ئۇستازلىق سەپىرىدىن ئانىلىق سەپىرىگىچە

مەرىپەت

ئۇستازلىق سەپىرىدىن ئانىلىق سەپىرىگىچە

+ g; T- e7 [6 P9 m% p9 ~  ئەدەبىي خاتىرە

" K/ }+ m3 f8 ?1 A1 x" _4 [   
; [. d' I2 \) e/ x5 c
, B6 J( L1 C3 r+ P: X* E" J# x بۇ ھەقىقى بولغان ۋەقە.
: w0 F- R3 i* v% b1 M$ {  2002 -يىلى 12-ئاينىڭ باشلىرى ئىدى. بۇ يىل قىشتا 12-ئايغىچە قار ياغمىغان بولسىمۇ ،  چىقىۋاتقان شامالنىڭ سوغۇقى كىشىنىڭ يۈزىگە نەشتەردەك سانجىلاتتى.
0 }: p# ~7 S& T, {3 @2 ]  ئەتىگەندىن بېرى دەرس ئۆتۈپ ھېرىپ -چارچاپ كەتكەن گۈزەلنۇر خانىم ئوقۇغۇچىلارنى ئۆيلىرىگە قۇيىۋېتىپ ، سىنىپتىكى ئىشىنى تۈگۈتۈپ ئوقۇتقۇچىلار ئىشخانىسىغا كىرگەندە  باشقا ئوقۇتقۇچىلار ئاللىقاچان ئىشتىن چۈشۈپ ،ئۆيلىرىگە كېتىپ بولغاندى. شۇندىلا ئۆيدە يالغۇز قالغان كېسەلچان يولدىشى گۈزەلنۇر خانىمنىڭ ئېسىگە كەلدى ۋە ئالدىراپ -تېنەپ ئىشخانىنىڭ ئىشىكىنى تاقاپ ئۆيىگە قاراپ ماڭدى.
  گۈزەلنۇر خانىم ئۆيىگە كەلگەندە ئەتراپقا گۈگۈم پەردىسى يېيىلغان ئىدى. ئۇ ئىشىكتىن كىرىپلا يولدىشىنىڭ يېنىغا بېرىپ ئۇنىڭدىن ئەھۋال سورىدى، يولدىشىنىڭ ئەھۋالىنىڭ بىر ئاز ياخشىلىقىنى بىلگەندىن كېيىن خاتىرجەم بولۇپ  كەچلىك تاماققا تۇتۇش قىلدى.
, R' f" i) n* f4 d  گۈزەلنۇر خانىمنىڭ يولدىشى ئەسلىدە ناھىيەلىك قوراللىق قىسىم ئەترىتىدە خىزمەت قىلىدىغان بولۇپ، جىگەر راكى كېسىلىگە گىرىپتار بولغاندى.كۆپ قېتىم يۇقىرى دەرىجىلىك دوختۇرخانىلارغا ئاپىرىپ داۋالاتقان بولسىمۇ ئۈنۈمى بولماي، يېشىنىڭ چوڭىيىشىغا ئەگىشىپ ، جىگەر راكى كېسىلى ئېغىرلىشىپ ئاخىرقى باسقۇچقا بېرىپ قالغاچقا ،ئىشلەۋاتقان ئىدارىسىدىن ئۇنىڭ ئەمەلىي ئەھۋالىنى كۆزدە تۇتۇپ دەم ئېلىشقا چىقىرىپ قويغاندى، شۇنىڭدىن بېرى گاھىدا ئۆيدە، گاھىدا دوختۇرخانىدا داۋالىنىپ دىگەندەك كۈن ئۆتكۈزۋاتاتتى. گۈزەلنۇر خانىم مۇشۇلارنى ئويلاۋېتىپ يولدىشىغا قاپ ئۇھسىنىپ قويدى،بۇ چاغدا ئىشىكتىن قىزى گۈلنۇر بىلەن ئوغلى جاسارەت كىرىپ كەلدى. ئۇلار مەكتەپتىن قايتىپ كەلگەن ئىدى. ئۇلار دادىسىنىڭ يېنىغا بېرىپ ئەھۋال سورىۋەتكەندىن كېيىن ، گۈلنۇر تاماق ئېتىشكە ياردەملىشىش ئۈچۈن ئاپىسىنىڭ يېنىغا كەلدى، ئوغلى جاسارەت سىرتقا ماڭدى.
