ئەنسىرمىگىن،ئەسلىمە مېنى

Ayshemgul

ئەنسىرمىگىن ،ئەسلىمە مېنى.

يۈرىكىمدە ئاجايىپ بىر ھېس،
ئارام بەرمەي قىينايدۇ مېنى.
ئاللاھىمدىن تىلىدىم سەبىر،
سوئال قويدۇم ئىمانىم قېنى؟

يۈرىكىمنى قاماللاپ ئالدى،
بىر ئىنسانغا بولغان مۇھاببەت.
ئاۋازىنى ئاڭلىسام، كۆرسەم.....
ئوي خىيالىم ئاشۇدۇر پەقەت.

تېلىفونۇم سايرىغان شۇدەم،
يۈرىكىممۇ كېتەر ئويناقلاپ.
"ئۇ ئەمەسكەن...." نومۇرنى كۆرۈپ،
بوشاپ كەتتىم سانسىز قېتىملاپ.

ئاۋازىنى ئاڭلىسام بىردەم،
ياشنار چاڭقاپ كەتكەن يۈرىكىم.
ئۇزاق ئۆتمەي ۋايسايدۇ يەنە،
"ئاۋزىڭنى ئاڭلايچۇ جېنىم."

ھىچبىر ئىشنى، ھىچبىر كىشىنى،
خالىمايمەن ئۇنىڭدىن باشقا.
ئۆز ھالىمنى قىلىپ مەسخىرە،
كۆزۈم تولدى نەچچە رەت ياشقا.

مەن ئۇنچىلا بوشاڭ ئەمەستىم،
ھېسلىرىمغا ئەسىر بولغۇدەك.
ئەمدى كۆرۈڭ لەقۋا بولدۇم خوي،
نەچچە تەستەك سېلىپ قويغۇدەك.
*         *             *               *              *            *            *
يېتەر!بولدى!توختاي ئىزىمدا،
ئۇنى ئاياي ئۆزۈمنىمۇ ھەم.
رىزىق پۈتكەن بولسا ئاللاھىم،
ھالال پېتى قىلار بىزنى جەم.

شامال سۆيسە مەن دەپ ئويلىغىن،
دىيەلمەيمەن ساڭا ئامرىغىم.
ئويلىمىغىن مېنى ئارتۇقچە،
غەمسىز قىلسۇن سېنى ئاللاھىم.

ئىزدىمەيمەن بۈگۈندىن باشلاپ،
ئاللاھىمغا تاپشۇردۇم سېنى.
ئاللاھ ماڭا ئەڭ ياخشى ھامىي،
ئەنسىرمىگىن ،ئەسلىمە مېنى.

نەپرەت

پاھ پاھ...بىر چاغلاردا بولغان بولسا ماڭا دەششەت ماس كەلگۈدەك شىئىر بۇلاركەنتۇق بۇ.........مىنىڭ يىغلىغۇم كىلۋاتىدۇ بۇ يازمىنى ئوقۇپ

نەپرەت

شۇنداق بىر ناخشا ئوقۇغۇم كىلۋاتىدۇ.

كىچە كۈندۈز خىيالىم سەندە،
سىنى ئويلاپ گۈزەلىم نەدە.
ئەنسىزلىكتە سېغىنىپ سىنى،
ئەنسىرەيمەن سەندىن نىگارىم.

نۇرلان

نەپرەتجان، شېئىرىي ئىنكاس قالتىسقۇ؟

uqkun

ھارمىغايسىز، نادىر تىمىلىرىڭىز ئۇزۇلمىگەي

نەۋرۇز

‏ئايشەمگۈلنىڭ يازمىللىرىدا بىر خىل پۇراق بار بۇنداق ‏‏ئىتقاد ۋە ‏ئەخلاققا تۇيۇنغان يازمىغا يەنە لاۋزلىق بىلەن ‏ئىنكاس يېزىشنى نۇمۇس دەپ بلسەك بولاتتى قېرىنداشلار

نەپرەت

نەۋرۇز يوللىغان ۋاقتى  2014-7-7 21:02
‏ئايشەمگۈلنىڭ يازمىللىرىدا بىر خىل پۇراق بار بۇنداق ‏ ...

مىنىڭ ئىنكاسىم لاۋزىمىكەن؟

مەرىپەت

بۇ شئېرىڭىزمۇ شۇنداق ياخشى يېزىلىپتۇ دوستۇم، ئۇتۇق سىزگە يار بولغاي!

شئېرىڭىزنى ئوقۇۋېتىپ بۇ ناخشا ئېسىمگە كېلىپ قالدى.

   ناخشا: مەن كەتتىم يىراققا