار سەۋەبىدىن كىلىپ چىققان چىش ئاغرىقلىرىغا كۆرسىتىلگەن ئۇسۇل بويىچە ئەشلەتكەندە چوقۇم ئۈنۈمى بولىدۇ . يەنە ئۇنىڭدىن باشقا  سوغۇق يەلدىن چىش مىلكى ياللۇغلىنىپ ئاغرىغان چىشنى تاش تۇز سۈيىدە چايقاپ بەرسىڭىزمۇ ناھايىتى تىزلا ئۈنۈمىنى كۆرىسىز .
بۇ يەردە كىلىپ چىققان سىزدىكى يەرلىك رېتسىپلارغا ئىشەنمەسلىك خائىشى مەنچە بۇنداق ئىككى خىل ئىھتىماللىقتىن بولغان : بىرىنچىسى ، سىز قايسى خىل رېتسىپنى قايسى خىل چىش ئاغرىقىغا ئىشلىتىشنى بىلمەسلىكتىن بولىدۇ . ئەگەر سىز ئۇنى بىلسىڭىز چىش ئاغرىپ ئالدىڭىزغا كەلگەن بىمارلار پۇل خەجلىمەي ياكى ئازلا پۇل خەجلەپ شۇ چىش ئاغرىقىدىن قۇتىلالايدۇ . ئىككىنچىسى ، سىز  قايسى خىل رېتسىپنى قايسى خىل چىش ئاغرىقىغا ئىشلىتىشنى بىلىشنى خالىماسلىقىڭىزدىن بولىدۇ . بۇنىڭدىكى ئاساسلىق مەسىلە مەنپەئەت توقۇنۇش مەسىلىسى . يەنى بىمارلارغا سىز ئاتالمىش ‹‹ ئىشەنمەيمەن ›› يەرلىك رېتسىپلارنى ئىشلەتسىڭىز بۇ بىۋاسىتە سىزگە ئېقىپ كىلىۋاتقان ئىقتىسادى كىرىم مەنبىيىڭىزنى ئۈزۈپ قويىشى ، ئۈزۈپ قويمىغاندىمۇ مەلۇم دەرىجىدە تەسىر كۆرسىتىشى تۇرغانلا گەپ . چۈنكى يەرلىك رېتسىپلاردىكى دورا مەنبەلىرىنىڭ ھەممىسى دىگۈدەك دىيارىمىز تۇپراقلىرىدىن چىقىدىغان تەبىئى يەرلىك مەھسۇلاتلار بولغاچقا ، ئۇنىڭ تەننەرقى تولىمۇ ئەرزان ھەم ھەممىگە ئاشكارە ، سىز ئۇنىڭدىن كۆپ پايدا ئالىمەن دەپ ھەر قانچە تىركەشسىڭىزمۇ ، ئۇنىڭ پايدىسى ھەرگىزمۇ سىز ھازىر شۇغۇللىنىۋاتقان ئاشۇ ‹‹ سىرلىق ماتىرىيال ۋە ئۈسكىنىلىرىڭىز›› نىڭ سىزگە يارىتىپ بىرىۋاتقان پايدىسىغا يەتمەيدۇ . بۇ خىل ھالەت تەبىئى ھالدا سىزنى ئاشۇ يەرلىك رېتسىپلارغا ئىشەنمەسلىككە سۆرەپ كىرگەن . بۇنىڭلىق بىلەن سىز بۇ خىل يەرلىك رېتسىپلارغا ئىشەنمەسلىك خائىشىڭىز بىلەن خەلقىمىزنى ئالداشقا ئۇرۇنسىڭىز ، ئەڭ مۇھىمى ئەجداتلىرىمىز ئەتىۋارلاپ بىزگىچە يەتكۈزگەن ئاشۇ گۆھەرلەرنى دەپسەندە قىلىشقا ئۇرۇنسىڭىز ۋىجدانىڭىز كۆتىرەمۇ ؟
   شۇڭا دوستۇم turukyar 219›› مەن دەيمەن سىز نىمە ئىش قىلىڭ ، نىمە كەسىپ قىلىڭ چوقۇم كەسپىڭىزگە ئەقىدە باغلاپ دۇرس يولدا مېڭىڭ . قىلىۋاتقان كەسپىڭىزگە باشقا خىلدىكى غەيرى مۇددىئا ئارلىشىپ كەتمىسۇن . ئەگەر ئۇنداق بولمىغاندا بۇغدايغا قارىمۇق ئارلىشىۋالغاندەكلا بىر كۆڭۈلسىز ئىش بولۇپ ، ئاخىرقى ھىساپتا زىيان تارتقۇچىلار قاتارىدىن ئورۇن ئېلىپ قالىسىز .
   دوستۇم turukyar 219›› مىنىڭ سۆزلىرىم بەلكىم سىزگە قاتتىق كەتكەن بولىشى ، سىزنى سوغۇق تەرلەرگە چۈمدۈرگەن بولىشى مۇمكىن . شۇنداقتىمۇ  بۇ بەلكىم سىزگە نىسبەتەن بىر قېتىملىق غىدىقلاش تۇيغۇسىنى بىرىپ ، سىزنى غەپلەت ئۇيقۇسىدىن بالدۇرراق ئويغۇنىشقا سەۋەپ بولۇپ قالار ، دىگەن ئۈمۈتتە قەلەم تەۋرىتىشكە مەجبۇر بولدۇم . چۈنكى بىز تونۇشمىساقمۇ  تورداش دوسلاردىندۇرمىز ، ‹‹ دوس يىغلىتىپ ئېيتار دۈشمەن كۈلدۈرۈپ ›› . مىنى كەچۈرۈڭ ھەقىقەتتىن ئىككى كەلىمە سۆزلىگەنلىرىمنى ئېغىر ئالمىغايسىز . ئامان بولۇڭ ، كەسپىڭىز ئۇتۇقلۇق بولغاي !

قاپلان115

2015- يىل 7- ئاي29- كۈنى ( خوتەن )

كىتاب12 · ۋاقتى: 2015-7-31 21:45:55

ساغلاملىققا مۇناسىۋەتلىك بۇ تىمڭىزدىن سۈيۈندىم ، مۇشۇنداق تىملارنى دائىم يوللاپ تۇرۇڭ.

pisan · ۋاقتى: 2015-10-8 13:16:11

ئالتۇننى زەگەر سوققىنى ياخشى،