  كەچلىك تاماق يېيىلىپ بولدى، قاچا -قۇچىلار يىغىشتۇرۇلۇپ ئىشلار بىرەر قۇر تۈگىگەندىن كېيىن ، گۈلنۇر بىلەن جاسارەت ئۆگىنىش قىلىش ئۈچۈن ئولتۇردى ، گۈزەلنۇر خانىم ئادىتى بۇيىچە ئۇلارنىڭ دەرس تەكرار قىلىشىغا يېتەكچىلىك قىلماقچى بولۇپ بالىلىرىنىڭ يېنىغا كېلىپ ئولتۇردى ۋە بىردىنلا بۈگۈن ئەتىگەن يۈز بەرگەن مۇنۇ ئىش ئۇنى ئورنىدىن دەس تۇرغۇزۋەتتى...
4 D+ c8 b6 E% {1 S' W  گۈزەلنۇر خانىم بۈگۈن  2-سائەتتە سىنىپقا كىرىپ دەرسنى ئۆتۈپ تۈگەتتى ۋە ئوقۇغۇچىلارنىڭ ئىختىيارى  مەشىق ئىشلىشىگە يېتەكچىلىك قىلدى بۇ چاغدا  سىنىپتىكى ئەخمەت ئىسىملىك ئوقۇغۇچى گۈزەلنۇر خانىمنىڭ يېنىغا كېلىپ :
  -مۇئەللىم ،ئەركىن ھازىرغىچە  كەلمىدى ، ئۇ بەلكىم  بۈگۈن مەكتەپكە كېلەلمەسلىكى مۇمكىن ،-دىدى.
  گۈزەلنۇر خانىم ئەجەبلىنىپ:
  -نىمىشقا كەلمەيدىكەن ؟ ،- دەپ سورىدى.
  -مۇئەللىم، ئەركىننىڭ تۇرىدىغان ئۆيى يوق، كېچىللىرى قەيەردە يېتىۋاتىدىكىن ، مەنمۇ بىلەلمىدىم ،-دىدى ئەخمەت.
  - ھەدىسىنىڭ ئۆيىچۇ ؟ گۈزەلنۇر خانىم ھەيران بولۇپ سورىدى.
  -ھەدىسىنىڭ ئۆيىدە تۇرماپتۇ، ئالدىنقى ھەپتىدە بىزنىڭ ئۆيدە تۇرغان ، جۈمە كۈنى كەچتە مەكتەپتىن قويۇپ بەرگەندىن كېيىن بىزنىڭ ئۆيگە كېتەيلى دىسەم ئۇنىماي كېتىپ قالغان، دەم ئېلىش كۈنلىرىدە ئۇنى كۆرمىدىم ، بۈگۈن ئەتىگەندىن ئۇنى ساقلىسام كەلمىدى،- دىدى ئەخمەت.
+ f  n7 A3 d% l6 `-ئەمىسە ئۇنىڭ كۆپرەك تۇرىدىغان جايىنى بىلەمسىز؟،-دەپ سورىدى گۈزەلنۇر خانىم.
  - باشقىلاردىن ئاڭلىسام ، ئۇ كۈندۈزلىرى ئاشخانىلاردا ئىشلەيدىكەن،كېچىلىرى نان ياقىدىغان تۇنۇردا ياتىدىكەن دىدى قىسقىلا قىلىپ.
