[ شېئىر] ھايات

HIRISTAL

قەلبىنۇر ئۇبۇل ھەسەن

مۇڭ باسقان ئەتراپنى جىمجىت زەرەتگاھ،
ئولتۇرىمەن تەنھا خىيالغا پېتىپ.
سېغىنىش ئوتلىرى چىرماپ دىلىمنى،
ياشلىرىم قارچۇقتا قالغانتى قېتىپ.

شۇنچە كۆپ قەبرىلەر كۆز ئالدىمدىلا،
ئەزمەكتە دىلىمنى ھىجران قايغۇسى.
خىيالىم كۆكىدە قاقماقتا قانات،
ئۆمۈر مەنزىلىنىڭ ئەركە يورغىسى.

بەزىلەر ئۆلۈمى تولىمۇ ھەيۋەت،
چىقىدۇ مەسچىتتىن كاتتا ئاجايىپ.
ئەمما ئۇنتۇلار كىشى قەلبىدىن،
بولغاندەك بىر تاش دېڭىزدا غايىپ.

بەزىلەر ئۆلىدۇ ئۈنسىز،نىداسىز،
بەزىلەر كېتىدۇ شاۋقۇن-سۈرەنسىز.
ئەمما قەۋرىسى يادلىنار مەڭگۈ،
بولسىمۇ گەرچە پۇلسىز-چاپانسىز.

..................................

ئەي ئىنسان شۇڭلاشقا ياخشى ئويلانغىن،
غەپلەت ئۇيقۇدىن تېزرەك ئويغانغىن.
ياشىدىڭ نە ئۈچۈن بۇ پاك زىمىندا،
ياخشى نام قالدۇرۇش ئۈچۈن ئويلانغىن.

ھاياتتا ياشىساڭ مەنىلىك ھامان
يەتكۈزسەنڭ باشقىغا كۆپ خەيرى-ئېھسان.
قالارسەن ئەلنىڭ قەلبىدە مەڭگۈ،
كۆمۈلۈپ كەتسەڭمۇ تۇپراققا تامان.

ياخشىلىق ئەيلىگىن يامانلارغىمۇ،
يەتكۈزگىن مېھرىڭنى نادانلارغىمۇ.
بىلىم ھەم ئادەتنى،ئەدەپ-ئەخلاقنى،
بىلدۈرگىن ئەۋلاتقا ياشانغاندىمۇ.

سېخى بول ھەر ۋاقىت بولمىغىن بېخىل،
گۆھەر بول،كەۋسەر بول بولمىغىن شېغىل.
مۇلايىم كەمتەر بول ،بولما بىئېقىل،
ئاقىل بول دانا بول بولمىغىل غاپىل.


2014.   قاراماي

WOLKANI

قوللىرىڭىزغا دەرىت كەلمىسۇن !ئەسەرلىرىڭىز بارغانچە تىتىملىق چىقىۋاتىدۇ !

HIRISTAL

WOLKANI يوللىغان ۋاقتى  2014-6-23 20:57
قوللىرىڭىزغا دەرىت كەلمىسۇن !ئەسەرلىرىڭىز بارغانچە تى ...

ئەسىرىمنى ياقتۇرغىنىڭىزغا رەھمەت ۋولقانى ئەپەندىم.

نەپرەت

قەلبىنۇر ئوبۇلھەسەن خانىمنىڭ شىئىرلىرىنى ياقتۇرۇپ قالدىم...بۇ قىتىمقى شىئىر ئىملامۇ يامان ئەمەس...مىنى ئاۋارە قىلماي دەپتۇ دە  ئاغرىپ قالغىنىمدا   ھى ھى ھى....قولىڭىزغا دەت كەمىسۇنې

HIRISTAL

نەپرەت يوللىغان ۋاقتى  2014-6-23 22:19
قەلبىنۇر ئوبۇلھەسەن خانىمنىڭ شىئىرلىرىنى ياقتۇرۇپ قا ...

شېئىرىمنى ياقتۇرغىنىڭىزغا،مەدەت بەرگىنىڭىزگە رەھمەت.بالدۇرراق شڭپا تېپىشىڭىزنى تىلەيمەن.

WOLKANI

ئاپىرىن ! خىرىستال ،قەلەملىرىڭىز ئۆسىمىگەي !