سەن ، شىئېر ۋە مەن

نەۋرۇز

سەن ، شىئېر  ۋە مەن

ئابدۇرېيىم ئابدۇۋەلى(ئاسۇق)

يۇيۇندۇم بەخىتنىڭ لەھزىدە بىر رەت،
خوشاللىق ئىچىدىن ئۈلۈمنى ئىزلەپ.
مەن سىنى شىئېرغا ئايلاندۇرسام گەر،
قالىدۇ خالايىق لىۋېنى چىشلەپ.

يۇيۇندۇم كۈتۈشنىڭ لەھزىدە بىر رەت.
بىلەمسەن بۇ كۈتۈش كىملەردىن قالغان؟
كۈتۈشنىڭ كۈزىدە شىئېر يازىمەن،
شىئېرسەن ھېچكىممۇ يېزىپ باقمىغان.

يۇيۇندۇم ھېجراننىڭ لەھزىدە بىر رەت،
شىئېرسىز ئۆتمىدى سەنسىز ھەر كۈنۈم.
قەبرەمنىڭ سىرتىدا قىلدىم مەن دۇئا،
تەبەسسۇم قىلغاندا مەن ئۈچۈن ئۈلۈم.

يۇيۇندۇم ئازاپنىڭ لەھزىدە بىر رەت،
يەنىلا ھېجىيىپ يۈرگىنىم يۈرگەن.
گاھىدا شىئېرسىز قالساممۇ مۇزلاپ،
تاۋۇتقا خوش دىمەي كېتىمەن قەستەن......

2015-يىلى 24-فېۋرال ئاقسۇ ساجىڭزا(قۇمقۇدۇق)تا يېزىلدى.

ئەزھەر36

شىئىرىڭىز ناھايىتى ئوبرازلىق ، ياخشى چىقىپتۇ .

سىھىر

يۇيۇندۇم ئ‍ازاپنىڭ لەھزىدە بىر رەت،
     ۋە لىكىن راھەتتە يايرىدى تىنىم.
بىراۋلار مەم ئ‍ۈچۈن قەدىرلىك شۇنچە،
ئ‍ەرزىسەم تەسەددۇق بولسۇن بۇ جېنىم.      

سىھىر

ئ‍ىككى قېتىم يوللىنىپ كىتىپتۇ،شىئ‍ىرىڭىزدىن ئ‍ىلھاملىنىپ مەنمۇ بىر كۇبلىت  ئەگىشىپ قويدۇم،،،،

نەۋرۇز

سىھىر يوللىغان ۋاقتى  2015-2-24 21:44
يۇيۇندۇم ئ‍ازاپنىڭ لەھزىدە بىر رەت،
     ۋە لىكىن راھەت ...

ئەگەشمە شىئېرىڭىز ياخشى چىقىپتۇ. دىققەت قىلدىڭىزمىكىن  تۆت كۇبلىت شىئېرىمنىڭ ھەر بىر كۇبلىتنىڭ  بىرىنچى مىسراسىدا ئازراق ئۆزگۈرۈش بار . يەنى بىرنچى مىسرادا بەخىت، ئىككىنچى كۇبلىت بىرىنچى مىسرادا كۈتۈش، ئۇچۇنچى كۇبلىت بىرىنچى مىسرادا ھېجران، تۆتىنچى كۇبلىت بىرنچى مىسرادا ئازاپ...................
ئەگەر داۋاملىق ئەگىشىپ باقاي دەپ ئويلىسىڭىز ھەر بىر كۇبلىتنىڭ بىرىنچى مىسراسىنى ئېلىپلا ئەگىشىپ كۈرۈڭ . شۇندا بۇ شىئېر بىر پۈتۈنلۈككە ئىگە بولىدۇ دەپ قارايمەن.

نەۋرۇز

ئەزھەر36 يوللىغان ۋاقتى  2015-2-24 21:40
شىئىرىڭىز ناھايىتى ئوبرازلىق ، ياخشى چىقىپتۇ .

شىئېرلىرىمنىڭ قىزغىن ئوقۇرمىنى بولۇپ كىلۋاتقىنىڭىز مىنىڭ پەخرىم ئەزھەر ئەپەندى. رەھمەت سىزگە.

ئ‍ويغاق

تەخەللۇسىڭىز ئ‍اسۇق نىڭ مەنىسى نىمە؟

كۇسەنى

كۈتۈشنىڭ كۈزىدە شىئېر يازىمەن،
شىئېرسەن ھېچكىممۇ يېزىپ باقمىغان.
بۇ يېڭىچە تەپەككۇر،يېڭىچە تۇيغۇ مىنى شىئېرىيەت سەپىرىنىڭ روھ ئارىلىدا چۇڭقۇر قايناملىرىغا غەرىق قىلدى،يۈرۈگۈمنى تىڭشاپ باقسام مەن شۇنىڭ ئۈچۈن شىئېردىن ئايرىلالمايدىكەنمەن.كۈتۈش،سېغىنىش،ئازاپ بەخىتتىن يىراقلاشقان كۈنى بەلكىم شىئېر يازىدىغانلارنىڭ قەلىمى،تەپەككۇرى گاللىشىپ،تۈپتۈزلا بىر چۆللىككە ئايلىنىپ قالارمۇ-ھە؟

Ayshemgul

يۇيۇندۇم خىيالنىڭ لەھزىدە بىر رەت،
شېئىردەك پاك،  گۈزەل ، شېرىن بۇ خىيال.
سەن كەبى سۆيۈملۈك كۆرۈندى دۇنيا،
خىيالىم ئىچرە تاپقاچقا ۋىسال.

مەنمۇ ئەگىشىپ باقتىم ، قوللىرىڭىزغا دەرت كەلمىسۇن. قەلىمىڭىزگە يەنىمۇ بەرىكەت تىلەيمەن.