   گۈزەلنۇر خانىم بۇ گەپنى ئاڭلاپ بېشىدىن بىر چېلەك سوغاق سۇ قۇيغاندەكلا ئەندىكىپ كەتتى. شۇ چاغدا  مەكتەپ كانىيىدىن گىمناستىكا مۇزىكىسى چىقتى، گۈزەلنۇر خانىم ئالدىراپ -تېنەپ ئوقۇغۇچىلارنى تىزىلدۇرۇپ گىمنىستىكا ئويناش ئۈچۈن مەيدانغا چىقىپ كەتتى، شۇنىڭ بىلەن بىر كۈنلۈك ئالدىراشچىلىق ۋە جىددىيچىلىك ئىچىدە ئەتىگەنكى بۇ سۆھبەتنى پۈتۈنلەي ئۇنتۇپ كەتكەن ئىدى.
  كەچ سائەت توققۇز بولغاندا ئەتىگەنكى بۇ سۆھبەتنىڭ ئەمدى ئېسىگە كەلگىنىنى قارىمامدىغان، گۈزەلنۇر خانىم بىردەمدىلا جىددىيلىشپ قويغان تۇتقىنىنى بىلمەي، ئىچى تىتىلداپ ئولتۇرالمايلا قالدى  ۋە ئىككىلەنمەستىن  ئىشىك يېنىدىكى ئىلغۇچتىن چاپىنىنى ئېلىپ كىيىپلا سىرىتقا ماڭدى.
& P" L* B* K$ D, u; b0 p  ئەخمەتنىڭ ئۆيى گۈزەلنۇر خانىمنىڭ ئۆيىدىن ئانچە يىراق ئەمەس ئىدى، ئۇلار بىر مەھەللىدە ئولتۇراتتى، ئەركىن گۈزەلنۇر خانىمنىڭ سىنىپىغا باشقا مەكتەپتىن يۈتكىلىپ كەلگىلى بىر يىلمۇ بولمىغان ئىدى.ئەركىن بۇ سىنىپقا يۈتكىلىپ كەلگەن چاغدا ئۇنىڭ بىلەن بىللە كەلگەن كىشى مەكتەپنىڭ تۈرلۈك يۈتكىلىش رەسمىيەتلىرىنى بېجىرىپ ، بىر كۈنى چۈشتىن كىيىنكى ۋاقىتتا ئەركىننى باشلاپ سىنىپقا كىردى.بۇ چاغدا سىنىپتا ئوقۇغۇچىلار گۈزەلنۇر خانىمنىڭ يېتەكچىلىكىدە ئۆگىنىش قىلىۋاتاتتتى .
7 J' X% G5 w1 P/ P  گۈزەلنۇر خانىم ئۇلارنىڭ ئالدىغا كۈلۈمسىرەپ كەلدى. ئەركىن بىلەن بىللە كەلگەن كىشى ئەركىننىڭ مۇشۇ سىنىپقا باشقا مەكتەپتىن يۈتكىلىپ كەلگەنلىكىنى ،ئۇنىڭ ئاتا-ئانىسىنىڭ ئالدىنقى يىلى قازا قىلىپ كەتكەنلىكىنى ، ناھىيە بازىرىدا بىر ھەدىسىنىڭ تىجارەت قىلىپ تۇرمۇشىنى قامداپ كېلىۋاتقانلىقىنى ، ئەركىننىڭ شۇ ھەدىسىنىڭ ئۆيىدە تۇرىدىغانلىقىنى ئېيتىپ بېرىپ كېتىپ قالدى.ئارىدىن بىر سائەت ئۆتكەندىن كېيىن گۈزەلنۇر خانىم ئوقۇغۇچىلارنى ئائىلىسىگە قۇيىۋەتكەندىن كېيىن ، ئەركىننى ئېلىپ قېلىپ ئۇنىڭ  ئائىلىسىنىڭ تەپسىلىي ئەھۋالىنى سورىدى.
- a; _0 e9 p& f' C9 C) z  ئەركىن مۇنداق دىدى:
