ھاياتلىقتا كۆپ سىناق

HIRISTAL

قەلبىنۇر ئۇبۇل ھەسەن

دوستۇم قارىغىن ئەتراپقا تەكشى،
باراۋەر بولمايدۇ ھەممىلا كىشى.
ھەقىقى دوستنى تاپماق بەكمۇ تەس
دوستۇمكەن دىمە خوپ بولسا ئىشى.

ئاغرىتىپ ئېيتىدۇ دوستلار بەزىدە،
كۈلدۈرۈپ ماختايدۇ يەنە پەيتىدە.
سەن ئۇنى چوڭ بىلىپ كۆتۈرسەڭ باشتا،
ئۇمۇ ھەم قىلارمۇ مەڭگۈ ئەقىدە.

قەستىدۇر بەلكىم جىننىڭ شاپتۇلدا،
كۆرسىتىپ قۇيرۇقنى قىلار خۇشامەت.
بىر دىسەڭ ئىككىنى دىمەس ئۇ ھەرگىز،
ئارقاڭدىن پىتنىلەر تاپار ئالامەت.

بەزى سەن يوق يەردە دېپىڭنى چېلىپ،
ئۆزگىگە داڭلايدۇ تەرىپلەپ سېنى.
كېرىلىپ ئولتۇرۇپ داستىخىنىڭدا،
چىقىپلا دەيدۇ ئۇ تۇزلۇقكەن نېنى.

دوست دىگەن بولىدۇ ساڭا چىن ئاداش،
خۇشلۇقۇڭ دەردىڭگە بولىدۇ سىرداش.
سەن باردا يوقتا ھەم يەيدۇ غېمىڭنى،
كۈلپەتلەر كەلگەندە بولىدۇ قاياش.

ياخشى دوست كۆرسىتەر ھايات يولۇڭنى
قاندۇرار ھەر ۋاقىت چاڭقاق دىلىڭنى.
يۆلىۋال ھارغاندا،سۇ بول ئۇسسىسا،      
    سۇنغىن ئۇنىڭغا دوستلۇق قولۇڭنى.            
.
كەتمىگىن رەنجىپ نامەرت دوستىنمۇ،
شۇ سەۋەپ ئۆتىسەن زور سىناقتىنمۇ.
يولۇڭدا ئىبرەت ئۇ،بېرەر پۇرسەتلەر،
ھاياتتا بولغىنى ياخشى ساۋاقمۇ.
2014.    قاراماي

جام

ئىسىل يازمىلىرىڭىز بىلەن مۇنبەر ئەھلىنىڭ كۆڭلىنى نۇرغا تولدۇرۇپ كېلىۋاتقان قەلىمىڭىز چارچىمىغاي!

نۇرلان

يەنىمۇ تىرىشىشىڭىزنى ئۈمىد قىلىمەن.

HIRISTAL

جام يوللىغان ۋاقتى  2014-7-5 13:32
ئىسىل يازمىلىرىڭىز بىلەن مۇنبەر ئەھلىنىڭ كۆڭلىنى نۇرغ ...

رەھمەت جام ئەپەندى

نەپرەت

پاھ پاھ،،،ئىلھام دىگەن دەششەتقۇ سىزدە