[شىئېر] خىزمىتىڭدىن دادلىما

پەشتاق

        يىقىندىن بۇيان يانفۇنۇمنىڭ ئۈندىدارىغا، بىر قىسىم دوستلىرىمىز ھەرقايسى سالۇنلاردا كۆرگەن بىر قىسىم شىئېرلارنى ھەمبەھىرلىنىش ئورنىغا يوللاپ قويۇپتۇ (بەلكىم، بۇنى يوللىغان دوستلىرىم ياقتۇرغان بولۇشى مۇمكىن)، مەن ئوقۇپ كۆرۈپ بىرئاز ئەجەپلەندىم، بولۇپمۇ ئەنجۈر ماكانى atux سالۇنىدىن كۆچۈرۈپ يوللاپ قويغان «بۇ خىزمەتتىن زېرىكتىم»گە ئوخشاش مەزمۇنلاردىن ئەجەپلىنىپ، ئۆزەمنىڭ تەربىيىچىلىك رولۇمنى ئەسلەپ، مۇشۇنداق بولمىغۇر خىياللاردا بولۇۋاتقان دوستلارغا تەربىيىۋى ئەھمىيىتى بولار دىگەن ئۈمىدتە تۆۋەندىكى شىئېرىمنى يىزىپ سۇندۇم، ئۆز خىزمىتىدىن، ئۆز كەسپىدىن زېرىكىش تۇيغۇسىدا بولۇۋاتقان دوستلارغا بىرئاز بولسىمۇ ئىزدىنىش يولى تىپىشقا يىتەكلەر:

خىزمىتىڭدىن دادلىما
يەكەن ئاۋات ئوتتۇردىن- ئابدۇسەمەت داۋۇت

ۋايسىمىغىن بۇرادەر، خىزمىتىڭدىن دادلىما،
ئېنىقىنى دىگەندە: ئۆز كەسپىڭدىن دادلىما.
پىلانسىزلا ئىش قىلىپ قارغۇلارچە ئاتلىما،
قۇلاق سالغىن سۆزۈمگە، خىزمىتىڭدىن دادلىما.

«قېيىن ئىش يوق ئالەمدە، كۆڭۈل قويغان ئادەمگە»،
دىگەن ئىدى ئەجدادلار، ئەۋلاتلىرى ئادەمگە.
راستلا ئىشەن بۇ سۆزگە، ھەق سۆزلىگەن ئادەمگە،
توختىماستىن تىرىشقىن، خىزمىتىڭدىن دادلىما.

ۋايسىمىغىن ھەرگىزمۇ، ئاسان كەلمەس خىزمەتمۇ،
ئاتا-ئاناڭ ئەجرى بار، تەستە كەلگەن خىزمەت ئۇ،
ئوقۇتقاچقا قىينىلىپ، شۇڭا كەلگەن خىزمەت ئۇ،
بىلەلمەپسەن بۇنى سەن، خىزمىتىڭدىن دادلىما.

ھەممە يەردە كادىرغا، سەككىز سائەت ئىش ۋاقتى،
شەنبە، يەكشەنبىلەر ئارام ئېلىش دەل ۋاختى.
قىلالىساڭ ئىشلارنى، يۈرۈشىدۇ ئۆز ۋاختى،
رەنجىشىڭ بىھاجەت، خىزمىتىڭدىن دادلىما.

سەھەر تۇرۇپ ھەر كۈنى تەييارلىقنى پۇختا قىل،
تەمكىن بولۇپ ئىشلاردا، دائىم بولغىن كىچىك پىئىل،
ئادەتلەنسەڭ بۇنىڭغا، ئىلگىرلەيسەن يىلمۇ-يىل،
ۋايساپ يۈرمە چېچىلىپ، خىزمىتىڭدىن دادلىما.

ئۆزۈڭ ئىشنى بىلمىسەڭ، خەققە تۆھمەت چاپلىما،
كۆڭلى-كۆكسى كەڭرىگە ئۆچ-ئاداۋەت ساقلىما.
گۇمانلىنىپ ياخشىدىن، ئورا كولاپ باپلىما،
ئۆز كەسپىڭگە پىششىق بول، خىزمىتىڭدىن دادلىما.

نائەھلىلەر ئالدىسا، رەزىللىكنى ياقلىما،
ئۆز خۇدۇڭنى بىلەلمەي بېغىرتاقتەك تاقلىما.
ياشا مەزمۇت جان كەتسىمۇ ھەقنى ھەق-دەپ،
ۋىجدانىڭدىن يۈز ئۆرۈپ، خىزمىتىڭدىن دادلىما.




مەنبە: ئۆز قەلىمىم
2014-يىل 24-ماي

ئىدرسجان

ھەقىقەتەن ياخشى يىزىپسىز قولىڭىزغا دەرىت كەلمىسۇن.

ADiL

ئەسەرلرىڭىز كۈندىن كۈنگە ياخشى چىقىۋاتىدۇ جۇمۇ.

تۈرگۈن

ياخشى يېزىلغان شىىئېرلار بارغانسىرى ئاۋۇپ كىتىپ بارىدۇيا ، روھلاندا .
قەلەم تۇلپارىڭلار ھارمىغاي، شائىرلار.

zulpiqar

سىزدىكى بۇ ئۆتكۈر قەلەم توختاپ قالمىسۇن، تولىمۇ ياخشى يېزىپسىز، رەھمەت سىزگە،سىزگە يەنىمۇ ئۇتۇق، خوشاللىق تىلەيمەن...

alxir

ئوبدان چىقىپتۇ.

پەشتاق

رەھمەت سىزگە

ھاشىم

ھەقىيقەتەن ياخشى مەزمۇنكەن، ئەقلىڭىزگە بارىكاللا