[شىئېر] مېنىڭ كۆيگۈنۈم ئالدىڭدا گۇناھمۇ

پەشتاق

مېنىڭ كۆيگۈنۈم ئالدىڭدا گۇناھمۇ
`
ئابدۇسەمەت داۋۇت

تۇيغۇمدا ئىپار ھېد چاچقاچ گۈللىرىڭ،
كۈندە شۇنداق قارايمەن چىرايىڭغا.
كۆزۈڭدىن كۆزۈمگەكۆچسە تەبەسسۈم،
تەشنالىقتا تەلمۈرمەن قارارىڭغا.

ساڭا ئېيتىش ئۈچۈن يۈرەك سۆزۈمنى،
پۇرسەت كۈتۈپ كۈندە شۇنداق ئىزدەيمەن.
تاپالمىسام ناۋۋادا، ئىزدەپ يۈرۈپ مەكتەپتىن،
يانفۇنۇڭنى ئۇچۇر بىلەن بېزەيمەن.

بىراق سەن قەلبىمنى چۈشەنمىدىڭغۇ؟
ۋەياكى ماڭا بىر ئىشەنمىدىڭغۇ؟
سۆز ئاچساملا ئىزھار قىپ يۈرەكىمنى،
«چاق-چاق قىلمىسلا»-دەپ كىشەنلىدىڭغۇ.

مېنىڭ كۆيگۈنۈم ئالدىڭدا گۇناھمۇ؟
ۋىژدانىڭ «ياق» دىيىشكە ئۇنارمۇ؟
قاراپ باققىن قايتىدىن چىرايىمغا،
ۋىژدان قۇشۇڭ ئاخىر ماڭا قونارمۇ؟

مەنبە: ئۆز ئىجادىيىتىم.
1985-يىل 8-مارت. يەكەن ئاۋات

غەلىبە

شېئىر چىن چىققان. ئەمما ماۋزۇسىدا ئازراق مەسىلە بار.يەنى شېئىرنىڭ ماۋزۇسى شېئىردا مىسرا بولىشى ،  ياكى شېئىردىكى مىسرانىڭ ماۋزۇ بولىشى شەرت ئەمەس. شۇنىڭغا ئېسلىۋالدىڭىزمىكى تاڭ  ماۋزۇ سەل ئۇچۇق ئەمەس.

مۇڭلۇق888

مۇشۇنچىلىك بىرنىمە يازماق ئۇڭايممۇ دەيمەن تېخى باھالاپ ئۆزەڭلاچە ئۇ يەر ئۇنداق بولماپتۇ ئۇير بۇنداق بومماپتۇ دەپ كىتەركەنسىلە سىلە بىر جۈمۈلە بىر نەرسە يېزىپ باققانمۇ سىلەگە باشقلارنىڭ يازغىننى كۆچۈرۈپلا ئەۋەتسە بولاتىكەن ھە روھلاندا مۇشۇنچىلىك تالانت ئىگىسىئىڭ بولمىغى ئاسانمۇ باشقىلارنى ئۇنى بۇنى دىيىشمەڭلا باللا بىڭسىڭلا بولسا سىلەرمۇ يېزىڭلا !!!

غەلىبە

توۋا قىلدىم بۇ مۇنبەرگە كىرىپ بىرىنجى كۆرگەن تىما، بىرىنجى ئىنكاستا دەشنام يىدىم دېسە.يېزىش ئۇ ،بۇ جەھەتتە يېزىپ گاھى ئەپسۇسلىنىپ نى ئىشلار بېشىمدىن ئۆتكەن. مېنىڭ دېگەنلىرىمنى شېئىر ئىگىسى ئۆزى چۈشۈنىدۇ. بەس -مۇنازىرە ،تەھلىل ،باھالاش دېگەنلىك ھەر تەرەپلىمە بولىدۇ. ........................................ يەنە دېسەم ھېچ نەرسىنى ئۇخمىغان كىشى رەھمەت ،ياخشى يېزىپىسز دەيدۇ.

ئالمىچى

تىخىمۇ تىرىشىڭ

ひyＧんuR~↑

راس شېئىر يېزىش ئۇنچە ئاسان ئىش ئەمەس ،ھەم ھەممە ئادەمنىڭ قۇلىدىن كىلدىغان ئىشمۇ ئەمەس . شېئىر يازدىغان ئادەم بىر رومانتىكلىققا ، قايناق شېئىرى ھېسىياتقا باي بۇلۇشى كىرەك ئەلۋەتتە.
مەنچە بۇ مۇنبەر بولغانكى ئۆز ئارا كۈرۈپ ،ئۆز ئارا يىتەرسىزلكلەرنى كۆرسىتىپ ، بىرلكتە ئۈگنىش مەنچە ياخشى ئىش، بۇ ھەرگىزمۇ باشقلارنىڭ ئەمگەك مېۋىسىنى ياراتمىغانلىق ئەمەس.
ھەقىقەتەن ياخشى يېزىپسىز ، تېخىمۇ تىرشقايسىز...

پەشتاق

غەلىبە يوللىغان ۋاقتى  2014-4-16 01:41
شېئىر چىن چىققان. ئەمما ماۋزۇسىدا ئازراق مەسىلە بار.يە ...

توغرا ئېيتىپسىز «غەلىئە» ئەپەندىم، ماڭىمۇ تىمىسى جانسىزدەك تۇيۇلغانتى، يەنە ئويلىنىۋاتىمەن، سىزنىڭچە تىمىنى قانداق ئۆزگەرتسە ئولىدىكەن دەپ قارىدىڭىز؟ ئۆزئارا پىكىر ئالماشتۇرۇپ تۇرايلى.

سىمانۇر

بىر ئاشىقنىڭ يۈرەك نىدالىرى ئەينەن ئوتتۇرىغا قۇيۇلۇپتۇ.گەرچە ئازراق نۇخىسانلار بولسىمۇ ،سەمىمى ھىسيات .رەھمەت پەشتاق ئەپەندى.