بىر مەھەل تىڭىرقاش

TURAN01

بىر مەھەل تىڭىرقاش

سۇبھى،تاڭ ئەمدىلا يۇرىغان بىر چاغ،
ئەتىيازنىڭ سوغ شامىلى يۈزگە ئۇرىلىدۇ.
ساپ ھاۋانىڭ تەنگە سۈمۈرلىشىدىن،
دىللار يايراپ ،قانلار تۇمۇرغا لىقلىشىدۇ.

ئاجايىپ بىر ئىلھام،كىشى جىسمىنى،
كۈچ-قۇۋۋەتكە تولدۇرۇپ ئويغۇتىدۇ.
ئاشۇ قان ئەقلىڭگە ھۆكۈمران بولسا،
كۆزۈڭنى قارغۇ قىلىپ ،ھۇۋلىتىدۇ.

ھازىر كۆرگىنىڭ تەبىئەت قوينى،
باغرى كەڭ بولغاچ سىنى قۇچاقلايدۇ.
تىمتاس زىمىن،كەڭرى ئاسمان - دالا،
بىر سىنىلا ئەركىلىتىپ ،ئوينىتىدۇ.

تۇرۋاتقىنىڭ بولسا گەر يېشىل دۇنيا ،
ھايات كەچمىشىڭنى يەنە ئۇلغايتىدۇ.
ئالدىڭدىكى دېڭىز سۈيى كۆپكۆك بولسا،
ئاسماندا خۇددى ئۇچقاندەك لەيلىتىدۇ.

ياشلىقىڭمۇ ئەنە شۇ سەھەر ۋاقتى،
سىنى ھەر كوي-خىيالغا كۈشكۈرتىدۇ.
تاللاشلاردىن ئۆزۈڭگە ئورۇن تاپمىساڭ،
ئىزلىرىڭ قۇمغا دەسسىگەندەك يوقىلىدۇ.

يوقالغان ئىزلاردىن نىمە تاپقۇلۇق،
كۆزلەرنى ئۈمۈتسىزلىك ياشلىتىدۇ.
كۆمۈلگەن ئىزنى نەدىن تاپقۇلۇق،
بىر مەھەل تىڭىرقاش باش قاشلىتىدۇ.

ئەنسىرمەڭ تاپىمىز شۇ ئىزلارنى ،
بىلىم ماياكتەك يول كۆرسىتىدۇ.
سۇبھى تاڭدا ئۆگەنسىڭىز پەننى،
پەيتىدە ئۇ ھەقىقەتنى يۇرتىدۇ.

              تۇران  
      2014  -يىل 9-ماي

ئىدرسجان

تۇران ئەپەندى قەلەم قۇۋتىڭىز كۆچلۇك ئىكەن ياخشى يىزىپسىز يارايسىز.

نۇرلان

چىن ھىسيات بىلەن يۇغۇرۇلغان شېئىر، يارايسىز!

دېھقان

مەن بۇ شېئىرىلارنى تازا چۇشەنمەيدىكەنمەن بۇ قانداق ئۇسلۇپتىكى شېئىر،

TURAN01

‹‹رەھمەت ››دىگەن سۆزگە يىغىلدى،
مەجبۇريىتىم ھەسسىلەپ ئاشتى.
قەلەم تۇتقان قول ھەم تىترىدى،
ئىنكاس يازغان،مەدەت سۆزلەردىن.

ئوقۇغان،ئىنكاس يازغان ،باھالىغان روھلانداشلارغا رەھمەت.