0 B2 J! W  k5 {* b+ G' O/ [  مەن ئەقلىمنى بىلسەم مومام بىلەن بىللە ياشاپ كەپتىمەن، ئاتا-ئانام مەن كىچىك  چاغدىلا قازا قىلىپ كېتىپتىكەن، مومام بەكلا ياشىنىپ قالغاچقا ئالدىنقى يىلى ئۇمۇ قازا قىلىپ كەتتى، خوشنىلارنىڭ ياردىمىدە نەزىر-چىراق ئىشلىرىنى قىلىپ تۈگەتتۇق، ئۇرۇق تۇققانلىرىممۇ بولمىغاچقا كەنتىمىزدىكى مەكتەپنىڭ مۇدىرى مېنى ئۆزىنىڭ ئۆيىگە ئېلىپ كەتتى. بۇ چاغدا مەھەللىمىزدىكى باشلانغۇچ مەكتەپنىڭ ئىككىچى يىللىقىدا ئوقۇۋاتاتتىم، ئارىدىن ئۇزۇن ئۆتمەي ناھىيە بازىرىدىكى مومامنىڭ يىراق تۇققىنى (ھازىر ئۆيىدە تۇرىۋاتقان ھەدىسى) بىزنى يوقلاپ بېرىپتىكەن مەكتەپ مۇدىرىمىز ھەدەم بىلەن بولغان تۇققاندارچىلىق مۇناسىۋىتىمىزنى تەپسىلىي سوراپ بىلگەندىن كېيىن مېنىڭ ھەدەم بىلەن بىللە تۇرىشىمغا قوشۇلدى ھەم مەكتەپ مۇدىرىمىز مەكتەپنىڭ يۈتكىلىش رەسمىيەتلىرىنى بېجىرىپ مېنى بۇ سىنىپقا ئەكىلپ قويدى ، بۇنىڭدىن كېيىن ھەدەمنىڭ ئۆيىدە تۇرىمەن، ھەدەم ھالىمدىن خەۋەر ئالىدۇ دىدى، شۇنىڭدىن كېيىن گۈزەلنۇر خانىم ئەركىننى ھەدىسىنىڭ ئۆيىدە ياخشى تۇررىۋاتىدۇ دەپلا ئويلاپ كەلگەن ئىدى.
, C$ ~7 N1 Y8 [, u$ h
    ئارىدىن بىر يىل ئۆتكەندە ئەركىننىڭ ئائىلىسىگە نىمە بولغاندۇ؟گۈزەلنۇر خانىم ئويلاۋېرىپ تېگىگە يېتەلمىدى.  
5 B. Z; a+ L& S6 h1 i7 @6 g   گۈزەلنۇر خانىم  ئۆيدىن چىقىپ ئۇزاق ماڭمايلا  سىنىپىدىكى ئوقۇغۇچىسى ئەخمەتنىڭ ئۆيى ئالدىغا كېلىپ ئىشىكنى چەكتى ، ئۆيدىن ئەخمەتنىڭ دادىسى ئابلىزقارى چىقتى . ئابلىزقارى گۈزەلنۇر خانىمنىڭ كېلىش سەۋەبىنى بىلگەندىن كېيىن  ئەخمەتنى چاقىرىپ گۈزەلنۇر خانىمغا قوشۇپ قويدى، ئۇلار ئەركىننى ئىزدەپ تۈن قاراڭغۇلىقىدا غايىپ بولدى.
  گۈزەلنۇر خانىم بىلەن بىلەن ئەخمەت ئەركىننى ئىزدەپ بارمىغان كوچا قالمىدى ھەتتا سىنىپىدىكى يېقىن ئۆتىدىغان ساۋاقداشلىرىنىڭ ئۆيىگىمۇ باردى يەنىلا يوق بولۇپ چىقتى، ئۇلار ئىزدەشنى توختاتمىدى ، كېچىنىڭ جاندىن ئۆتىدىغان سوغۇقى ئۇلارنى خېلىلا ھالسىرتىپ قويدى، ئۇلار ئىزدەۋېرىپ تاپالماي،  ناھىيە بازىرىنىڭ سىرتىغا چىقىپ ، مەھەللىلەرنى ئىزدەشكە باشلىدى، ئۇلارنىڭ جاپاسى بىكارغا كەتمىدى ، ئۇلار ئەركىننى مەھەللىنىڭ يول بۇيىدىكى قاتارلاشتۇرۇپ سېلىنغان ئاشخانىلارنىڭ ئالدىدىكى تۇنۇرلارنىڭ ئەڭ چەتتىكى بىر تۇنۇرنىڭ ئىچىدە تۈگۈلۈپ ياتقان يېرىدىن تاپتى.