ئەسكىمەن (شىئېر)

TURAN01

                  ئەسكىمەن

ئەسلى روھ، تەندە تەڭ تاۋلانغان ئەسكىمەن،
ئۇزۇن يىل بىر سىنىلا كۈتكەن ئەسكىمەن.
سەن بولمىساڭ ياشىيالمايدىغاندەك بولۇپ،
خۇددى سەن ئۈچۈنلا ئانام تۇققان ئەسكىمەن.

شۇنچە قىز ئىچىدىن سىنى تاللىغان ئەسكىمەن،
سىنى تەڭ قىلماي باشقىنى شاللىغان ئەسكىمەن.
دوسلارنى رەت قىلىپ سىنى ئىزدىگەن ئەسكىمەن،
ھەتتا سەن ئۈچۈن ئاتامغىمۇ يانغان ئەسكىمەن.

كۈندۈزلىرى تەرلەپ پىششىپ پاختا تىرىپ،
كەچكىچە خامان تېپىپ،يەر رەتلىگەن ئەسكىمەن.
ساڭا ياغلىق ‹‹كاڭنەي›› ئېلىش ئۈچۈن لاي كىچىپ،
تۈنلەردە ئۇخلىماي ئېتىزدا سۇ تۇتقان ئەسكىمەن.

كۆڭلۈمگە نۇرغۇن گەپلەرنى تۈككەن ئەسكىمەن،
ئۇچراشقاندا ساڭا دىيەلمەي دۇدۇقلاپ قىزىرىپ.
گاچا،لۆم-لۆم،گومۇش ئاتالغان ئەسكىمەن،
ئۇزاق يىللار سىنى خىيالى سۆيگەن ئەسكىمەن.

خەت يازسام كۆڭلۈمنى ئېنىق بىلدۈرەلمىگەن،
ئۈندىداردا سالماق بولۇپ،نەق گەپنى دىيەلمىگەن.
يا ۋاز كىچەلمەي ئۆز-ئۆزەمنى قىيناپ يۈرۈپ،
تاشلىۋېتىپ ئۆزۈمنى ‹دەرۋېش› ئاتالغان ئەسكىمەن.

نىمە كۈن نىمە ئىش بۇ سۆيگۈ مۇھەببەت دىگەن،
ئەقىلنى ئوغۇرلاپ ھىسياتنى پادىشاھ قىلغان.
مەرت-نامەرت،غۇرۇر-ۋېجداننى بىردىن سىناپ،
بالىلارچە سەبىيلىكنى نەلەرگە تاشلايدىغان.

ئۇنتۇپ ئۈزۈمنى شىرى تۇيغۇدا ساڭا شەيدا بولۇپ،
تۈن كىچىسى مەھەللەڭگە نەچچە رەت بېرىپ.
‹كىتىڭ ،ساراڭ بوپسىز›دەپ دومسايغاندا سەن،
قىزىرىپ،تىرماق تاتىلاپ،كىتىپ قالغان ئەسكىمەن.

نىمە گۇناھى كۆيگەننىڭ،بىلەلمەي تىڭىرقىغان،
قويغان-تۇتقاننىڭ ئورنىنى تاپالمىغان ئەسكىمەن.
كۈنىنى چەكسىز خىيال ئەسلەش بىلەن ساناپ ئۆتكەن،
نەق سېپى ئۆزىدىن خىيالپەرەس سەۋدايى ئەسكىمەن.

                          تۇران

              2015 -يىل 1- مارت  

نەۋرۇز

ۋاي ماۋۇ شىئېرىڭىز نىمانداق ياخشى يېزىلدى دەيمەن دوستۇم. ئەسلى ئىچ ئىچىڭىزدىن  شىئېر ئۇرغۇپ تۇرۋاتقان ‹‹ئاشىق يىگىت ›› كەنسىز ئەمسمۇ  . تەكلىۋېم ئىككىنچى كۈبلىت تۆتىنچى مىسرانى ئۆزگەرتىڭ. ھەر قانداق ئادەم ئاتىنىڭىزغا ‹‹يېنىشىڭىزغا››سەۋەپ بولسا بولمايدۇ. ئەلۋەتتە بۇ بىر شىئېردىكى تىل ئىشلىتىش ئۇسلۇبىڭىز. ئەمما مەن يەنىلا پىكىرىمدە چىڭ تۇرمەن. بۇندىن كىينكى ئىجادىيەت ھاياتىڭىزغا  ئۇتۇق تىلەيمەن.

