ئۇستاز قەلبى - بارلىق جاپاكەش ئوقۇتقۇچىلارنىڭ بايرىمىنى تەبرىكلەپ

HIRISTAL

       

(نەسىر)
قەلبىنۇر ئۇبۇل ھەسەن


( يېتىپ كېلىش ئالدىدا تۇرىۋاتقان بارلىق جاپاكەش ئوقۇتقۇچىلارنىڭ بايرىمىنى تەبرىكلەيمەن)

                                            

ئەي سۆيۈملۈك ئۇستاز، مەن قەلبىڭنى پارلاپ تۇرغان قۇياشقا ئوخشىتىمەن. قۇياش ئۆزىنىڭ ئىللىق نۇرىنى سېخىلىق بىلەن بىلەن چېچىپ  يەر-زىمىننى نۇرلاندۇرسا، سەن ئۆزۈڭنىڭ بىغۇبار،پاك قەلب نۇرلىرىڭ بىلەن سەبىلەر قەلبىگە ئەقىل ئۈنچىلىرىڭنى چېچىپ، بۇ دۇنيانىڭ سىر ھىكمەتلىرى بىلەن سۇغىرىپ، ئىنسانىيەت ئۈچۈن ئۇلۇغ تۆھپىلەرنى يارىتىدىغان جەسۇر، باتۇر ،ئۆزىنى بېغىشلاش روھىغا ئىگە ئەۋلادلارنى تەربىيلەيسەن.
ئۇستاز، مەن قەلبىڭنى ئۆركەشلەپ تۇرغان ئەزىم دەرياغا ئوخشىتىمەن.دەريا سۈپ-سۈزۈك ئۈنچىلىرى بىلەن ئىنسانلارنى سەگىتىپ،ئۇلارغا ھوزۇر ئاتا قىلسا، سەن ئۆزۈڭنىڭ يۈكسەك ئەخلاق-پەزىلىتىڭ بىلەن بارلىق ئەقىل ئىگىلىرىنىڭ قەلب بېغىنى گۈللەر بىلەن بېزەپ، قۇرىماس بىلىم بۇلاقلىرىنىڭ شەربەت كەبى سۈيىدە سۇغىرىسەن.
ئۇستاز، مەن سېنى مېھرىبان ،كۆيۈمچان ئانىلارغا ئوخشىتىمەن. ئانا يېرىم كېچىلەردە تاتلىق، شىرىن ئۇيقۇسىدىن ۋاز كېچىپ،ۋۇجۇدىدىن ئاپىرىدە بولغان يۈرەك پارىسىنى ئاپئاق سۈتى بىلەن ئېمىتىپ ،ئۇنىڭغا كۈچ- قۇۋۋەت ئاتا قىلسا ،سەن نۇرغۇن جۇدۇن-چاپقۇنلۇق ،پىژ-پىژ ئىسسىق كۈنلەردە شىرىن ئۇيقۇ، مېزىلىك غىزالىرىڭدىن ۋاز كېچىپ، كەلگۈسى ئەۋلاتلارنىڭ ئىستىقبالى ئۈچۈن ئوت بولۇپ يانىسەن. ئانىلار ئۈچۈن جاھاننىڭ خۇشاللىقى پەرزەنتىنىڭ كۈلكىسى، خاتىرجەملىكى بولسا، ئەۋلاتلارنىڭ كەلگۈسىدىكى مۇۋاپپىقىيىتى بولسا سېنىڭ خۇشاللىقىڭدۇر.
ئەي قەدىردان ئۇستاز، سەن مەڭگۈ ئۆچمەيدىغان مەشئەل، سېنىڭ قەلبىڭ پۈتمەس- تۈگىمەس شاۋقۇنلۇق بۇلاق.
ئۇستاز، سەن ئۇلۇق تەرىپلەرگە مۇناسىپ ئىنسان، ھەقىقەتەنمۇ ئىنسانىيەت يولىنى يورۇتقۇچى نۇرلۇق مەشئەل،  سۈپ- سۈزۈك كەۋسەرسەن.
ئۇستاز، مەن سېنى قانچە تەرىپلىسەممۇ قەلەم ئاجىزلىق قىلىدۇ. سەن بىر بۈيۈك ئىنسانسەن.

                 2014. 9.   قاراماي

لوپجان

جاپاكەش ئۇستازلارنى ياخشى تەرىپلەپسىز.

نۇرلان

ئاز ئەمما ساز يېزىلغان ، ئەھمىيەتلىك  نەسىر بولۇپتۇ. قەلىمىڭىزنىڭ خىرىستالدەك پارقىراپ تۇرىشىغا تىلەكداشمەن.

جام

ئوقۇتقۇچىنى قانچە تەرپلىسە ئازلىق قىلمايدۇ. چۈنكى ئوقۇتقۇچى بىزنى بۇ دۇنياغا ئىككىنچى قېتىم ئاپىرىدە قىلغان كىشىدۇر. ئاتا- ئانىمىز سەۋەبلىك توغۇلساقلا ئادەم بولمايمىز، ئەنە شۇنداق ئۇلۇغ ئىنسان- ئوقۇتۇچى تەرىپىدىن جاھاننى تونۇيمىز، قانداق ئادەم بولۇش، قانداق ياشاش ھەققىدە ئۇچۇرغا ئىگە بولىمىز، جەمئىيەتتىكى ئورنىمىزنى تاپىمىز.
مۇشۇنداق ئۇلۇغ ئىنساننى تەرپلىگەن، قەدىر- قىممىتىنى تونۇپ يەتكەن «خىرىستال» خانىمنىڭ ئىجادىيىتىگە- قەلىمىگە يەنە بىر قېتىم بەرىكەت تېلەيمەن!

ADiL

ئوقۇتقۇچىلار بايرىمى كېلىش ھارپىسىدا كۈندە دېگۈدەك ئوقۇتقۇچىلارنى تەرىپلەيدىغان، بىزگە روھى ئوزۇق بولىدىغان ئېسىل يازمىلارنى ئېلان قىلىۋاتىسىز، بارلىق ئوقۇتقۇچىلار نامىدىن سىزگە كۆپتىن كۆپ رەھمەت ئېيتىمەن.

HIRISTAL

ئەسىرىمگە نەزەر ئاغدۇرغان ۋە ماڭا مەدەت بەرگەن ئەزىزلەرگە رەھمەت.

Bilig

ھەقىقەتەن ئوبدان يىزىپسىز!ئاپىرىن....داۋاملىق تىرىشىڭ!

Bilig

ھەقىقەتەن ئوبدان يىزىپسىز!ئاپىرىن....داۋاملىق تىرىشىڭ!

Bilig

ھەقىقەتەن ئوبدان يىزىپسىز!ئاپىرىن....داۋاملىق تىرىشىڭ!

Bilig

كەچۈرۈڭلار!يوللاش دىگەننى باسسام ئىنكاس ماڭمىغانىدى كىيىن ئارقا ئارقىدىن بىسىۋىتىپتىمەن!شۇڭا ئىنكاس3-4قىتىم يوللىنىپ كىتىپتۇ!