بۇ چاغدا كېچە سائەت 11 بولاي دىگەن چاغ ئىدى. ئۇلار ئۆيگە كەلگەندىن كېيىن گۈزەلنۇر خانىم ئەركىننى يۇيۇندۇرۇپ ، ئوغلى جاسارەتنىڭ كىيىمىنى ئەچىقىپ كىيدۈرۈپ قويدى.
   ئەتىسى سەھەردە گۈزەلنۇر خانىم ئۆيدىكىلەرگە ناشتىلىق بېرىپ بولغاندىن كېيىن ، ئوغلى بىلەن قىزىنى مەكتەپكە ماڭدۇرۋېتىپ ، ئەركىننى يېنىدا ئولتۇرغۇزۇپ  ئۇنىڭ ھەدىسىنىڭ ئەھۋالىنى سورىدى.
   ئەركىن ھەدىسىنىڭ ئەھۋالىنى قىسقا قىلىپ مۇنداق دىدى:
   ھەدەمنىڭ ئۆيىگە كەلگەن دەسلەپكى كۈنلەردە ھەدەم ماڭا ياخشى قارىدى ، بىراق كېيىنكى كۈنلەردە ھەدەمنىڭ يولدىشى تولا تاپا-تەنە قىلىدىغان بولۇپ قالدى، بىر كۈنى ھەدەمگە:‹‹  ئاۋۇ يىتىم ئوغلاقنى ئۆيدىن يوقات بولمىسا ، سېنىمۇ بىللە قوشۇپ ئۆيدىن قوغلىۋېتىمەن›› دىگەن گېپىنى ئاڭلاپ قالدىم، شۇڭا ئۇ ئۆيدە تۇرغۇم كەلمەي چىقىپ كېتىپ ، ئاشخانىلاردا ، ناۋايخانىلاردا ئىشلەپ جېنىمنى باقتىم، شۇنداق قىلمايمۇ ئامالىم يوق، -دىدى ئەركىن بېشىنى تۆۋەن سېلىپ.
$ X$ O, v+ ~4 T4 m/ H8 `  گۈزەلنۇر خانىمنىڭ ئىچى سىرىلىپ ،كۆزلىرىدىن قانداقلارچە ياش چىقىپ كەتكىنىنى سەزمەيلا قالدى...
  شۇنىڭدىن كېيىن ئەركىن گۈزەلنۇر خانىمنىڭ ئۆيىدە تۇرۇپ قالدى، ئەتىگىنى ئەركىن گۈزەلنۇر خانىم بىلەن بىللە مەكتەپكە باراتتى، كەچتە ئىشتىن چۈشكەندە ئۇلار  ئۆيگە بىللە قايتىپ كېلەتتى....
  شۇنداق قىلىپ ئارىدىن تۆت يىل ۋاقىت ئۆتۈپ كەتتى. گۈزەلنۇر خانىمنىڭ يولدىشىنىڭ كېسەللىك ئەھۋالى ئېغىرلىشىپ ، داۋالاش ئۈنۈم بەرمەي قازا قىلىپ كەتتى، ئۆيدىكى ئۈچ بالا گۈزەلنۇر خانىمنىڭ بېقىشىغا قالدى، گۈزەلنۇر خانىم بارىلىق دەرت-ھەسىرەتلىرىنى ئىچىگە يۇتۇپ، رىئاللىققا يۈزلىنىپ مەردانە قەدەملەر بىلەن ھاياتلىق يولىنى بېسىشقا باشلىدى. بۇ چاغدا ئەركىن باشلانغۇچ مەكتەپنىڭ  ئالتىنچى يىللىقىدا ئوقۇۋاتاتتى. ئارىدىن ئۇزۇن ئۆتمەي ئالتىنچى يىللىق ئوقۇغۇچىللىرىنىڭ ئىچكىردىكى تولۇقسىز سىنىپلىرىغا ئىمتىھان بېرىدىغان ۋاقتىمۇ كېلىپ قالدى.