ئەركەك ئۆلمەيدۇ

نەۋرۇز · ۋاقتى: 2015-1-26 13:00:21

بۇ يازمىنى ئاخىرىدا نەۋرۇز تەھرىرلىگەن. ۋاقتى 2015-1-26 19:29

ئەركەك ئۆلمەيدۇ

ئابدۇرېھىم ئابدۇۋەلى(ئاسۇق)

ئەركەك ئۆلمەيدۇ.....
كەتسىمۇ ئۆزى،
يۈرۈكى يانداشلار ئىز بېسىپ سۆزلەيدۇ.....

ئۇيغۇرنىڭ ئىپپىتىدىن ئويغانغان ياز بار.
ئۇيغۇرنىڭ قېنىدىن ياتلاشقان قان بار.
قېنى يوقلار قان ئالسۇن قان ساتقانلاردىن.....

ئابدۇراھمان ئۇيغۇر ئىدى.
ئۇيغۇرچە ياشاپ
سۆزلەپ بەردى ئۇيغۇرچە ياشاشنىڭ نىمىلىكىنى....
ئابدۇراھمان كەتتى
ئۇ ئۈگەتتى ئەردەك ياشاشنى......

نۇزۈگۈم قان يىغلاپ غەليان قىلىدۇ
ئەر كەتتى!!!
ئەر كەتتى!!!
ئەر كەتتى!!!
بۇ پىغاننىڭ ساداسى قەيەرگە يەتتى؟؟؟
مەختۇمسۇلا چاچ يۇيالماس بولدى دەريادا،
سىيىت نوچى كۆتىرىپ يۈرمە ئەمدى ئۈلۈم خېتىڭنى.....

ئەركەكلىكنىڭ مەناسى نېمە؟
خوتۇن ئېلىشمۇ؟
بالا تېپىشمۇ؟
پاھىشلەرگە <<سالام>>بېرىشمۇ؟
ئابدۇراھمان ئەر ئىدى!!!
ياتلاشمىغان قېنى تېنىدىن،
ئەڭ سۈيۈملۈك ئەر ئىدى.....
ئون مىليۇن ئۇيغۇر
ئابدۇراھمان دەپ
ئېگىز كۆتىرىپ
ئاخرى يەنە يەرگە تاشلىدى....
بەلكىم
ئابدۇراھمان
نۆۋەت بەردى بىزگە .
سەنمۇ ئەردەك ياشاپ باق دېدى.
ئەمما بەكمۇ تېزلا ئۈتۈپ كەتتى ئۇنىڭ نۆۋىتى....
ئابدۇراھمان!!!
ئابدۇراھمان!!!
ئابدۇراھمان!!!
ئون مىليۇن ئەمەس
يۈز مىليۇن بولۇپ توۋلىساقمۇ كەلمەيدۇ ئەمدى......

ھەر بىر ئۇيغۇر ياش تۆككەن چاغدا،
بەلكىم ئابدۇراھمان-
مىيىقىدا كۈلۈپ قويىدۇ.
ئاجىز ئايالى
خوددى ئىگىسىز قالغان مەختۇمسۇلادەك،
ئىككى بالسى بىلەن
ئابدۇراھماننىڭ ئىڭىكىگە تېرەك قويىدۇ.
ئالغۇر بۈركۈتنى ئىزدەيدۇ
كاپ-كاپ كۈچۈكنى چاقىردۇ
ئارغىماققا قارايدۇ.......
ئەنە شۇ چاغدا يالماۋۇزمۇ يىتىپ كىلىدۇ.....
دەل شۇ پەيىتتە مىسران قېلىچ تۇتقان بىر ئەركەك
نەرە تارتىپ بويسۇندۇرسا ئاچكۆز يالماۋۇزنى
ئابدۇراھمان
رازىمەنلىك بىلەن
كۈزىنى يۇمىدۇ....
خاتېرجەم ئۇخلايدۇ......
خاتېرجەم ئۇخلايدۇ.....
مانا بۇ ھەقىقىقى ئۇيغۇرچە ئۇيقۇ.....
ئۇيغۇرچە ئۇيقۇ......

2015-يىلى 26-يانىۋار ئاقسۇ شەھەر ساجىڭزا(قۇمقۇدۇق)تا يېزىلدى.

نۇرلان · ۋاقتى: 2015-1-26 14:25:19

مەرھۇم ئابدىراخمان بىزگە ھەقىقىي ئەرنىڭ قانداق ياشايدىغانلىقىنى تونۇتۇپ قويدى. نەۋرۇز ئەپەندىمنىڭ شېئىرى بىزگە ئابدۇراخماندەك ياشاش لازىملىقىنى ئەسكەرتىپ قويدى. قەلىمىڭىز يەنىمۇ بەرىكەتلىك بولسۇن!

Ayshemgul · ۋاقتى: 2015-1-26 23:26:51

قەلىمىڭىز يەنىمۇ بەرىكەتلىك بولسۇن! ھارمىغايسىز!

نەۋرۇز · ۋاقتى: 2015-1-26 23:28:54

Ayshemgul يوللىغان ۋاقتى 2015-1-26 23:26
قەلىمىڭىز يەنىمۇ بەرىكەتلىك بولسۇن! ھارمىغايسىز!

رەھمەت ئايشەمگۈل . يوقاپلا كەتتىڭىزغۇ مونبەردىن؟

Ayshemgul · ۋاقتى: 2015-1-26 23:37:40

نەۋرۇز يوللىغان ۋاقتى 2015-1-26 23:28
رەھمەت ئايشەمگۈل . يوقاپلا كەتتىڭىزغۇ مونبەردىن؟

ئەمدى بار مەن ئىنشائاللاھ. تەتىلگە چىقتۇق ئەمەسمۇ.

جام · ۋاقتى: 2015-1-27 00:52:01

ئابدۇراخمان ئابلىكىمدەك ئەزمەتلىرىمىز مىللىتىمىزنىڭ پەخىرى ئىدى، ئەپسۇس، بىز بۇ پەخىرلىك ئوغلانىمىزدىن ئايرىلىپ قالدۇق. شۇنداقتىمۇ مەيۈسلىنىشكە بالدۇرلۇق قىلىدۇ. چۈنكى، بىزگە ئابدۇراخمان ئۆز جاسارىتى، پىداكارلىقى ئارقىلىق قانداق ياشاشنى، نېمە قىلىشنى ئۆگىتىپ قويدى. بىز چوقۇم بۇ پالۋىنىمىزنىڭ روھىنى يۈلەنچۈك قىلىپ، ئۆزىمىزگە خاس جاسارەت بىلەن مەرھۇمنىڭ يۈزىنى يورۇق قىلالايمىز.

جام · ۋاقتى: 2015-1-27 00:52:37

ئابدۇراخمان ئابلىكىمدەك ئەزمەتلىرىمىز مىللىتىمىزنىڭ پەخىرى ئىدى، ئەپسۇس، بىز بۇ پەخىرلىك ئوغلانىمىزدىن ئايرىلىپ قالدۇق. شۇنداقتىمۇ مەيۈسلىنىشكە بالدۇرلۇق قىلىدۇ. چۈنكى، بىزگە ئابدۇراخمان ئۆز جاسارىتى، پىداكارلىقى ئارقىلىق قانداق ياشاشنى، نېمە قىلىشنى ئۆگىتىپ قويدى. بىز چوقۇم بۇ پالۋىنىمىزنىڭ روھىنى يۈلەنچۈك قىلىپ، ئۆزىمىزگە خاس جاسارەت بىلەن مەرھۇمنىڭ يۈزىنى يورۇق قىلالايمىز.