[شىئېر]قاچسىڭىزمۇ قوغلايمەن، ھەر ۋاقىت سىز مېنىڭكى

پەشتاق

قاچسىڭىزمۇ قوغلايمەن، ھەر ۋاقىت سىز مېنىڭكى
ئابدۇسەمەت داۋۇت

«بارمۇ»-دەپ ئۇچۇر يازسام،
«مەن يوق»-دەپلا يىزىپسىز.
بار تۇرۇپ «يوق» دىسىڭىز،
كۆيگۈنۈمنى سىزىپسىز.

نىمە سەۋەپ بۇ ئەمدى،
بار تۇرۇپ يوق دىسىڭىز.
قانداق رەنجىپ قالدىڭىز،
راست گەپنى بىر دىسىڭىز؟

بار دىسەم مەن ئەسلىدە،
«مەن يوق»-دەپمۇ كەتمەڭسىز؟
كۆڭلۈمدە يامانلىق يوق،
غەمگە پېتىپ كەتمەڭسىز؟

دېلىمىز بىر ئەزەلدىن،
مەنمۇ چوقۇم سىزنىڭكى.
قاچسىڭىزمۇ قوغلايمەن،
ھەر ۋاقىت سىز مېنىڭكى.

بۇنداق دىسەم، مېنى سىز،
قوشاقچىكەن دەپ قالماڭ.
ئوتىڭىز بەك يامانكەن،
يۈرەكىمگە دەرت سالماڭ.

قوشاقچىمۇ ئەمەسمەن،
ئىشقىڭىزدا بەك كۆيدۈم.
باغرىم بولدى بىر كاۋاپ،
«ھامان سۆيەر»-دەپ يۈردۈم.

يەنە ئويلاپ باقسىڭىز،
مېنى قىلماي ئاۋارە.
ئېنىق جاۋاپ بەرسىڭىز،
باغرىم بولدى چەك پارە.

قىلاي سىزگە مەن تازىم،
بۇنداق قاچماڭ مېنىڭدىن.
«نىمە بولساڭ مەيلى»-دەپ،
جۇدار قىلماڭ جېنىمدىن.

2014-يىل 16-ئاپرىل يەكەن ئاۋات
مەنبە: ئۆز ئىجادىيىتىم

zamandax

بارىكاللا ياخىشى يىزىلغان شېئىركەن  تىخىمۇ تىرىشىڭ   بولسا ساترىك شېئىرلاردىن كوپرەك يوللارسىز  

kirimulla

بەك ياخشى شىئېركەن بۇ، مۇشۇنداق ئەسەرلەرنى كۆپلەپ يېزىپ تۇرغايسىز

abdullah

ياخشى يېزىلغان شىئېركەن.

نۇرلان

پەشتاق ئەپەندىمنىڭ قەلىمىگە يەنىمۇ بەرىكەت بولسۇن.