ئەركىن سىنىپتا ئالدىنقى قاتاردىكى ياخشى ئوقۇغۇچى بولغاچقا ، ئۇمۇ ئىمتىھانغا قاتناشتى، ئەركىننىڭ بۇ قېتىملىق ئىمتىھاندىن ياخشى نەتىجە بىلەن ئۆتۈپ كېتىشى بۇ ئائىلىگە خۇشاللىق ئېلىپ كەلدى.
7 T1 q: b5 B/ L$ K  گۈزەلنۇر خانىم ئەركىننىڭ بارىلىق تەييارلىقلىرىنى قىلىپ سانجىدىكى 2-ئوتتۇرا مەكتەپكە ئۈچ يىللىق ئوقۇشقا ماڭدۇردى...
0 f9 p  S8 ]1 S- M4 R) t: f5 b4 t  ئەركىن سانجىدىكى مەكتەپتىمۇ ئۈچ يىل ئەلا ئوقۇپ ، ئىچكىرىدىكى تولۇق ئوتتۇرا سىنىپلىرىغا ئىمتىھان بېرىپ ياخشى نەتىجە بىلەن ئىمتىھاندىن ئۆتۈپ ، چاڭچۈن شەھەرلىك ئۈمۈد تولۇق ئوتتۇرا سىنىپىغا قوبۇل قىلىندى.
  گۈزەلنۇر خانىمغا شۇ يىلى قوش خۇشاللىق بولدى. چوڭ قىزى گۈلنۇر ئالىي مەكتەپنى پۈتتۈرۈپ ناھىيە ئىچىگە خىزمەتكە تەقسىم قىلىندى. مۇشۇ خۇشاللىقلارنى كۆرۈش ئۈچۈن گۈزەلنۇر خانىم ئاز بولمىغان جاپالارنى تارتتى، يېنىدا ئازراقمۇ پۇل قالمىغان چاغلىرىدا . غېرىپلىق ھېس قىلغان چاغلىرىدا ،بۇ كۈنلەرمۇ ئۆتۈپ كېتىدۇ  دەپ چىشىنى چىشلەپ ئۆز-ئۆزىگە تەسەللىي بېرىپ كەلدى.
  ئەركىننى ئوقۇشقا ئۇزۇتۇپ قويىدىغان ۋاقىتمۇ يېتىپ كەلدى. گۈزەلنۇر خانىم ئەركىننىڭ تەييارلىقلىرىنى قىلىپ، چاڭچۈن شەھەرلىك ئۈمۈد تولۇق ئوتتۇرا مەكتەپ شىنجاڭ سىنىپىغا ئوقۇشقا ئەۋەتتى. ئەركىن شۇ يەردە ئىككى يىل ئوقۇغاندىن كېيىن ،ئۇزۇقلۇق يېتىشمەسلىك ۋە  ئاشقازان ئاستى بەز ياللۇغى كېسەللىكى بىلەن ئوقۇشقا ئامالسىز قېلىپ ، چاڭچۈندىكى مەكتىپىدىن قايتىپ كېلىپ ، ناھىيەلىك 1-ئوتتۇرا مەكتەپنىڭ 3-يىللىقىدا  بىر يىل ئوقۇغاندىن كېيىن ئالىي مەكتەپكە ئىمتىھان بەردى ۋە يۇقىرى نومۇر بىلەن شىنجاڭ  پىداگوگىكا ئۈنۋىرسىتىتىنىڭ ماتېماتىكا فاكۇلتىتىغا قوبۇل قىلىندى.