نەۋرۇز

ۋاي ماۋۇ شىئېرىڭىز نىمانداق ياخشى يېزىلدى دەيمەن دوستۇم. ئەسلى ئىچ ئىچىڭىزدىن  شىئېر ئۇرغۇپ تۇرۋاتقان ‹‹ئاشىق يىگىت ›› كەنسىز ئەمسمۇ  . تەكلىۋېم ئىككىنچى كۈبلىت تۆتىنچى مىسرانى ئۆزگەرتىڭ. ھەر قانداق ئادەم ئاتىنىڭىزغا ‹‹يېنىشىڭىزغا››سەۋەپ بولسا بولمايدۇ. ئەلۋەتتە بۇ بىر شىئېردىكى تىل ئىشلىتىش ئۇسلۇبىڭىز. ئەمما مەن يەنىلا پىكىرىمدە چىڭ تۇرمەن. بۇندىن كىينكى ئىجادىيەت ھاياتىڭىزغا  ئۇتۇق تىلەيمەن.

مەرىپەت

ئالامەت شئېر بوپتۇغۇ ماۋۇ،    ئىجادىيەتلىرىڭىزگە ئۇتۇقلار يار بولسۇن!

TURAN01

رەھمەت قېرىنداشلار......

ئەزھەر36

ئېلھامىڭىزغا كۆز تەگمىگەي ، بۇ شىئىرىڭىز ياخشى چىقىپتۇ .

arkzat

  كەچۈرۈڭ، TURAN01!  مەنمۇ سىزنى يۇقىرىقى بۇرادەرلەردەك  ماختىسام بولىۋېرەتتى. ئەپسۇس، مېنىڭ ھەرگىزمۇ ئاقنى قارا دېگۈم يوق!  چۈنكى شېئىرنىڭ چوقۇم رېئايە قىلمىساق قەتئىي بولمايدىغان مىزانى بار. بۇنى سىزمۇ، بەلكىم باشقىلارمۇ بىلمەي قالمايدۇ!  ئەڭ ئاددىىىىيسى، مانا مۇشۇنداق تۆت مىسرا، تۆت مىسرادىن تىزىپ يېزىلغان بارماق ۋەزىنلىك شېئىرلاردا تۇراق ۋە بوغۇم دەپ ئاتىلىىدىغان بىر نەرسە بار....
   ساناپ باقسام، بەزى مىسرالار 12 بوغۇمدىن تاكى بەزىلىرى 16 بوغۇمغىچە يېزىلىپتۇ. ئويلاپ قالدىم: بەك ياخشى يېزىلغانلىقىنى مۇئەييەنلەشتۈرگەنلەر مەزمۇنىنىلا كۆزدە تۇتقانمىدۇ؟
    مېنىڭچە، شېئىر شېئىردەك بولمىسا، ئۇ شېئىر بولمايدۇ!   خالىسا، قەلەمكەشلەرمۇ قارىشىنى دەپ باققاي.

نۇرلان

ئەرك زاد ئەپەندىم بىلەن ئوخشاش كۆز قاراشتىمەن. مەن تۇران قېرىندىشىمىزنىڭ ئالدىنقى شېئىرىدىمۇ " شېئىرنىڭ تىلىغا ئەھمىيەت بېرىڭ" دەپ تەكلىپ بەرگەن. ياخشى يېزىلغان شېئىرنىڭ ئوقۇرمەنلەرنى ئەڭ جەلىب قىلىدىغان يېرى-مەزمۇنى بىلەن شەكلىنىڭ زىچ ماسلىشىشى ۋە ئاھاڭدارلىقىدىن ئىبارەت. ئەگەر ۋەزىن، تۇراق ۋە رېتىم بىلەن كارىمىز بولماي قالسا، ئۇھالدا يازغىنىمىز سۆز دۆۋىسى بولۇپ قالىدۇ، خالاس. شۇڭا تۇران قېرىندىشىمىزنىڭ، شۇنداقلا باشقا مۇنبەرداشلارنىڭمۇ شېئىر يوللىغاندا يۇقارقى تەرەپلەرگە ئەھمىيەت بېرىشىنى، بولۇپمۇ تىل ئۆتكىلىگە ئەھمىيەت بېرىشىنى تەۋسىيە قىلىمەن.

sardar1399965

مەنمۇ سۆزلەپ باقاي ، يۇقارقى تەكلىپلەرگە مەنمۇ ئاۋاز قوشىمەن . شىئېر بەدئىيلىكى ،  پىكىر يولى ، مىسرالاردىكى تۇراق ، قاپىيە ، رېتىم بىلەن ئاندىن كىشىگە ئىللىقلىق بېغىشلايدۇ.  بۇ شىئېرىڭىزدا پىكىر چېچىلاڭغۇ. يەكۈن چىقىرىلمىغان دىيىشكە بۇلىدۇ . سىزنىڭ ئىجادىيەتكە بولغان قىززىقىشىڭىزغا نىسبەتەن تەكلىۋىم نادىر شىئېرلارنى كۆپلەپ كۆرۈڭ.