[شېئىر] ئەلقۇتقا

نۇرلان

   ئەلقۇتقا
(ئوغلۇم ئەلقۇتقا ئاتاپ)

كۆزۈمنىڭ نۇرىسەن ئوغلۇم،
ھاياتىمغا ئۈمىد قوشقان.
بۈگۈن دۇنياغا كۆز ئاچتىڭ،
بۇلۇپ سۈبھىدىكى چولپان.

                               ھاياتىڭنى ئاناڭ بەردى،
                              داداڭ بەختىڭگە بىر قالقان.
                             پەرزەنىت مېھرى ئاتاشكەن،
                             بۇ ئوتنى ئىگەم سالغان.
ئەجدادىڭ ئوغۇز نەسلى،
سەن ئۇندىن ئۇزۇق ئالغان.
يۇرتۇڭ ئەينى بىر گۈلزار،
تۈمەن بۇلبۇل قىلار خەندان.

                              خەلقىڭ ئەللەرگە بىر تىلسىم،
                              ئەقىل-ھىكمەتكە لىق تولغان.
                              ئەجىردىن ئېلىگە قۇت چاچقاي،
                              ۋاپا، سۆيگۈگە باي ئوغلان.

«ئۇيغۇر»نى مۇقەددەس بىل،
ئۇلار تارىخقا ھەل ئويغان.
ئاشۇنداق ئوتلۇق ئىستەكتە،
ساڭا «ئەلقۇت» دەپ ئات قويغان.

مۇرات007

سەت بولدى   ئاخىردىكى  ئۇلار تارىخقا ھەل ئويغان دىگەن نى   ئۇلار تارىخققا گۇل ئويغان   دەپ ئۇزگەرتسەك قانداق بولا  ئەيىپكە بۇيرىماڭلا  …

نۇرلان

ئىنكاسىڭىزغا رەھمەت.  مېنىڭچە يەنىلا ئەسلى بويىچە ئالغان ياخشى. " ھەل ئويۇش" نى ئەجداتلىرىمىزنىڭ  تارىخىغا بىرلەشتۈرۈپ تەسەۋۋۇر قىلدىمغۇ؟

پاسىل

شۇنداق تەبىئىي!...گۇيا ياپراقنىڭ پۇتاقنى يېرىپ چىققىنىدەك .... ئوغلۇم تۇغۇلغان چاغدا ئۇنىڭغا ئاتاپ شىئېر يېزىپ قويمىغىنىمدىن ئۆكۈندۈم....

نۇرلان

پاسىل ئەپەندىمنىڭ رىبەتلەندۈرگىنىگە رەھمەت.

tarhanbag

شىئېر دىگەنگە خېلى ئېپى بار كىشىدە. كىشىنى ھۇزۇرلاندۇرغىدەك شىئېرلىرىڭىزگە تەشنامىز.