[شىئېر] كەپ تۇرۇڭلار تۇققانلار

پەشتاق

كەپ تۇرۇڭلار تۇققانلار

(ئۇرۇق-تۇققانلىرىمغا خىتابىم)
ئابدۇسەمەت داۋۇت

مەنمۇ ئەمدى قىرىدىم، كەپ تۇرۇڭلار تۇققانلار،
ئىشكىم ئوچۇق سىلەرگە،  كەپ تۇرۇڭلار تۇققانلار.
بىر-بىرمىزگە ھەمراھ بىز،  كەپ تۇرۇڭلار تۇققانلار،
نېمەتلىرىم كەڭ تاشا،  كەپ تۇرۇڭلار تۇققانلار.

مال-دۇنيالار دوست ئەمەس،  كەپ تۇرۇڭلار تۇققانلار،
ئالتە كۈنلۈك ئالەم بۇ،  كەپ تۇرۇڭلار تۇققانلار.
ئېناقلىقنى قوغداشقا سەپ تۈزەيلى تۇققانلار،
زەپمۇ ئېناق بۇلار -دەپ، ھوزۇرلانسۇن ئۇققانلار.

قۇم-بورانلار چۈشمىسۇن ئارىمىزغا تۇققانلار،
ئىزلار قالسۇن بىزلەردىن، ئىناقلىقتا تۇققانلار.
سىردىشايلى بىز دائىم، بەخت تىلەپ تۇققانلار.
ئۈزۈلمىسۇن قەدىمىڭلار،  كەپ تۇرۇڭلار تۇققانلار.

ئۆرنەك ئالسۇن بىزلەردىن، نەۋرىلەرمۇ تۇققانلار،
يوقلىشار كەلگۈسىدە، چەۋرىلەرمۇ تۇققانلار.
گۈللەر تىزار ئۇلاردىن، قەبرىمىزنى ئۇققانلار،
ئاتا، بوۋام، مومام-دەپ، بىزدىن ئۆرنەك يۇققانلار.

مەنبە:تۇققانلىرىمنى ئەسلەپ ۋۇجۇدۇمدا ئىختىياسىز ئۇرغۇپ چىققان ئۆز ئىجادىيىتىم
2014-يىل 13-ئاپرىل. يەكەن

توغراق520

ياخشى يېزىلىپتۇ رەھمەت سىزگە.

سىمانۇر

ئۇرۇق -تۇققانلار ئىزدەشمىسە ياتلىشىپ كېتىدىغان گەپ.ياخشى چاقىرىق بوپتۇ.رەھمەت .

ひyＧんuR~↑

ئەمما ماۋۇ شېئىر ئامما لىكىن ئالامەت ياخشى يېىزىلپتۇ ، قاپىيە ، ۋەزىن ، مەزمۇن ھەممىسى شۇنداق ياخشى ، تىلى يىنك ، ماۋۇ ھازىرقى ھەممە ئادەم خىزمەت دەپلا ئۈتۈپ كىتۋاتقان جەمىئەتكە نىسبەتەن ئىنياتىن ياخشى چاقرىق .
ياخشى يېزىپسىز قۇلىڭىزغا دەرت بەرمىسۇن ، ئىجادىيىتىڭىزگە تېخىمۇ زور مەدەتلەر تىلەيمەن

پەشتاق

كەپ تۇرۇڭلار دىسەممۇ، كەلمىدىڭلار تۇققانلار،
ئەجەپ خەقكەن دىمەسمۇ، بۇ ئەھۋالنى ئۇققانلار.
تارتىنماڭلار ھەرگىزمۇ، دەپ تۇرۇڭلار تۇققانلار،
مەن بارايغۇ ئەمىسە، يوقلىشايلى تۇققانلار!

ھەرگىز ھەشەم تارتماڭلار، كۆرۈشسەكلا بولدىلا،
يوقلاشمىساق ئۆزئارا، يۈرەك دەرتكە تولدىلا.