[شىئېر] پېنسىيەگە ئىلتىماس (ئىككى قىتىملىقى، قىزىقارلىق)

پەشتاق

پېىنسىيەگە ئىلتىماس (ئىككىنچى قىتىم)

ئەسسالامۇ ئەلەيكۇم،
ئىدارىمىز باشلىقى.
مەڭگۈ پارلاپ نۇر چاچسۇن،
بۇ باھارىڭىز ياشلىقى.

ئىسىم- زاتىم مېنىڭكى،
ئابدۇسەمەت داۋۇتتۇر.
خىزمەت ئورنۇم ئەزەلدىن،
يەكەن ئاۋات مائارىپتۇر.

ئوتتۇز تۆت يىل ئىشلىدىم،
ئاۋات ئوتتۇر مەكتەپتە.
پۇت- قولۇمدا مادار يوق،
ئاران تۇردۇم شۇ پەيتتە.

ئۆتكەن يىلمۇ يازغانتىم،
پېىنسىيەگە ئىلتىماس،
لىكىن تەستىقلانمىغان،
چۈشمەي شەرتكە يىشىم ماس.

بۇ يىل يەنە بولالماي،
قايتا يازدىم ئىلتىماس.
ئاڭلاپ بېقىڭ ھالىمنى،
ياش چەكلىمەم چېتىلماس.
***      ***      ***
ئۆتكەن يىلدا مەكتىۋىم،
بىر قەۋەتلىك ئۆي ئىدى.
كۆڭلۈم شۇنداق يايرىغان،
كۈندە ماڭا توي ئىدى.

ئەمدىلىكتە مەكتەپنى،
يۆتكەپ سالدى، قاملاشتى.
لىكىن بېرىپ كېلىشتە،
پۇتلىرىم سەل ئالماشتى.

بۇ مەكتىۋىم ئۈچ قەۋەت،
تەستە چىقتىم پەشتاقتىن.
زېڭسېڭ بولغاچ بېلىمدە،
نەچچە دەيمەن ئەستاغدىن.

كاۋاكلاشقاچ چىشلىرىم،
يىيەلمەيمەن قۇرۇق نان.
غېزا ئۆتمەي گېلىمدىن،
قىينىلىمەن ئۇكىجان.

كۆزۈم رۇشەن ئەر ئىدىم،
ئەمدى سەل خېرەلەشتى.
ئوقۇيالماي خەتلەرنى،
قاشلىرىم گىرەلەشتى.

خىزمەتنى دەپ سۇنغانتى،
قولۇم بىلەن پۇتۇممۇ.
قاتتىق ياتتىم بىر مەھەل،
سۇ ئىچمەي بىر يۇتۇممۇ.

قولۇم دوناي ساقايدى،
يا يەتمەيدۇ بېشىمغا.
كىيەلمەيمەن كۆينەكنى،
خوتۇن كەلمىسە قېشىمغا.

بۇمۇ ئازلىق قىلغاندەك،
قان بېسىممۇ بوپتىمەن.
ئۆزەم نېپىز بولغاچقا،
ئەل ئارىستا توپتامەن.

مەندە بارغۇ قاتمۇ-قات،
كېسەللەرنىڭ ھەر خىلى.
شۇڭا ئېلىپ يۈرىيمەن،
دورىلارنىڭ سەرخىلى.

ئاغرىق دەردى يامانكەن،
مەندەك قېرى ئاكاشقا.
چىقىرۋىتىڭ پېنسىيە،
ئاخىر قالماي ھاپاشقا.

تاقىتىممۇ تاق بولدى،
كىسەل مېنى يالمىدى.
دورا ئېلىپ داۋاملىق،
يانجۇقتا پۇل قالمىدى.
***     ***     ***
بولدى-بەس، توختىۋالاي،
بايان ئەيلەي شۇنچىلىك.
تەكشۈرتەرسىز قالدىسنى،
بەك ساقلاتماڭ ئۇنچىلىك.

ئۆمرۈم بولسا بىر كۈنى،
سىزنى يوقلاپ كىلەرمەن.
«شېڭ» دەۋىتىڭ جان ئۇكام،
قۇت بەختلەر تىلەرمەن.

2014-يىل يەكەن ئاۋات
مەنبە: ئۆز ئىجادىيىتىم.

بىرىنچى قىتىملىق ئىلتىماسنى كۆرمەكچى بولسىڭىز: /thread-28066-1-1.html
بىرىنچى قىتىملىق ئىلتىماسقا جاۋاپ خەتنى كۆرمەكچى بولسىڭىز: /thread-28232-1-1.html

پەشتاق

شىئېرىمنىڭ 9-كۇبلىتىنىڭ 1-مىسراسى «كاۋاكلاشقاچ  چىشلىرىم» دىگەن مىسراسى  «كاۋاكلاشقاچ چ ىشلىرىم» دەپ چىقىپ قاپتۇ، تۈزۈتۈپ ئوقىيارسىلەر

老虎

ھەقىقەتەن ياخشى يېزىپسىز ، قەلىمىڭىز نىڭ سۈيى قاتمىغاي ....

Ayshemgul

شىڭ دەپ تەستىق بېرىدىغان ئادەم كۆرەلىگەن بولسا ھە بۇ شېئىرنى.قاملىشىپ كېتىپتۇ.ھارمىغايسىز.ئاللاھ ئىشلىرىڭىزنى ئاسان قىلسۇن.ئامىن!
来自安卓客户端

جام

بۇ شېئىر دەل ھازىرقى بىرقىىسىم ياشىنىپ قالغان ئوقۇتقۇچىلارنىڭ دەرت- ھالىنى چىنلىق بىلەن ئىپادىلەيدىغان شېئىر بوپتۇ.

Tursunniyaz

ئەرلەر 60ياش،ئاياللار 55ياشتا نۇرمال پىنسىيىگە چىقىرىلىدۇ .

Tursunniyaz

34يىل ئىشلەپ بولغان بىلەن كادىرلار ئارخىپىدىكى يىشىڭىز 60ياشقا توشماپتۇ دە!

سەئىد

ياخشى يىزىپسىز. ماڭا بەكمۇ يارىدى

پەشتاق

Ayshemgvl يوللىغان ۋاقتى  2014-5-15 14:42
شىڭ دەپ تەستىق بېرىدىغان ئادەم كۆرەلىگەن بولسا ھە بۇ ش ...

رەھمەت سىزگە Ayshemgvl. شىئېرىمنى ئوقۇپ مېنى قوللىغانلىقىڭىزغا!

2472860602

سىز ئەسلى ئوقۇتقۇچى ئىكەنسىزدە... تىنىڭىز ساق بولغان بولسا يەنە ئىشلەمتىڭىز؟