مۇساۋىيات تەراپايىن

نۇرلان

بۇنى مەن 1990-يىللاردا ئاقسۇ دارىلمۇئەللىمىندە ئوقۇۋاتقان چېغىمدا يېزىپ چىققان بولۇپ، «روھلان»دىكى مۇشۇ شەكىلدە يېزىشقا قىزىقىدىغانلار پايدىلانسا دەپ يوللاپ قويدۇم. توغرا چۈشىنىشىڭلارنى ۋە مېنىڭ ۋەتەننى سۆيۈش روھىمدىن ئۆگىنىپ، مۇقىملىق ئۈچۈن كۈچ چىقىرىشىڭلارنى ئۈمىد قىلىمەن.
                          مۇساۋىيات تەرەپايىن

                   ۋەتىنىم، پاسىبان خەلقىمگە ئۆزۈڭ،
                   پاسىبان، نىجاتچى، باشپانا، مەشئەل.
                  خەلىقىمگە باشپانا ياڭراق ھەر سۆزۈڭ،
                  ئۆزۈڭ مەشئەل، ھەر سۆزۈڭ ئەۋزەل.

ئىزاھات: مۇساۋىيات تەرەپايىن- توغرىسىغا ۋە تىك ئوقۇغاندا ئوخشاش مەزمۇن ئىپادىلىنىدىغان شەكىل.

ADiL

مۇنداقمۇ ئۇستاتلىق بولىدىكەن ھە، مەن تېخى تېمىنىڭ مەزمۇنىغا قاراپ، دىنى مەزمۇننى تەستىقلاپ قويغان كىمدۇ دەپ يۈگۈرەپ كىرىپتىمەن.

نۇرلان

ئاتاماننىڭ سەزگۈرلىكى يۇقىرى جۇمۇ! مەندەك پىشقەدەم پورۇلتارىيات جەڭچىسىدىنمۇ ئېھتىيات قىلىپتۇ ئەمەسمۇ؟
بۇمۇ بولغىنى، يەنىلا " روھلان"نىڭ مۇقىملىقى ئەۋزەل ھەممىمىزگە.

Ayshemgul

ئۇف... نىمانچە تەس بۇنداق يازماق. بىراق قىزىقىپ قالدىم.

Ayshemgul

ئادەملەر مۇرەككەپ، چۈشەنمەك قىيىن،
مۇرەككەپ دۇنيادا قىيىن چۈشەنمەك.
چۈشەنمەك قىيىن، تېڭىرقار ئادەم،
قىيىن چۈشەنمەك، ئادەم تېڭىرقار.

ھېچ بولمىسا سىز دىگەندەك ئوڭدىن سولغا ئوقىسىمۇ، ئۈستىدىن ئاستىغا ئوقىسىمۇ ئوخشاش چىققان بولدى.

Ayshemgul

بىراق مېنىڭ يازغىنىم شېئىر بولماپتۇ. قاپىيە يوق. مەزمۇن باغلاشمىغان. ھې ھې.... بىراق كۆڭۈللۈك ئىكەن. يەنە يېزىپ باقايچۇ ئىنشائاللاھ

arkzat

نۇرلان بۇرادەر، بۇنىڭدىن 25 يىل مۇقەددەم  تەپەككۇرىڭىز خېلىلا تاۋلانغان ئىكەن ئەمەسمۇ؟ بىزدىكى بۇ شەكىلنىڭ شائىر تەپەككۇرى ۋە بەدئىي ، ماھارىتىگە  قويىدىغان تەلىپى پەۋقۇلئاددە يۇقىرى. شېئىرىڭىز قاملىشىپتۇ.
  «ئۆرۈك ئۆرۈكنى كۆرسە ئالا بولىدۇ» ئەمەسمۇ؟ مەنمۇ شۇ مەزگىللەردە بۇ شەكىلگە قىزىقىپ يازغانلىرىم بارتى، ئايشەمگۈلگە ئوخشاش يوللاپ قوياي. ئەمما ئايرىم تېما قىلاي. قېنى ئورتاقلىشىپ باقارمىز.

قىزىققۇچى قېرىنداشلىرىمىز تۆۋەندىكى ئادرېستىن كىرىپ كۆرۈپ باققاي:
/forum.php?mod=viewthread&tid=35068

نەۋرۇز

ئايشەمگۈل ئېيىتقاندەك بۇنى يازماق ھەقىقەتەن  بەك تەس. سۆز بايلىقى بولمىسا يازغىلى بولمايدۇ. نۇرلان ئەپەندىنىڭ كۆپ قىرلىق قەلىمى بۇنى ئىسپاتلاپ تۇرۇپتۇ.

نۇرلان

ئايشەمگۈل، ئەركىزاد ئەپەندىم، نەۋرۇز ئەپەندىم قاتارلىق  مۇنبەرداشلارنىڭ مېنى ئىلھاملاندۇرغىنىغا رەھمەت.

كۆلەنگە

مۇسەۋۋىيات تەرەپپايىن كەتتى:
كىتاب ئىنسانغا ئالتۇندىن ئەلا،
ئىنسانغا بېرۇر بىلىم-بىباھا.
ئالتۇندىن بىلىم قىممەت دەپتىكەن،
ئەلا بىباھا دەپتىكەن دانا.

قىزىلگۈل ئىشقىدا بۇلبۇل ناۋاسى،
ئىشقىدا نالە قىلۇر ئاشىق نىداسى.
بۇلبۇل ئاشىق لېكىن ئەمەس مەندەك،
ناۋاسى نىداسى ئەمەس مەندەك ساداسى.

——
كۆلەڭگە.ئاقسۇ