* S8 o$ {, X9 q; ~" G+ @5 `گۈزەلنۇر خانىمغا بۇ يىلمۇ قوش خۇشاللىق بولدى. گۈزەلنۇر خانىمنىڭ يەنە بىر ئوغلى جاسارەتمۇ شۇ يىلى ئالىي مەكتەپكە ئىمتىھان بېرىپ ،قەشقەر شەھەرلىك پىداگوگىكا ئۈنۋېرسىتىتىغا قوبۇل قىلىندى. گۈزەلنۇر خانىم ئىككى ئوغلىنىڭ ئوقۇش تەييارلىقىنى بىراقلا قىلىپ ئىككىسىنى تەڭلا ئوقۇشقا ماڭدۇردى.
# E. B7 V# {/ K! N/ G; h  بۇ خەۋەرنى ئاڭلىغان بەزى ياخشى نىيەتلىك كىشىلەر  ئەركىننىڭ مەكتەپتىكى ئەھۋالىنى كۆزدە تۇتۇپ ، قولىدىن كېلىشىچە ئىقسادىي جەھەتتىن ياردەم قىلدى ھەم گۈزەلنۇر خانىم ئىشلەۋاتقان مەكتەپتىنمۇ ئىقسادىي جەھەتتىن ياردەم قىلدى. شۇنىڭ بىلەن گۈزەلنۇر خانىمدا قايتىدىن ئۈمۈد تۇغۇلۇپ ، ئەركىننى ئالىي مەكتەپنى پۈتتۈرگىچە ئوقۇتۇش قارارىغا كەلدى.
     ...
" `! W. \9 I, ]$ k3 C% W  ئەركىن ھازىر  شىنجاڭ  پىداگوگىكا ئۈنۋىرسىتىتىدىكى ئوقۇشنىڭ ئىككى يىللىقىنى تاماملاپ سانجى شەھىرىدە پىراكتىكا قىلىۋاتىدۇ. گۈزەلنۇر خانىمنىڭ يەنە بىر ئوغلى جاسارەتمۇ پىراكتىكا ۋاقتىنى تاماملاپ قەشقەردىكى مەكتىپىگە قايتىپ كەتكىلى بىر ئاي بولۇپ قالدى.
  ھەر قايسى تىلىۋېزىيە ئىستانىسلىرىدىن گۈزەلنۇر خانىمنىڭ ئىش-ئىزلىرىنى تونۇشتۇرماقچى بولۇپ ، قانچە قېتىملاپ زىيارەت قىلىپ كەلگەن بولسىمۇ گۈزەلنۇر خانىم ئۇلارنىڭ زىيارىتىنى رەت قىلدى، چۈنكى گۈزەلنۇر خانىمنىڭمۇ ئويلىغانلىرى بار ئىدى.
4 H- W  Y9 G$ J+ z, b+ @' v  گۈزەلنۇر خانىمنىڭ ئىككى ئوغلى ھەر قېتىم ئىشىكتىن :‹‹ئانا ! ›› دەپ توۋلاپ كىرگەندە ، ئۇلارغا قاراپ ھاردۇقى چىقىپ قالاتتى.
  گۈزەلنۇر خانىم باشقىلارنىڭ ماختاشلىرىنى ئاڭلىغاندا ، ئۇ:‹‹مەن بىر خەلق ئوقۇتقۇچىسى  شۇنداقلا بىر ئانا ،بارىلىق ئوقۇغۇچىلىرىمنى ئۆز بالامدەك كۆرىمەن،
8 p7 @" p- a* iبۇ مېنىڭ قىلىشقا تىگىشلىك ئىشىم ، ئوقۇغۇچىلارنى تاشلاپ قويماي ياراملىق ئادەم قىلىپ تەربىيەلەش ، ھەر بىر ئوقۇتقۇچىنىڭ باش تارتىپ بولمايدىغان يۈكسەك مەسئۇلىيىتى ۋە مەجبۇرىيىتى›› دەپ جاۋاپ بېرەتتى.
5 i( N" n# c- }8 C% c+ C1 e  
/ v5 L- F) Q0 I5 Y4 U  ئەسكەرتىش: كىشى ئىسىملىرى ئۆزگەرتىلدى.

     2015-يىل 6-يانۋار

نۇرلان

مۇشۇنداق پەزىلەتلىك ئانىلىرىمىزنىڭ بولغىنى-بىزنىڭ كەلگۈسىمىزنىڭ پارلاق بولىدىغېنىنىڭ نامايەندىسى. ئاشۇ پەرىشتە سۈپەت ئانىلىرىمىز توغراق يېشىدا ياشىغاي!
) U7 t" m, n% e& q. j7 P7 \: }4 \8 Kمەرىپەت خانىمنىڭ ئەمگىكىگە رەھمەت.

نەۋرۇز

مەرىپەت خانىم مونبەردىن خېلى كۈنلەر بولدى يوقاپ كىتىپ ياخشى بىر تېمىنى ئەپ كەپسىز. تولىمۇ سۈيۈنۈش ئىچىدە ئوقۇدۇم. رەھمەت سىزگە . مونبەردە بولسىمۇ دىدارلىشىپ تۇرايلى.

جام

) R2 a( o5 I& H) ?
; d+ U6 n7 G8 q* Qبۇ بىر ھەقىقىي كەچمىش ئىكەن. مەن مائارىپ ساھەسىدىن- دەرس مۇنبىرىدىن ئايرىلغىلى شۇنچە يىللار بولغان بولسىمۇ ئەمما ھامان قەلبىمدە ئەشۇ ئوقۇتقۇچى- ئوقۇغۇچىلار تۇرمۇشى ۋە ئۇلارنىڭ ئىش- پائالىيەتلىرى كۆز ئالدىمدىلا، ئۇنىڭ ئۈستىگە ئۆزۈمنىڭ بىر قىسىم جەھەتتىكى ئىجتىمائىي ئالاقەم ئېھتىياجى تۈپەيلىدىن مۇشۇ تۇرمۇش ئىچىگە چۆكۈپ، ئۇلارنىڭ تۈرلۈك دەرت- ھەسرەتلىرىنى دائىم ئاڭلاپ تۇرىمەن، ئۇلار بىلەن سىردىشىپ تۇرىمەن. ھۆرمەتلىك «مەرىپەت» خانىمنىڭ بۇ ھەقىقىي ئىشلار تېمىسىنى كۆرگەندىن كېيىن، ئۆزۈم شۇنچىلىك ھاياجانلاندىم ھەم مۇشۇ ھەقىقىي ئىشلارنىڭ پىرسۇناژلىرىنىڭ بۇنىڭدىن كېيىنكى سالامەتلىكى ھەم بارلىق ئىشلىرىغا ئەڭ زور ئىنسانىي قەلبىم بىلەن ياخشى تېلەكلەرنى بىلدۈرۈىمەن شۇنداقلا مۇشۇنداق قالتىس بىر كەچمىش بىلەن بىزنى ئورتاقلاشۇرغان ھۆرمەتلىك «مەرىپەت» خانىمغا چەكسىز ھۆرمەت ئىچىدە سالامەتلىك ۋە ئۇتۇق تېلەيمەن.

مەرىپەت

نەۋرۇز يوللىغان ۋاقتى  2015-1-6 19:07
مەرىپەت خانىم مونبەردىن خېلى كۈنلەر بولدى يوقاپ كىتىپ  ...

شۇ خىزمەت ئالدىراشچىلىقىدا مۇنبەرگە كىرىپ بولالمىدىم، ئەمدى ۋاقتىم چىقسىلا كىرىپ تۇرىمەن.  نەۋرۇز ئەپەندىمگە رەھمەت.

مەرىپەت

نەۋرۇز يوللىغان ۋاقتى  2015-1-6 19:07
مەرىپەت خانىم مونبەردىن خېلى كۈنلەر بولدى يوقاپ كىتىپ  ...

شۇ خىزمەت ئالدىراشچىلىقىدا مۇنبەرگە كىرىپ بولالمىدىم، ئەمدى ۋاقتىم چىقسىلا كىرىپ تۇرىمەن.  نەۋرۇز ئەپەندىمگە رەھمەت.

مەرىپەت

جام يوللىغان ۋاقتى  2015-1-7 04:53
بۇ بىر ھەقىقىي كەچمىش ئىكەن. مەن مائارىپ ساھەسىدىن- دەر ...

مەن بۇنى خېلى بۇرۇنلا يېزىش قارارىغا كەلگەن بىراق  خىزمەتنىڭ ئالدىراشچىلىقىدىن يېزىپ بولالمىغاندىم، ئەمدى بولسىمۇ يېزىپ  گۈزەلنۇر خانىمغا ئوخشاش ياخشى ئانىلارنىڭ ئەۋلاتلارنى تەربىيەلەش ۋەزىپىسىنى ئۈستىگە ئېلىپ، ئەشۇ ئاددىي خىزمەت ئورنىدا  ھاردىم- تالدىم دىمەي ئۈن-تىنسىز  جاپا چىكىپ ئەۋلاتلارنى ياخشى تەربىيەلەۋاتقان ئىش-ئىزلىرىدىن بىرلىكتە خەۋەردار بولاي دەپ يوللىدىم.
جام ئەپەندىمگىمۇ رەھمەت.